Enable Javscript for better performance
GST collection declines to Rs 91,916 crore in September- Dinamani

சுடச்சுட

    

    ஜிஎஸ்டி வசூல்: செப்டம்பர் மாதத்தில் ரூ. 91,916 கோடியாக சரிவு!

    By DIN  |   Published on : 01st October 2019 08:55 PM  |   அ+அ அ-   |    |  

    GST_pic


    நாட்டில் பொருளாதார சுணக்கம் அதிகரித்து வருவதாக குற்றச்சாட்டு எழுந்துள்ள நிலையில், செப்டம்பர் மாத சரக்கு-சேவை வரி (ஜிஎஸ்டி) வசூல் ரூ. 91,916 கோடியாக சரிந்துள்ளது. 

    செப்டம்பர் மாதத்தில் வசூலான ஜிஎஸ்டி வருவாய் குறித்த தகவலை மத்திய அரசு இன்று (செவ்வாய்கிழமை) வெளியிட்டது. அதன்படி, செப்டம்பர் மாதத்துக்கு மொத்தம் ரூ. 91,916 கோடி வசூலாகியுள்ளது. இதில், மத்திய ஜிஎஸ்டியாக ரூ. 16,630 கோடியும், மாநில ஜிஎஸ்டியாக ரூ. 22,598 கோடியும், ஒருங்கிணைந்த ஜிஎஸ்டியாக ரூ. 45,069 கோடியும் வசூலாகியிருக்கிறது. அதே நேரத்தில் 'செஸ்' எனப்படும் கூடுதல் வரி ரூ. 7,620 கோடியாக இருந்தது.

    மேலும் படிக்க: ஜிஎஸ்டி வசூல் குறைந்தது

    கடந்தாண்டு செப்டம்பர் மாதம் வசூலான ஜிஎஸ்டி வரி ரூ. 94,442 என்பது குறிப்பிடத்தக்கது. இதன்மூலம், கடந்தாண்டு செப்டம்பர் மாதத்தை ஒப்பிடுகையில் நிகழாண்டு செப்டம்பர் மாத ஜிஎஸ்டி வருவாய் 2.67 சதவீதமாக சரிந்துள்ளது என்பதை நிதியமைச்சகமே தனது அறிக்கையில் குறிப்பிட்டுள்ளது.

    கடந்த ஏப்ரல் முதல் செப்டம்பர் மாதங்களில், உள்நாட்டு விகிதம் 7.82 சதவீதமாக அதிகரித்தது. அதேசமயம், இறக்குமதி மீதான ஜிஎஸ்டி எதிர்மறையான வளர்ச்சியைக் கண்டது. இதனால், ஒட்டுமொத்த வருவாய் 4.90 சதவீதம் அதிகரித்துள்ளது என்பதும் அந்த அறிக்கையில் குறிப்பிடப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai