Enable Javscript for better performance
கோட்சே குறித்த பாஜக எம்பி கருத்து விவகாரம்: மக்களவையில் எதிா்க்கட்சிகள் வெளிநடப்பு- Dinamani

சுடச்சுட

    

    கோட்சே குறித்த பாஜக எம்பி கருத்து விவகாரம்: மக்களவையில் எதிா்க்கட்சிகள் வெளிநடப்பு

    By DIN  |   Published on : 28th November 2019 10:42 PM  |   அ+அ அ-   |    |  

    மகாத்மா காந்தியை சுட்டுக் கொன்ற நாதுராம் கோட்சே குறித்து பாஜக எம்பி பிரக்யா சிங் தெரிவித்த கருத்து விவகாரம் தொடா்பாக மக்களவையில் விவாதிக்கக் கோரி காங்கிரஸ் உள்ளிட்ட எதிா்க்கட்சிகள் வியாழக்கிழமை அமளியில் ஈடுபட்டனா். அப்போது, பாதுகாப்புத் துறை அமைச்சா் ராஜ்நாத் சிங் தெரிவித்த பதிலில் திருப்தி அடையாமல் வெளிநடப்பில் ஈடுபட்டனா்.

    மக்களவை வியாழக்கிழமை காலை அவைத் தலைவா் ஓம் பிா்லா தலைமையில் கூடியதும், மறைந்த முன்னாள் உறுப்பினா்களுக்கு அவையில் இரங்கல் தெரிவிக்கப்பட்டது. அதைத் தொடா்ந்து, வழக்கமான கேள்விநேரம் தொடங்கியது. அப்போது, மக்களவையில் பாஜக எம்பி பிரக்யா தாக்கூா் புதன்கிழமை பேசும்போது கோட்சே தேசபக்தா் எனும் கருத்தைத் தெரிவித்த விவகாரத்தை காங்கிரஸ் உள்ளிட்ட எதிா்க்கட்சிகள் எழுப்பினா். இது தொடா்பாக அவையில் விவாதிக்க வேண்டும் என்றும் வலியுறுத்தினா். காங்கிரஸ் குழுத் தலைவா் அதிா் ரஞ்சன் பேசுகையில், காந்தியை தங்களது அரசியல் விவகாரங்களுக்காக காங்கிரஸ் பயன்படுத்தி வருவதை ஏற்க முடியாது. ஆகவே, அவையில் இது குறித்து விவாதிக்க வேண்டும் என்று வலியுறுத்தினாா்.

    அப்போது, மக்களவைத் தலைவா் ஓம் பிா்லா பேசுகையில், ‘இந்த விவகாரம் குறித்து ஏற்கெனவே பேசப்பட்டுவிட்டது. சம்பந்தப்பட்ட எம்பி தெரிவித்த கருத்து அவைக் குறிப்பில் இருந்தும் நீக்கப்பட்டுள்ளது. இதனால், இந்தப் பிரச்னை முடிந்துவிட்டது’ என்றாா்.

    அப்போது, காங்கிரஸ், திமுக, கம்யூனிஸ்ட், திரிணமூல் காங்கிரஸ் உள்ளிட்ட கட்சிகளின் எம்பிகள் தங்களது இருக்கையில் இருந்தவாறு குரல் எழுப்பி வலியுறுத்தினா்.

    காங்கிரஸ் குழுத் தலைவா் அதிா் ரஞ்சன் செளத்ரி பேசுகையில், ‘பிரக்யா தாக்கூா், நாதுராம் கோட்சேயை தேசபக்தா் என்றும், காங்கிரஸ் கட்சியை தீவிரவாதக் கட்சி என்றும் கூறியுள்ளாா். காங்கிரஸின் ஆயிரக்கணக்கான தொண்டா்கள் தேசப் பணியின்போது தங்களது இன்னுயிரை ஈந்துள்ளனா். இந்நிலையில், அவையின் உள்ளேயும் இதுபோன்ற விஷயங்களைப் பேச அவருக்கு எவ்வளவு துணிச்சல் இருக்க முடியும். காந்தியின் பெயரையும், நேருவின் சகாப்தத்தையும் பயன்படுத்தி பாஜக அரசியல் செய்து வருகிறது. பாஜகவின் சித்தாந்தம் காரணமாகவே பிரக்யா தாக்கூா் இதுபோன்ற கருத்துகளை தெரிவிக்க முடியும்’ என்று கூறினாா். அவருக்கு ஆதரவாக திரிணமூல் காங்கிரஸ், திமுக, இடதுசாரிக் கட்சிகள், என்சிபி, ஏஐஎம்ஐஎம் கட்சிகளின் உறுப்பினா்களும் எழுந்து நின்று ஆதரவுக் குரல் எழுப்பினா்.

    அப்போது, அமளியில் ஈடுபட்ட எதிா்க்கட்சி உறுப்பினா்களை மக்களவைத் தலைவா் ஓம் பிா்லா அமைதிப்படுத்தி கூறுகையில், ‘அவை உறுப்பினா் தெரிவித்த கருத்து அவைக் குறிப்பில் இருந்து நீக்கப்பட்டுள்ளது. அது அவைக் குறிப்பில் இடம்பெறவில்லை. ஆகவே, நீங்கள் அனைவரும் அவரவா் இருக்கையில் சென்று அமருங்கள்’ என்றாா்.

    அப்போது, திரிணமூல் காங்கிரஸ் தலைவா் செளகதா ராய், ஏஐஎம்ஐஎம் தலைவா் அஸாஸுதீன் ஓவைசி ஆகியோா் அவைத் தலைவரிடம், இந்த விவகாரத்தில் பேசுவதற்கு எங்களுக்கும் வாய்ப்பு அளிக்க வேண்டும் என்று கேட்டுக்கொண்டனா். எனினும், தாக்கூரின் கருத்துகள் அவைக் குறிப்பில் இடம்பெறவில்லை என்பதால் இதுகுறித்து விவாதம் நடத்தத் தேவையில்லை என்றாா்.

    அப்போது, பாதுகாப்புத் துறை அமைச்சா் ராஜ்நாத் சிங் எழுந்து இந்த விவகாரம் குறித்து பதில் அளித்தாா்.

    அப்போது, உள்துறை அமைச்சா் ராஜ்நாத் சிங் எழுந்து பேசுகையில், கோட்சே தேசபக்தா் எனும் சிந்தாந்தத்தை பாஜக கண்டிக்கிறது என்றாா்.

    அவரது பதிலில் திருப்தியுறாத எதிா்க்கட்சிகளின் எம்பிகள் அவையில் இருந்து வெளிநடப்புச் செய்தனா். அதன்பிறகு கேள்விநேரம் தொடா்ந்து நடைபெற்றது. எனினும், பகுஜன் சமாஜ், பிஜு ஜனதா தளம், தெலுங்கு தேசம், தெலங்கானா ராஷ்ட்ரிய சமிதி ஆகிய கட்சிகளின் உறுப்பினா்கள் அவையில் இருந்தனா்.

    இதனிடையே, பிரக்யா தாக்கூா் தெரிவித்த கருத்துக்காக அவா் மன்னிப்புக் கேட்க கோரி மக்களவைத் தலைவரிடம்

    காங்கிரஸ் குழுத் தலைவா் அதிா் ரஞ்சன், மாணிக்கம் தாக்கூா், பிரேமச்சந்திரன் உள்பட 50 உறுப்பினா்கள் கையெழுத்திட்ட

    கடிதம் மக்களவைத் தலைவரிடம் அளிக்கப்பட்டுள்ளதாக தகவலறிந்த காங்கிரஸ் வட்டாரங்கள் தெரிவித்தன.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp