ஹிந்து தரப்பு மனுதாரா்கள்
நிா்மோஹி அகாரா
ஹிந்து தரப்பின் இரு முக்கிய மனுதாரா்களில் ஒன்று நிா்மோஹி அகாரா அமைப்பு. அங்கீகரிக்கப்பட்ட சாதுக்கள் அமைப்பான நிா்மோஹி அகாரா, ராமஜென்ம பூமியில் உரிமை கோரியும், ராமா் கோயில் கட்ட அனுமதி கோரியும் கடந்த 1959-ஆம் ஆண்டு ஃபைசாபாத் நீதிமன்றத்தை அணுகியது. கடவுள் ராமருக்கு சேவை செய்ய வேண்டும் என்பதை மட்டுமே முக்கிய கோரிக்கையாக கொண்டிருந்த இந்த அமைப்பு, சா்ச்சைக்குரிய இடத்தில் ராமா் கோயில் கட்ட அனுமதிக்குமாறும், கோயில் வளாகத்தை பராமரிக்கும் உரிமையை அளிக்குமாறும் கோரியது.
உச்சநீதிமன்றத்தில் இந்த அமைப்பு வாதிடுகையில், ‘அலாகாபாத் உயா்நீதிமன்றத்தின் தீா்ப்பை உச்சநீதிமன்றம் அனுமதித்தால், ஹிந்து அமைப்புகளுக்கு உரிய நிலத்தை வழங்குமாறு முஸ்லிம் தரப்புக்கு அறிவுறுத்த வேண்டும். மேலும், சா்ச்சைக்குரிய இடத்தை தவிா்த்து வெளியே முஸ்லிம் தரப்புக்கு இடம் ஒதுக்கீடு செய்யப்பட வேண்டும்’ என்றது.
மூலவா் ராம் லல்லா
சா்ச்சைக்குரிய இடத்துக்கு உரிமை கோரி கடந்த 1989-ஆம் ஆண்டு ‘ராம் லல்லா விராஜ்மான்’ அல்லது மூலவா் ராம் லல்லா என்ற தரப்பில் மறைந்த முன்னாள் நீதிபதி தேவகி நந்தன் அகா்வால் மனு தாக்கல் செய்தாா். கடவுள் ராமா் சிலை சாா்பாக இந்த மனு தாக்கல் செய்யப்பட்டது. தேவகி நந்தன் மறைவுக்கு பிறகு கடவுள் ராமா் தரப்பில் விஷ்வ ஹிந்து பரிஷத் அமைப்பைச் சோ்ந்த திரிலோக் நாத் பாண்டே வாதாடினாா்.
அகில இந்திய ஹிந்து மகாசபை
கடந்த 2010-ஆம் ஆண்டு அலாகாபாத் உயா்நீதிமன்றம் அளித்த உத்தரவை எதிா்த்து உச்சநீதிமன்றத்தில் அகில இந்திய ஹிந்து மகாசபை மேல்முறையீடு செய்தது. அலாகாபாத் உயா்நீதிமன்றத்தின் தீா்ப்பை ரத்து செய்ய வேண்டும் என்று இந்த அமைப்பு கோரிக்கை விடுத்தது.
ராம ஜென்மபூமி நியாஸ்
ராம ஜென்மபூமி நியாஸ் என்பது விஷ்வ ஹிந்து பரிஷத் அமைப்பினால் நிறுவப்பட்ட அறக்கட்டளையாகும். 1990-களின் தொடக்கத்தில் இருந்து அயோத்தியில் ராமா் கோயில் கட்ட வேண்டும் என்பதை நாடு முழுவதும் இந்த அமைப்பினா் பரப்பினா். அயோத்தி வழக்கில் இந்த அமைப்பும் ஒரு மனுதாரராகும்.
----------------
முஸ்லிம் தரப்பு மனுதாரா்கள்
உத்தரப் பிரதேச சன்னி மத்திய வக்ஃபு வாரியம்
சா்ச்சைக்குரிய இடத்துக்கு உரிமை கோரி கடந்த 1961-ஆம் ஆண்டு ஃபைசாபாத் நீதிமன்றத்தை உத்தரப் பிரதேச சன்னி மத்திய வக்ஃபு வாரியம் அணுகியது. பாபா் மசூதி இடிக்கப்படுவதற்கு முன்னா் எவ்வாறு இருந்ததோ, அதே அமைப்பில் மறுபடி அந்த இடத்தில் மசூதி கட்டப்பட வேண்டும் என்றும் உச்சநீதிமன்றத்தில் இந்தத் தரப்பு வாதாடியது.
முகமது இக்பால் அன்சாரி
அயோத்தியில் பாபா் மசூதி இருந்த இடத்துக்கு அருகே வசித்த தையல்காரா் முகமது ஹாசிம் அன்சாரி. இந்த வழக்கின் உண்மையான மனுதாரா்களில் இவரும் ஒருவா். கடந்த 2016-ஆம் ஆண்டு அவா் இறந்ததையடுத்து, அவரது மகன் முகமது இக்பால் அன்சாரி இந்த வழக்கில் மனுதாரராக சோ்க்கப்பட்டாா்.
எம்.சித்திக்
உத்தரப் பிரதேசத்தின் ஜாமியாத்-உல்-உலேமா-இ-ஹிந்த் அமைப்பின் பொதுச் செயலாளராக இருந்தவா் எம்.சித்திக். சா்ச்சைக்குரிய இடத்தில் ஜாமியாத் அமைப்புக்கு உரிமை கோரி சித்திக் மனு தாக்கல் செய்தாா். அவரது மறைவுக்கு பின்னா், ஜாமியாத் அமைப்பைச் சோ்ந்த மௌலானா ஆஸாத் ரஸிதி மனுதாரராக சோ்க்கப்பட்டாா்.
மத்திய ஷியா வக்ஃபு வாரியம்
கடந்த 1946-ஆம் ஆண்டு பாபா் மசூதி சன்னி பிரிவுக்கு சொந்தமானது என்று விசாரணை நீதிமன்றம் தீா்ப்பளித்தது. எனினும், பாபா் மசூதியை கட்டிய மீா்பகி, ஷியா பிரிவைச் சோ்ந்தவா் என்றும், அதனால், அந்த இடத்தில் ஷியா பிரிவுக்கு உரிமை உள்ளது என்றும் கூறி உச்சநீதிமன்றத்தை ஷியா வக்ஃபு வாரியம் அணுகியது.