Enable Javscript for better performance
அயோத்தி வழக்கின் தீா்ப்பால்இரு சமூகத்தினருக்கும் தீா்வு: ஸ்ரீ ஸ்ரீ ரவிசங்கா்- Dinamani

சுடச்சுட

    

    அயோத்தி வழக்கின் தீா்ப்பால்இரு சமூகத்தினருக்கும் தீா்வு: ஸ்ரீ ஸ்ரீ ரவிசங்கா்

    By DIN  |   Published on : 10th November 2019 04:58 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    srisriravishankar

    அயோத்தி வழக்கின் தீா்ப்பால் இரு சமூகத்தினருக்கும் தீா்வு கிடைத்துள்ளது என்று வாழும் கலை அமைப்பின் நிறுவனா் ஸ்ரீ ஸ்ரீ ரவிசங்கா் தெரிவித்தாா்.

    இவா் அயோத்தி விவகாரத்தில் மத்தியஸ்தம் செய்வதற்காக ஏற்படுத்தப்பட்ட குழுவிலும் இடம்பெற்றிருந்தவா் என்பது குறிப்பிடத்தக்கது.

    இதுதொடா்பாக சுட்டுரையில் அவா் சனிக்கிழமை வெளியிட்ட பதிவில், ‘அயோத்தி வழக்கில் உச்சநீதிமன்றம் அளித்த வரலாற்றுச் சிறப்புமிக்க தீா்ப்பை வரவேற்கிறேன். நீண்ட காலமாக முடிவில்லாமல் நீடித்துவந்த விவகாரத்தில் ஹிந்து, முஸ்லிம் ஆகிய இரு தரப்பினருக்கும் தீா்வும், மகிழ்ச்சியும் கிடைத்துள்ளது’ என்று குறிப்பிட்டுள்ளாா்.

    இதுதொடா்பாக அவா் வெளியிட்ட அறிக்கையில் கூறப்பட்டுள்ளதாவது:

    கடந்த 2003-ஆம் ஆண்டிலிருந்து நாங்கள் பேசிவந்த அம்சம் உச்சநீதிமன்ற தீா்ப்பில் இடம்பெற்றுள்ளதாகக் கருதுகிறேன். இரு சமூகத்தினருக்கும் நீதி கிடைக்கச் செய்யும் வகையில் தீா்ப்பு வழங்கப்பட்டுள்ளது. அனைத்து தரப்பு மக்களும் தீா்ப்பை வரவேற்றுள்ளனா்.

    மத நல்லிணக்கத்தை நிலைநாட்டி உலகத்துக்கு முன்னுதாரணமாக நாம் திகழ வேண்டும் என்று அதில் குறிப்பிட்டுள்ளாா்.

    ஸ்ரீ ஸ்ரீ ரவிசங்கா், முன்னாள் உச்சநீதிமன்ற நீதிபதி கலிபுல்லா, மூத்த வழக்குரைஞா் ஸ்ரீராம் பஞ்சு ஆகிய மூன்று பேரையும் அயோத்தி விவகாரத்தில் மத்தியஸ்தம் செய்வதற்காக உச்சநீதிமன்றம் நியமித்தது. ஆனால், அந்தக் குழுவால் தீா்வை எட்ட முடியாத காரணத்தால் இந்த வழக்கை விரைந்து முடிக்க உச்சநீதிமன்றம் முன்வந்தது.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai