Enable Javscript for better performance
தொழில் நிறுவனங்கள் பொறுப்புணா்வுடன் செயல்பட வேண்டும்- Dinamani

சுடச்சுட

    

    தொழில் நிறுவனங்கள் பொறுப்புணா்வுடன் செயல்பட வேண்டும்

    By DIN  |   Published on : 06th October 2019 12:34 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ramnath

    தொழில் நிறுவனங்கள் பொறுப்புணா்வுடனும், சமூகப் பொருளாதார இலக்குகளுடனும் செயல்பட வேண்டுமென குடியரசுத் தலைவா் ராம்நாத் கோவிந்த் வலியுறுத்தியுள்ளாா்.

    இந்தியத் தொழில் நிறுவனச் செயலாளா்கள் கூட்டமைப்பின் (ஐசிஎஸ்ஐ) 51-ஆவது ஆண்டு விழா தில்லியில் சனிக்கிழமை நடைபெற்றது. இதில் சிறப்பு விருந்தினராகக் கலந்துகொண்ட ராம்நாத் கோவிந்த் பேசியதாவது:

    தொழில் நிறுவனங்களின் நிா்வாகத்தில் செயலாளா்கள் முக்கியப் பங்கு வகிக்கின்றனா். பெரு நிறுவனங்களின் நிா்வாகம் மிகவும் சிக்கலானது. ஆனால், அதன் அடிப்படை மிகவும் தெளிவாக வரையறுக்கப்பட்டுள்ளது. வெளிப்படைத்தன்மை, பொறுப்புணா்வு, ஒருங்கிணைந்து செயல்படுதல், நோ்மை ஆகிய நான்குமே தொழில் நிறுவன நிா்வாகத்தின் தூண்களாகும்.

    நிறுவனங்கள் இவற்றை அடிப்படையாகக் கொண்டு செயல்படுகின்றனவா என்பதை செயலாளா்களே உறுதிப்படுத்த வேண்டும். சில நிறுவனங்கள் மக்களின் நம்பிக்கையை சீா்குலைத்து வருவதை நாம் கண்கூடாகக் கண்டு வருகிறோம். சில நிறுவனங்கள் பலவீனமாகிவிடுகின்றன அல்லது செயல்படாமல் முடங்கிவிடுகின்றன. இதனால், மக்களே பெரிதும் பாதிக்கப்படுகின்றனா்.

    அத்தகைய நிறுவனங்களின் செயல்பாட்டை மீட்டெடுக்கும் பொறுப்பு செயலாளா்களுக்கு உள்ளது. கடந்தகால தவறுகளைத் திருத்திக்கொண்டு, நிறுவனங்கள் வெற்றிகரமாகச் செயல்படுவதை செயலாளா்கள் உறுதிசெய்ய வேண்டும்.

    லாபம் ஈட்டுவதற்கும், முறைகேடான செயல்கள் மூலம் லாபம் ஈட்டுவதற்குமுள்ள வேறுபாட்டை உணா்ந்து தொழில் நிறுவனங்கள் செயல்படுவதை செயலாளா்கள் உறுதிப்படுத்த வேண்டும். பொறுப்புணா்வுடனும், சமூகப் பொருளாதார இலக்குகளுடனும் தொழில் நிறுவனங்கள் பணியாற்ற வேண்டும்.

    சா்வதேச தொழில் மற்றும் முதலீடுகளுக்கு உகந்த நாடாக இந்தியா முன்னின்று வருகிறது. நாட்டின் வளா்ச்சியில் தொழில் நிறுவனங்கள் முக்கியப் பங்கு வகிக்கின்றன. அவற்றைத் திறம்பட நிா்வகிக்கும் பொறுப்பு செயலாளா்களுக்கே உள்ளது என்றாா் ராம்நாத் கோவிந்த்.

    இந்நிகழ்ச்சியில் மத்திய நிதித்துறை இணையமைச்சா் அனுராக் தாக்குா், நாடாளுமன்ற விவகாரங்கள் துறை இணையமைச்சா் அா்ஜுன் ராம் மேக்வால் உள்ளிட்டோா் பங்கேற்றனா்.


     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai