Enable Javscript for better performance
நவ.27-ல் விண்ணில் பாய்கிறது பி.எஸ்.எல்.வி-சி47 ராக்கெட் | PSLV-C47 rocket- Dinamani

சுடச்சுட

    
    PSLV1

     

    இந்தியாவின் காா்டோசாட் செயற்கைக்கோள் மற்றும் அமெரிக்காவின் 13 சிறிய ரக செயற்கைக்கோள்களைச் சுமந்தபடி, பி.எஸ்.எல்.வி.-சி47 ராக்கெட் நவ.27-ல் விண்ணில் செலுத்தப்பட உள்ளது.

    புவி கண்காணிப்பு மற்றும் பாதுகாப்பு கண்காணிப்புக்கு இந்த காா்டோசாட்-3 செயற்கைக்கோள் உதவ உள்ளது. ஆந்திர  மாநிலம், ஸ்ரீஹரிகோட்டாவில் உள்ள சதீஷ் தவண் விண்வெளி மையத்தின் இரண்டாவது ஏவுதளத்திலிருந்து, புதன்கிழமை காலை 9.28 மணிக்கு ராக்கெட் விண்ணில்  ஏவப்பட உள்ளது.

    1,625 கிலோ எடை கொண்ட இந்த மூன்றாம் தலைமுறை அதிநவீன காா்டோசாட்-3 செயற்கைக்கோள், புவியிலிருந்து 509 கி.மீ. தொலைவிலான சுற்றுவட்டப் பாதையில் 97.5 நிலைநிறுத்தப்பட உள்ளது. அங்கிருந்தபடி, புவியைக் கண்காணிப்பதுடன் உயா் தரத்திலான புகைப் படத்தை எடுத்தனுப்பும் திறன் கொண்டதாகும்.  

    இந்த செயற்கைக்கோள் 5 ஆண்டுகள்  செயல்பாட்டில் இருக்கும் எனவும் இஸ்ரோ சாா்பில் தெரிவிக்கப்பட்டுள்ளது. இந்த காா்டோசாட்-3 செயற்கைக்கோளுடன் அமெரிக்காவுக்குச் சொந்தமான 13 சிறிய ரக செயற்கைக்கோள்களும் விண்ணில் ஏவப்பட உள்ளன.

    இது இஸ்ரோ விண்ணில் ஏவும் 49-வது பி.எஸ்.எல்.வி.  ராக்கெட் என்பதோடு, திறன் கூட்டப்பட்ட 21-வது எக்ஸெல் ரக ராக்கெட் என்பதும் குறிப்பிடத்தக்கது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai