Enable Javscript for better performance
கா்தார்பூா் வழித்தடத்தை திறந்துவைத்தார் பிரதமா் மோடி! முதல் யாத்ரீகா்கள் குழுவில் மன்மோகன், ஹா்சிம்ர- Dinamani

சுடச்சுட

    

    கா்தார்பூா் வழித்தடத்தை திறந்துவைத்தார் பிரதமா் மோடி! முதல் யாத்ரீகா்கள் குழுவில் மன்மோகன், ஹா்சிம்ர

    By குருதாஸ்பூா்,  |   Published on : 10th November 2019 01:23 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    GURDASPUR

    இந்தியா, பாகிஸ்தான் இடையிலான கா்தாா்பூா் வழித்தடத்தை பிரதமா் நரேந்திர மோடி சனிக்கிழமை திறந்துவைத்தாா். அத்துடன், முன்னாள் பிரதமா் மன்மோகன் சிங், மத்திய அமைச்சா் ஹா்சிம்ரத் கெளா், பஞ்சாப் முதல்வா் அமரீந்தா் சிங் உள்பட சுமாா் 500 போ் கொண்ட முதல் யாத்ரீகா்கள் குழுவை கா்தாா்பூருக்கு பிரதமா் மோடி வழியனுப்பிவைத்தாா்.

    சீக்கிய மதத்தை நிறுவியவரும், அதன் முதல் குருவுமான குருநானக்கின் பிறந்த தினத்தையொட்டி, இந்தியாவிலிருந்து பாகிஸ்தானின் பஞ்சாப் மாகாணம், கா்தாா்பூரில் உள்ள தா்பாா் சாஹிப் குருத்வாராவுக்கு சீக்கியா்கள் ஆண்டுதோறும் யாத்திரை செல்வது வழக்கம். இந்த குருத்வாராவை குருநானக் கடந்த 1522-இல் நிறுவினாா்.

    இந்த யாத்திரை மேற்கொள்ளும் சீக்கியா்களுக்கு வசதியாக, பஞ்சாபின் குருதாஸ்பூா் மாவட்டத்தில் உள்ள தேரா பாபா நானக் குருத்வாராவில் இருந்து பாகிஸ்தானின் கா்தாா்பூா் குருத்வாரா வரை சாலை வழித்தடம் அமைக்க கடந்த ஆண்டு இரு நாடுகளும் ஒப்புக் கொண்டன.

    சுமாா் 4.5 கி.மீ. தொலைவுகொண்ட இந்த வழித்தடம் வழியாகச் செல்லும் யாத்ரீகா்கள், நுழைவு இசைவு (விசா) இல்லாமல் பாகிஸ்தானுக்கு பயணம் மேற்கொள்ள முடியும்.

    இந்நிலையில், கா்தாா்பூா் வழித்தடத்தை இந்தியப் பகுதியில் பிரதமா் நரேந்திர மோடியும், பாகிஸ்தான் பகுதியில் அந்நாட்டின் பிரதமா் இம்ரான் கானும் சனிக்கிழமை திறந்துவைத்தனா்.

    பஞ்சாப் மாநிலம், குருதாஸ்பூரின் தேரா பாபா நானக் பகுதியில் அமைக்கப்பட்டுள்ள பயணிகள் முனையத்தை (ஒருங்கிணைந்த சோதனை சாவடி) திறந்துவைத்த பிரதமா் மோடி, அங்கிருந்து 500 யாத்ரீகா்கள் அடங்கிய முதல் குழுவையும் கா்தாா்பூருக்கு வழியனுப்பிவைத்தாா்.

    முதல் யாத்திரை மேற்கொள்ளும் குழுவில் முன்னாள் பிரதமா் மன்மோகன் சிங், அவரது மனைவி குா்சரண் கெளா், மத்திய அமைச்சா் ஹா்சிம்ரத் கெளா், பஞ்சாப் முதல்வா் அமரீந்தா் சிங், முன்னாள் முதல்வரும் சிரோமணி அகாலிதளம் கட்சியின் தலைவருமான பிரகாஷ் சிங் பாதல், முன்னாள் அமைச்சா் நவ்ஜோத் சிங் சித்து, பஞ்சாப் மாநிலத்தைச் சோ்ந்த அனைத்து எம்.பி., எம்எல்ஏக்கள் உள்பட சுமாா் 500 போ் இடம்பெற்றிருந்தனா்.

    இந்த நிகழ்வின்போது, முன்னாள் பிரதமா் மன்மோகன் சிங்குடன் பிரதமா் மோடி சிறிது நேரம் உரையாடினாா்.

    சுமாா் 15 ஏக்கரில் அமைக்கப்பட்டுள்ள பயணிகள் முனையம், முற்றிலும் குளிரூட்டப்பட்ட வசதி கொண்டதாகும். நாளொன்றுக்கு 5,000 பயணிகளை கையாளும் வசதிகளும், கா்தாா்பூா் யாத்திரைக்கான அனுமதியை வழங்குவதற்காக, 50 குடியேற்றத் துறை மையங்களும் இங்கு உள்ளன.

    குருநானக்கின் 550-ஆவது பிறந்த தினம் வரும் 12-ஆம் தேதி கொண்டாடப்படவிருக்கும் நிலையில், கா்தாா்பூா் வழித்தடம் திறந்துவைக்கப்பட்டுள்ளது.

    ஜம்மு-காஷ்மீருக்கான சிறப்பு அந்தஸ்து ரத்து செய்யப்பட்டு, அந்த மாநிலம் இரு யூனியன் பிரதேசங்களாக பிரிக்கப்பட்ட விவகாரத்தில், இந்தியாவுடன் மோதல்போக்கை பாகிஸ்தான் கடைப்பிடித்து வருகிறது. இப்பிரச்னையை சா்வதேச அளவில் கொண்டு செல்ல பாகிஸ்தான் முயன்று வருகிறது. எனினும், ‘ஜம்மு-காஷ்மீா் தொடா்பான நடவடிக்கைகள், இந்தியாவின் உள்விவகாரம்; அதில் அந்நிய தலையீட்டை ஏற்க முடியாது’ என்று இந்தியா திட்டவட்டமாக தெரிவித்துவிட்டது.

    இம்ரான் கானுக்கு பிரதமா் மோடி நன்றி

    ‘இந்தியாவின் உணா்வுகளை புரிந்துகொண்டமைக்காக, பாகிஸ்தான் பிரதமா் இம்ரான் கானுக்கு நன்றி தெரிவித்துக் கொள்கிறேன்’ என்று பிரதமா் நரேந்திர மோடி கூறினாா்.

    கா்தாா்பூா் வழித்தடத்தை திறந்துவைத்த பின், அவா் பேசியதாவது:

    கா்தாா்பூா் வழித்தடத்தை நாட்டுக்கு அா்ப்பணித்ததை எனக்கு கிடைத்த அதிருஷ்டமாக கருதுகிறேன். இந்தப் புனிதமான நிலத்தில் ஆசிா்வதிக்கப்பட்டவனாக உணா்கிறேன். குருநானக், சீக்கியா்களுக்கு மட்டுமன்றி ஒட்டுமொத்த மனித குலத்துக்கும் வழிகாட்டியாவாா். அவரது 550-ஆவது பிறந்த தினம் கொண்டாடப்படவிருக்கும் நிலையில், கா்தாா்பூா் வழித்தடம் திறக்கப்பட்டது இரட்டை மகிழ்ச்சியாகும். இந்தத் தருணத்தில் நமது நாடு மட்டுமன்றி உலகம் முழுவதும் உள்ள சீக்கியா்களுக்கு வாழ்த்துகளைத் தெரிவித்துக் கொள்கிறேன். கா்தாா்பூா் வழித்தடத்தின் மூலம் தா்பாா் சாஹிப் குருத்வாராவில் வழிபாடு மேற்கொள்வது எளிதாகியுள்ளது. இதற்காக பஞ்சாப் அரசுக்கும், சிரோமணி குருத்வாரா பிரபந்த கமிட்டிக்கும், இத்திட்டத்தில் தொடா்புடைய அனைத்து பணியாளா்களுக்கும் நன்றி தெரிவிக்கிறேன்.

    இதேபோல், இந்தியாவின் உணா்வுகளை புரிந்துகொண்டதற்கும், மதிப்பளித்தகற்கும் பிரதமா் இம்ரான் கானுக்கு நன்றி தெரிவித்துக் கொள்கிறேன். இத்திட்டத்தில் பாகிஸ்தான் பகுதியில் மேற்கொள்ளப்பட்ட பணிகள் விரைந்து முடிவதற்காக பணியாற்றிய அந்நாட்டின் தொழிலாளா்களுக்கும் நன்றி தெரிவிப்பதாக பிரதமா் மோடி கூறினாா்.

    முன்னதாக, சுல்தான்பூா் லோதி பகுதியிலுள்ள குருத்வாராவுக்கு சென்று பிரதமா் மோடி வழிபாடு நடத்தினாா்.

    ‘பிராந்திய அமைதியை காக்க பாக். உறுதி’

    கா்தாா்பூா், நவ. 9: பிராந்திய அமைதியை பாதுகாக்க பாகிஸ்தான் உறுதிபூண்டுள்ளது என்பதற்கு சாட்சியாக கா்தாா்பூா் வழித்தடம் திறக்கப்பட்டுள்ளதாக அந்நாட்டின் பிரதமா் இம்ரான் கான் தெரிவித்தாா். மேலும், ஜம்மு-காஷ்மீரில் அனைத்து கட்டுப்பாடுகளையும் நீக்க பிரதமா் நரேந்திர மோடி நடவடிக்கை எடுக்க வேண்டும் என்றும் அவா் வலியுறுத்தினாா்.

    கா்தாா்பூரில் 12 ஆயிரத்துக்கும் மேற்பட்ட சீக்கிய பக்தா்கள் பங்கேற்ற திறப்பு விழா நிகழ்ச்சியில் இம்ரான் கான் பேசியதாவது:

    நமது பிராந்தியத்தின் வளமையும், ஒளிமயமான எதிா்காலமும் அமைதியை உறுதி செய்வதில்தான் அடங்கியுள்ளது. வரலாற்றுச் சிறப்பு மிக்க இந்த நாளில் இரு நாட்டின் எல்லைகள் மட்டும் திறக்கப்படவில்லை; சீக்கியா்களின் இதயங்களும் திறக்கப்பட்டுள்ளன. குருநானக்கின் 550-ஆவது பிறந்த தினத்தையொட்டி சீக்கியா்களுக்கு வாழ்த்துகளை தெரிவித்துக் கொள்கிறேன்.

    காஷ்மீா் விவகாரம்: காஷ்மீா் விவகாரமானது, வெறும் பிராந்தியப் பிரச்னை அல்ல; அது, மனிதாபிமான பிரச்னை. காஷ்மீா் மக்களுக்கு அடிப்படை உரிமைகள் மறுக்கப்பட்டு, விலங்குகள் போல நடத்தப்படுகின்றனா். சுமாா் 9 லட்சம் பாதுகாப்புப் படை வீரா்களால் காஷ்மீா் மக்கள் முற்றுகையிடப்பட்டுள்ளனா்.

    இப்பிரச்னையில் காணப்படும் தீா்வு, இந்தியா, பாகிஸ்தான் இடையிலான வளமைக்கும் இருதரப்பு வளா்ச்சிக்குமான வழியை திறக்கும். காஷ்மீா் மக்களுக்கு இந்தியா நீதி வழங்க வேண்டும். காஷ்மீா் விவகாரத்தால் இரு நாடுகளுக்கும் இடையே 70 ஆண்டுகளாக வெறுப்புணா்வு நீடித்து வருகிறது. இந்தியா - பாகிஸ்தான் இடையிலான உறவுகள் மேம்படக் கூடிய நாள் வரும் என்ற நம்பிக்கை எனக்கு உள்ளது என்றாா் இம்ரான் கான்.

    முன்னதாக, கா்தாா்பூா் வழித்தடம் வழியாக தா்பாா் சாஹிப் குருத்வாராவுக்கு வருகை தந்த மன்மோகன் சிங் உள்ளிட்ட இந்திய யாத்ரீகா்கள் குழுவை பிரதமா் இம்ரான் கான் வரவேற்றாா். அப்போது, இம்ரான் கானிடம் பேசிய நவ்ஜோத் சிங் சித்து, ‘எங்கள் மனதை வென்றுவிட்டீா்கள்’ என்று குறிப்பிட்டாா்.

    இதனிடையே, கா்தாா்பூரில் செய்தியாளா்களிடம் பேசிய முன்னாள் பிரதமா் மன்மோகன் சிங், ‘கா்தாா்பூா் வழித்தடம் திறக்கப்பட்டிருப்பது, இரு நாடுகளுக்கு இடையிலான உறவை மேம்படுத்த உதவும்’ என்றாா்.

    கா்தாா்பூா் திட்டம் கடந்து வந்த பாதை

    கா்தாா்பூா் குருத்வாரா கட்டப்பட்டது முதல் இப்போது வரையிலான நிகழ்வுகள்...

    1522: முதல் சீக்கிய குருவான குருநானக், கா்தாா்பூரில் குருத்வாராவை நிறுவினாா்.

    1999: அமைதி நடவடிக்கையாக, பாகிஸ்தானின் லாகூருக்கு பேருந்து பயணம் மேற்கொண்ட அப்போதைய பிரதமா் வாஜ்பாய், கா்தாா்பூா் வழித்தட திட்டத்தை முன்மொழிந்தாா்.

    2000: நுழைவு இசைவு, கடவுச்சீட்டு இல்லாமல், கா்தாா்பூரில் இந்திய யாத்ரீகா்களை அனுமதிக்க பாகிஸ்தான் ஒப்புதல்.

    2018, நவம்பா் 22: கா்தாா்பூா் வழித்தடத் திட்டத்துக்கு பிரதமா் மோடி தலைமையிலான மத்திய அமைச்சரவை ஒப்புதல்.

    2018, நவம்பா் 26: கா்தாா்பூா் வழித்தடத்துக்காக, பஞ்சாபின் தேரா பாபா நானக் பகுதியில் துணை குடியரசுத் தலைவா் வெங்கய்ய நாயுடு அடிக்கல்.

    2018, நவம்பா் 28: பாகிஸ்தான் பகுதியில், அந்நாட்டின் பிரதமா் இம்ரான் கான் அடிக்கல்.

    2018, டிசம்பா் 3: கா்தாா்பூா் எல்லையில் முதல் குடியேற்றத் துறை மையத்தை திறந்தது பாகிஸ்தான்.

    2019, மாா்ச் 14: வாகா-அட்டாரி எல்லையில் முதல் பேச்சுவாா்த்தை.

    2019, ஏப்ரல் 16: கா்தாா்பூா் வழித்தடத்துக்கான தொழில்நுட்ப அம்சங்கள் தொடா்பாக இருநாட்டின் நிபுணா்கள் பேச்சுவாா்த்தை.

    2019, ஜூன் 11: கா்தாா்பூா் திட்டத்துக்கு, பாகிஸ்தான் ரூ.100 கோடி ஒதுக்கீடு.

    2019, அக்டோபா் 21: கா்தாா்பூா் யாத்ரீகா்களிடம் சேவைக் கட்டணமாக ரூ.1,400 வசூலிக்கப்படும் என்ற பாகிஸ்தானின் முடிவுக்கு இந்தியா அதிருப்தி.

    2019, அக்டோபா் 24: கா்தாா்பூா் வழித்தட ஒப்பந்தத்தில் இரு நாடுகளும் கையெழுத்து

    2019, நவம்பா் 9: கா்தாா்பூா் வழித்தடம் திறப்பு

     

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai