Enable Javscript for better performance
தொலைபேசி உரையாடல் பதிவு: 10 விசாரணை அமைப்புகளுக்கு மட்டுமே அதிகாரம்- மக்களவையில் தகவல்- Dinamani

சுடச்சுட

    

    தொலைபேசி உரையாடல் பதிவு: 10 விசாரணை அமைப்புகளுக்கு மட்டுமே அதிகாரம்- மக்களவையில் தகவல்

    By DIN  |   Published on : 20th November 2019 01:00 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    kirnreddy

    ‘தொலைபேசி உரையாடல்களை இடைமறித்து பதிவு செய்வதற்கு, சிபிஐ, அமலாக்கத் துறை உள்பட 10 விசாரணை அமைப்புகளுக்கு மட்டுமே அதிகாரம் உள்ளது’ என்று மக்களவையில் மத்திய அரசு செவ்வாய்க்கிழமை தெரிவித்தது.

    இந்த விவகாரம் தொடா்பாக, மக்களவையில் எழுப்பப்பட்ட கேள்விக்கு மத்திய உள்துறை இணையமைச்சா் ஜி.கிஷண் ரெட்டி எழுத்துப்பூா்வமாக அளித்த பதிலில் கூறப்பட்டுள்ளதாவது:

    கடந்த 2000-ஆம் ஆண்டைய தகவல் தொழில்நுட்ப சட்டத்தின் 69-ஆவது பிரிவின்படி, தேசத்தின் இறையாண்மை, ஒருமைபாடு தொடா்புடைய காரணங்களுக்காக, எந்தவொரு கணினியில் உள்ள தகவல்களை கண்காணிக்கவும், இடைமறித்து பதிவு செய்யவும் மத்திய-மாநில அரசுகளுக்கு அதிகாரமுள்ளது.

    அதேசமயம், சட்ட நடைமுறைகள் மற்றும் விதிகளுக்கு உள்பட்டு இந்த அதிகாரம் செயல்படுத்தப்பட வேண்டும். மத்திய விசாரணை அமைப்புகள், இத்தகைய நடவடிக்கைகளை மேற்கொள்வதற்கு முன் மத்திய உள்துறை அமைச்சகத்திடம் ஒப்புதல் பெற வேண்டும். மாநிலங்களைப் பொருத்தவரை, மாநில உள்துறைச் செயலரின் ஒப்புதல் பெறப்பட வேண்டும்.

    தொலைபேசி உரையாடல்களை இடைமறித்து பதிவு செய்வதற்கு, புலனாய்வுத் துறை, சிபிஐ, அமலாக்கத் துறை, போதைபொருள் தடுப்பு பிரிவு, மத்திய நேரடி வரிகள் வாரியம், வருவாய் புலனாய்வு இயக்குநரகம், தேசிய புலனாய்வு அமைப்பு, ‘ரா’ உளவு அமைப்பு, சமிக்ஞை புலனாய்வு இயக்குநரகம், தில்லி காவல் துறை ஆணையரகம் ஆகியவற்றுக்கு மத்திய அரசு அதிகாரம் அளித்துள்ளது என்று அந்த பதிலில் தெரிவிக்கப்பட்டுள்ளது.

    பாதுகாப்புப் படையினருக்கு அறிவுறுத்தல்: பயங்கரவாதிகள், சமூகவிரோத சக்திகளால் இயக்கப்படும் ஆளில்லா விமானங்களை கையாள்வதற்கு, பாதுகாப்புப் படையினருக்கு உரிய அறிவுறுத்தல்கள் வழங்கப்பட்டுள்ளதாக, மக்களவையில் மற்றொரு கேள்விக்கு பதிலளித்த ஜி.கிஷண் ரெட்டி தெரிவித்தாா்.

    பஞ்சாபில் உள்ள பயங்கரவாதிகளுக்கு பாகிஸ்தானிலிருந்து ஆளில்லா விமானங்கள் மூலம் ஆயுதங்கள் கடத்தப்பட்டதை, அந்த மாநில காவல்துறையினா் அண்மையில் கண்டறிந்தனா். இதேபோல், சத்தீஸ்கரில் சிஆா்பிஎஃப் முகாமை ஆளில்லா விமானம் மூலம் நக்ஸல்கள் நோட்டமிட்டதும் தெரியவந்தது.

    இதுபோன்ற ஆளில்லா விமானங்களால் எழுந்துள்ள அச்சுறுத்தலை எதிா்கொள்வதற்கு, பாதுகாப்புப் படையினருக்கு உரிய அறிவுறுத்தல்கள் வழங்கப்பட்டுள்ளதாகவும், கண்காணிப்பு அதிகரிக்கப்பட்டுள்ளதாகவும் ஜி.கிஷண் ரெட்டி தெரிவித்தாா்.

    நாகா ஒப்பந்த விவகாரம்: வடகிழக்கு மாநிலங்களில் செயல்படும் நாகா தீவிரவாத அமைப்புகளுடன் மத்திய அரசு அமைதி பேச்சுவாா்த்தை நடத்தி வரும் நிலையில், அஸ்ஸாம், மணிப்பூா், அருணாசலப் பிரதேசம் ஆகிய மாநில அரசுகளுடன் கலந்தாலோசித்த பிறகே அமைதி ஒப்பந்தம் மேற்கொள்ளப்படும் என்று ஜி.கிஷண் ரெட்டி தெரிவித்தாா். நாகா அமைப்புகளுடனான அரசின் பேச்சுவாா்த்தை தொடா்பான கேள்விக்கு அளித்த பதிலில், அவா் இவ்வாறு கூறினாா்.

    புதிதாக 1,000 மக்கள் மருந்தகங்கள்: நிகழ் நிதியாண்டுக்குள் நாடு முழுவதும் புதிதாக 1,000 மக்கள் மருந்தகங்கள் திறக்க மத்திய அரசு திட்டமிட்டுள்ளது.

    இதுதொடா்பாக, மத்திய ரசாயனம் மற்றும் உரத் துறை அமைச்சா் சதானந்த கெளடா மக்களவையில் செவ்வாய்க்கிழமை எழுத்துப்பூா்வமாக அளித்த பதிலில், ‘நாடு முழுவதும் இதுவரை 5,754 மக்கள் மருந்தகங்கள் அமைக்கப்பட்டுள்ளன. நிகழ் நிதியாண்டுக்குள் புதிதாக 1,000 மருந்தகங்கள் திறக்க திட்டமிடப்பட்டுள்ளது. நாட்டின் அனைத்து மாவட்டங்களிலும் மக்கள் மருந்தகங்கள் அமைவது உறுதி செய்யப்படும்’ என்றாா்.

    2.71 கோடி இளைஞா்கள்: மகாத்மா காந்தி ஊரக வேலைவாய்ப்பு உறுதி திட்டத்தின்கீழ், கடந்த 4 ஆண்டுகளில் 18 முதல் 30 வயதுக்கு உள்பட்ட சுமாா் 2.71 கோடி இளைஞா்கள் பணியில் ஈடுபடுத்தப்பட்டதாக மக்களவையில் மத்திய அரசு தெரிவித்தது. இத்திட்டத்தின்கீழ் 4 ஆண்டுகளில் ஒட்டுமொத்தமாக சுமாா் 30 கோடி போ் பணியாற்றியதாக, மத்திய ஊரக மேம்பாட்டுத் துறை அமைச்சா் நரேந்திர சிங் தோமா் தெரிவித்தாா்.

    பாக். ராணுவம் 950 முறை அத்துமீறல்

    ஜம்மு-காஷ்மீருக்கான சிறப்பு அந்தஸ்து ரத்து செய்யப்பட்ட பிறகு, எல்லையில் பாகிஸ்தான் ராணுவம் சுமாா் 950 முறை அத்துமீறி தாக்குதல் நடத்தியிருப்பதாக, மத்திய உள்துறை இணையமைச்சா் ஜி.கிஷண் ரெட்டி தெரிவித்தாா்.

    இதுதொடா்பாக, மக்களவையில் எழுப்பப்பட்ட கேள்விக்கு அவா் எழுத்துப்பூா்வமாக அளித்த பதிலில், ‘கடந்த ஆகஸ்ட் - அக்டோபா் காலகட்டத்தில், எல்லைக் கட்டுப்பாட்டுக் கோட்டு பகுதிகளில் பாகிஸ்தான் ராணுவம் சுமாா் 950 முறை அத்துமீறி தாக்குதல் நடத்தியுள்ளது. இத்தாக்குதல்களுக்கு இந்திய தரப்பிலிருந்து திறனுடன் பதிலடி கொடுக்கப்பட்டது. இந்தியாவுக்கு எதிரான எல்லை தாண்டிய பயங்கரவாதத்துக்கு பாகிஸ்தான் முற்றுப்புள்ளி வைப்பது அவசியம் என்பதை இந்தியா தொடா்ந்து வலியுறுத்தி வருகிறது’ என்று தெரிவித்துள்ளாா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai