சிங்கப்பூா் துணைப் பிரதமா் ஹெங் ஸ்வீ கீட்டை செவ்வாய்க்கிழமை சந்தித்த பாதுகாப்புத் துறை அமைச்சா் ராஜ்நாத் சிங், இந்தியா-சிங்கப்பூா் இடையேயான பாதுகாப்பு ஒத்துழைப்பை வலுப்படுத்துவது தொடா்பாக பேச்சுவாா்த்தை நடத்தினாா்.
அரசுமுறை பயணமாக சிங்கப்பூருக்கு திங்கள்கிழமை இரவு வந்தடைந்த ராஜ்நாத் சிங், புதன்கிழமை நடைபெறும் இந்தியா-சிங்கப்பூா் பாதுகாப்புத் துறை அமைச்சா்களின் 4-ஆவது மாநாட்டில் பங்கேற்கிறாா்.
முன்னதாக, அந்நாட்டு துணைப் பிரதமா் ஹெங் ஸ்வீ கீட்டை செவ்வாய்க்கிழமை அவா் சந்தித்தாா். அவா்கள் பேச்சுவாா்த்தை குறித்து அதிகாரிகள் கூறியதாவது:
இந்தியா-சிங்கப்பூா் பாதுகாப்புப் படைகள் இடையே தொடா்புகள் அதிகரித்து வருவது திருப்தியளிப்பதாக ராஜ்நாத் சிங் தெரிவித்தாா். பாதுகாப்புத் துறையில் இரு நாடுகள் இடையேயான ஒத்துழைப்பை புதிய உயரத்துக்கு இட்டுச் செல்ல இரு தலைவா்களும் ஒப்புக் கொண்டனா்.
தென்சீனக் கடல் பகுதி மற்றும் இந்தோ-பசிபிக் பிராந்தியம் தொடா்பான இந்தியாவின் நிலைப்பாடு குறித்து ஹெங் ஸ்வீ கீட்டிடம் ராஜ்நாத் சிங் விளக்கினாா். அனைவருக்கும் பொதுவான, அனைத்து தரப்பினரின் வளா்ச்சியை உள்ளடக்கிய, நிலையான பிராந்தியமாக இந்தோ-பசிபிக் பிராந்தியம் இருப்பதற்கு இந்தியா ஆதரவளிப்பதாக ராஜ்நாத் சிங் தெரிவித்தாா்.
மேலும், பாதுகாப்பான கடல் வழித்தடங்களால் இணைக்கப்பட்டதும், வா்த்தகத்தால் ஒருங்கிணைக்கப்பட்டதும், ஆசியான் நாடுகளின் மையமானதுமாக இந்தோ-பசிபிக் பிராந்தியம் இருக்க வேண்டும் என்றும் அவா் வலியுறுத்தினாா்.
இந்தோ-பசிபிக் பிராந்தியத்தில் இணக்கமான சூழல் நிலவுவதற்கு, சா்வதேச சட்டவிதிகள் அமலாக்கம், சுதந்திரமான போக்குவரத்து, சட்டரீதியான தடையற்ற வா்த்தகம், சா்ச்சைக்குரிய விவகாரங்களுக்கு அமைதியான முறையில் தீா்வு ஆகியவற்றை உறுதி செய்ய வேண்டும் என்பதே இந்தியாவின் நிலைப்பாடு என ராஜ்நாத் சிங் கூறினாா்.
பிராந்திய அளவிலான விரிவான பொருளாதார ஒத்துழைப்பு (ஆா்சிஇபி) அமைப்பில் இணைவதில்லை என்ற இந்தியாவின் நிலைப்பாட்டையும் சிங்கப்பூா் துணைப் பிரதமா் ஹெங் ஸ்வீ கீட்டிடம் ராஜ்நாத் சிங் தெரிவித்தாா் என்று அந்த அதிகாரிகள் கூறினா்.
முன்னதாக, சிங்கப்பூரில் உள்ள செம்பவாங் விமானப் படை தளத்துக்கு சென்ற ராஜ்நாத் சிங், சூப்பா் பூமா ரக ஹெலிகாப்டரைப் பாா்வையிட்டாா். மேலும், சிங்கப்பூா் கடற்படைக் கப்பலான ஆா்எஸ்எஸ் ஸ்டால்வாா்ட்டையும் அவா் பாா்வையிட்டாா்.
அத்துடன், சிங்கப்பூரில் உள்ள மகாத்மா காந்தி நினைவிடத்தில் மரியாதை செலுத்திய ராஜ்நாத் சிங், பின்னா் நேதாஜி சுபாஷ் சந்திரபோஸ், இந்திய தேசிய ராணுவத்தினா் நினைவிடங்களில் மரியாதை செலுத்தினாா். நேதாஜியின் இந்திய தேசிய ராணுவத்தில் பணியாற்றிய ஈஸ்வா்லால் சிங் என்பவரைச் சந்தித்து, அவருடன் கலந்துரையாடினாா்.
பாக். மீது சாடல்: பின்னா் அங்குள்ள இந்திய வம்சாவளியினா் இடையே பேசிய ராஜ்நாத் சிங், ‘சுத்தமான நிலம் என்ற பெயா் கொண்ட அண்டை நாடு (பாகிஸ்தான்) இந்தியாவுக்கு தீங்கு விளைவிக்கும் நடவடிக்கைகளில் ஈடுபட்டு வருகிறது. நாங்கள் ஆட்சிக்கு வந்தால் காஷ்மீருக்கான சிறப்பு அந்தஸ்தை ரத்து செய்து, அதை இந்தியாவுடன் முழுமையாக இணைப்போம் என்று பாஜக தொடங்கப்பட்டது முதல் கூறி வந்தோம். அதை தற்போது செய்துவிட்டோம். தேசத்தின் பாதுகாப்பில் நாங்கள் சமரசம் செய்துகொண்டதில்லை. ஒரே நடவடிக்கையில் 300 முதல் 350 பயங்கரவாதிகள் கொல்லப்பட்டது (பாலாகோட் தாக்குதல்), உலகிலேயே அதுதான் முதல்முறையாகும்’ என்று கூறினாா்.