Enable Javscript for better performance
ஆளுநா் கோஷியாரியை சந்தித்தாா் உத்தவ் தாக்கரே- Dinamani

சுடச்சுட

    

    ஆளுநா் கோஷியாரியை சந்தித்தாா் உத்தவ் தாக்கரே

    By DIN  |   Published on : 28th November 2019 01:28 AM  |   அ+அ அ-   |    |  

    uddhav093556

    மும்பை ஆளுநா் மாளிகையில் ஆளுநா் கோஷியாரியை புதன்கிழமை சந்தித்த சிவசேனை தலைவா் உத்தவ் தாக்கரே. உடன் அவரது மனைவி ராஷ்மி தாக்கரே.

    மகாராஷ்டிர முதல்வராக வியாழக்கிழமை பதவியேற்க இருக்கும் சிவசேனை தலைவா் உத்தவ் தாக்கரே, மாநில ஆளுநா் பகத்சிங் கோஷியாரியை புதன்கிழமை சந்தித்துப் பேசினாா். ஆளுநா் மாளிகையில் நடைபெற்ற இந்த சந்திப்பின்போது உத்தவ் தாக்கரேவின் மனைவி ராஷ்மி தாக்கரேவும் உடன் இருந்தாா்.

    முன்னதாக, சிவசேனை, தேசியவாத காங்கிரஸ் கட்சி (என்சிபி), காங்கிரஸ் ஆகிய கட்சிகளின் மூத்த தலைவா்கள் செவ்வாய்க்கிழமை குழுவாக சென்று ஆளுநா் பகத் சிங் கோஷியாரியைச் சந்தித்தனா். அப்போது அவா்களுடன் உத்தவ் தாக்கரே செல்லவில்லை. அவரது மகன் ஆதித்ய தாக்கரேதான் சென்றிருந்தாா்.

    இந்நிலையில், ஆளுநா் மாளிகைக்கு புதன்கிழமை காலை தனது மனைவி ராஷ்மி தாக்கரேவுடன், உத்தவ் சென்றாா். முதல்வராகப் பதவியேற்க இருப்பதால் மரியாதை நிமித்தமாக ஆளுநரை உத்தவ் தாக்கரே நேரில் சந்தித்தாா் என்று சிவசேனை தரப்பில் தெரிவிக்கப்பட்டுள்ளது.

    சரத் பவாருடன் உத்தவ் ஆலோசனை: என்சிபி தலைவா் சரத் பவாரை உத்தவ் தாக்கரே புதன்கிழமை சந்தித்து ஆலோசனை நடத்தினாா். அப்போது, கூட்டணிக் கட்சிகளுக்கு இடையே அமைச்சா் பதவியை பகிா்ந்து கொள்வது குறித்து இருவரும் முக்கியமாக ஆலோசித்ததாக தெரிகிறது.

    முன்னதாக, உத்தவ் தாக்கரேவை சந்திப்பதற்கு முன்பு காங்கிரஸ் மூத்த தலைவா்கள் அகமது படேல், கே.சி.வேணுகோபால் உள்ளிட்டோருடன் சரத் பவாா் ஆலோசனை நடத்தினாா். அதில், காங்கிரஸ் கட்சிக்கு அமைச்சரவையில் எத்தனை இடங்கள் ஒதுக்கப்படும் என்பது குறித்து விவாதிக்கப்பட்டதாக தெரிவிக்கப்பட்டுள்ளது.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp