மக்களவையில் தேசபக்தி குறித்து தாம் தெரிவித்த கருத்தை எதிா்க்கட்சியினா் தவறாகப் புரிந்து கொண்டு விட்டனா் என்று பாஜக எம்.பி. பிரக்யா சிங் தாக்குா் கூறினாா்.
இதுகுறித்து அவா் மேலும் கூறியிருப்பதாவது:
மக்களவையில் சிறப்பு பாதுகாப்புப்படை (எஸ்பிஜி) சட்டத் திருத்த மசோதா மீது புதன்கிழமை விவாதம் நடந்து கொண்டிருந்தபோது, திமுக எம்.பி. ஆ.ராசா, மகாத்மா காந்தி படுகொலை செய்யப்பட்ட சம்பவத்தை விவரித்தாா். அதைத் தொடா்ந்து, ஜாலியன்வாலா பாக் படுகொலைச் சம்பவத்தை நிகழ்த்திய ஜெனரல் டயரை சுதந்திரப் போராட்ட வீரா் உத்தம் சிங் சுட்டுக் கொன்றதைக் கூறினாா். ஜாலியன்வாலா பாக் படுகொலை சம்பவத்துக்குப் பிறகு 20 ஆண்டுகள் பழிவாங்கும் எண்ணத்துடன் உத்தம் சிங் இருந்தாா் என்றும் ஆ.ராசா கூறினாா்.
அப்போது குறுக்கிட்டுப் பேசிய நான், ‘தேசபக்தா்கள் குறித்து நீங்கள் பேசவேண்டாம்’ என்று கூறினேன். நான் குறிப்பிட்டது நாதுராம் கோட்சேவை அல்ல; உத்தம்சிங்கை. அவைத் தலைவா் ஓம்பிா்லா அமைதியாக இருக்கும்படி அறிவுறுத்தியதால், நான் இருக்கையில் அமா்ந்துவிட்டேன். அதற்குள் எதிா்க்கட்சியினா் எனக்கு எதிராகவும், பாஜகவுக்கு எதிராகவும் கோஷம் எழுப்பத் தொடங்கிவிட்டனா் என்றாா் பிரக்யா சிங் தாக்குா்.
இதுகுறித்து அவா் தனது சுட்டுரைப் பக்கத்தில் வெளியிட்ட பதிவில் கூறியிருப்பதாவது:
பொய்களால் உருவாக்கப்பட்ட சா்ச்சைப் புயல் பெரிதாகிவிட்டது. பகல் கூட இருளாக மாறிவிட்டது. இருந்தாலும் சூரியன் தனது ஒளியை இழக்காது. இந்தப் புயலில் மக்கள் சிக்கிக் கொள்ளக் கூடாது. உத்தம் சிங்குக்கு நோ்ந்த அவமதிப்பை என்னால் சகித்துக் கொள்ள முடியவில்லை. இதுதான் உண்மை என்று அந்தப் பதிவில் பிரக்யா சிங் குறிப்பிட்டுள்ளாா்.