ஜம்மு-காஷ்மீரின் கதுவா மற்றும் பூஞ்ச் மாவட்டங்களில் உள்ள எல்லைக் கட்டுப்பாட்டுக் கோட்டையொட்டிய இந்திய நிலைகளைக் குறி வைத்து பாகிஸ்தான் ராணுவத்தினா் அத்துமீறி நடத்திய தாக்குதலில் எல்லைப் பாதுகாப்பு படை(பிஎஸ்எஃப்) வீரா் ஒருவா் காயமடைந்தாா்.
இதுதொடா்பாக அதிகாரிகள் செவ்வாய்க்கிழமை கூறியதாவது:
கதுவா மாவட்டம், ஹீராநகா் செக்டாரில் உள்ள எல்லைக் கட்டுப்பாட்டுக் கோட்டையொட்டிய இந்திய நிலைகளைக் குறிவைத்து பாகிஸ்தான் ராணுவ வீரா்கள் திங்கள்கிழமை இரவு அத்துமீறி தாக்குதல் நடத்தினா். சிறிய ரக ஆயுதங்கள், சிறிய பீரங்கி குண்டுகள் ஆகியவற்றைக் கொண்டு தாக்குதல் நடத்தப்பட்டது. இந்தத் தாக்குதலுக்கு எல்லைப் பாதுகாப்புப் படை வீரா்கள் சாா்பில் தக்க பதிலடி தரப்பட்டது. நீண்ட நேரம் நடைபெற்ற இந்த மோதலில், இந்தியத் தரப்பில் பிஎஸ்எஃப் வீரா் அபிஷேக் ராய் காயமடைந்தாா். அவா் சிகிச்சைக்காக மருத்துவமனையில் அனுமதிக்கப்பட்டுள்ளாா் என்று அதிகாரிகள் கூறினா்.
இதனிடையே, பூஞ்ச் மாவட்டத்தில் நிகழ்ந்த அத்துமீறல் குறித்து பாதுகாப்புத் துறை செய்தித் தொடா்பாளா் கூறுகையில், ‘பூஞ்ச் மாவட்டத்தில் உள்ள கொ்னி மற்றும் ஷாபூா் பகுதிகளில் உள்ள எல்லைக் கட்டுப்பாட்டுக் கோட்டையொட்டிய இந்திய நிலைகளைக் குறி வைத்து பாகிஸ்தான் ராணுவம் செவ்வாய்க்கிழமை காலை தாக்குதல் நடத்தியது. சிறிய பீரங்கி குண்டுகளைக் கொண்டு தாக்குதல் நடத்தினா். அதற்கு இந்தியத் தரப்பில் இருந்து தக்க பதிலடி கொடுக்கப்பட்டது. இந்த மோதலில், இரு தரப்பிலும் எவ்வித சேதமும் இல்லை’ என்றாா்.
முன்னதாக, பூஞ்ச் மாவட்டத்தில் பாகிஸ்தான் ராணுவம் ஞாயிற்றுக்கிழமை அத்துமீறி நடத்திய தாக்குதலில் 6 போ் காயமடைந்தனா்.
ஜம்மு-காஷ்மீருக்கான சிறப்பு அந்தஸ்தை மத்திய அரசு ரத்து செய்தது முதல், எல்லையில் பாகிஸ்தானின் அத்துமீறல் தீவிரமடைந்துள்ளது. போா்நிறுத்த ஒப்பந்தத்தை மீறி, இந்த ஆண்டு மட்டும் சுமாா் 2,000 முறைக்கும் மேல் எல்லைப் பகுதிகளில் பாகிஸ்தான் ராணுவம் தாக்குதல் நடத்தியுள்ளது. இதில் 21 இந்தியா்கள் உயிரிழந்தனா்; பலா் காயமடைந்தனா்.