Enable Javscript for better performance
Congratulations & best wishes to the Shiv Sena Chief Uddhav Thackeray, tweets Ajit Pawar- Dinamani

சுடச்சுட

    

    மகாராஷ்டிர முதல்வர் உத்தவ் தாக்கரேவுக்கு அஜித் பவார் வாழ்த்து!

    By DIN  |   Published on : 28th November 2019 09:15 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    Uddhav_CM_Swearing_in


    மகாராஷ்டிர முதல்வராகப் பதவியேற்ற உத்தவ் தாக்கரேவுக்கு தேசியவாத காங்கிரஸ் மூத்த தலைவர் அஜித் பவார் வாழ்த்து தெரிவித்துள்ளார்.

    மகாராஷ்டிரத்தில் சிவசேனை - தேசியவாத காங்கிரஸ் - காங்கிரஸ் ஆகிய கட்சிகள் பலகட்ட பேச்சுவார்த்தைகளுக்குப் பிறகும், பல்வேறு அரசியல் திருப்பங்களுக்கு மத்தியிலும் கூட்டணியை உறுதி செய்தன. இதையடுத்து, இந்தக் கூட்டணியின் தலைவராகவும் மாநிலத்தின் முதல்வராகவும் உத்தவ் தாக்கரே ஒருமனதாகத் தேர்வு செய்யப்பட்டார்.

    இந்நிலையில், மகாராஷ்டிர மாநிலத்தின் 19-வது முதல்வராக உத்தவ் தாக்கரே இன்று (வியாழக்கிழமை) பதவியேற்றுக் கொண்டார். இந்நிலையில், தேசியவாத காங்கிரஸ் கட்சியின் மூத்த தலைவர் அஜித் பவார் தனது டிவிட்டர் பதிவில் உத்தவ் தாக்கரேவுக்கு வாழ்த்து தெரிவித்துள்ளார். மேலும், உத்தவ் தாக்கரே தலைமையில் மாநிலம் ஒட்டுமொத்தமாக வளர்ச்சியடையும் எனவும் அவர் அந்தப் பதிவில் குறிப்பிட்டுள்ளார்.  

    உத்தவ் தாக்கரே தலைமையிலான அரசில் தேசியவாத காங்கிரஸ் கட்சிக்கு துணை முதல்வர் பதவி வழங்கப்படலாம் என தகவல் வெளியாகியுள்ளது. அது அஜித் பவாருக்கு வழங்கப்படலாம் எனவும் எதிர்பார்க்கப்படுகிறது.

    முன்னதாக, மூன்று கட்சிகளும் பேச்சுவார்த்தையை இறுதி செய்த நிலையில், திடீரென்று ஒரே இரவில் பாஜகவுக்கு ஆதரவு தெரிவித்து தேவேந்திர ஃபட்னவீஸ் தலைமையிலான அரசில் அஜித் பவார் துணை முதல்வராகப் பதவியேற்று அதிர்ச்சியை ஏற்படுத்தினார் என்பது குறிப்பிடத்தக்கது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai