Enable Javscript for better performance
தோ்தல் ஆணையத்துக்கு ஆதாா் விவரங்கள்---சட்ட அமைச்சகம் பரிசீலனை- Dinamani

சுடச்சுட

    

    தோ்தல் ஆணையத்துக்கு ஆதாா் விவரங்கள்: சட்ட அமைச்சகம் பரிசீலனை

    By DIN  |   Published on : 09th October 2019 12:02 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பல்வேறு தொகுதிகளில், ஒரே வாக்காளா்களின் பெயா் இருப்பதை தவிா்ப்பதற்காக வாக்காளா்களிடம் ஆதாா் எண்ணைப் பெற விரும்புவதாகவும், இதற்காக சட்டத்திருத்தம் வேண்டுமென்றும் தோ்தல் ஆணையம் கோரியதை மத்திய சட்டத் துறை அமைச்சகம் பரிசீலனை செய்வதாகத் தகவல்கள் தெரிவிக்கின்றன.

    முன்னதாக, வெவ்வேறு வாக்காளா் பட்டியலில் வாக்காளா்களின் பெயா்கள் பல முறை இடம்பெறாமல் இருப்பதைத் தடுப்பதற்காக ஆதாா் எண்களை தோ்தல் குழு பெறத் தொடங்கியது.

    ஆனால், ஆதாா் எண்ணை வாக்காளா் அடையாள அட்டையுடன் இணைக்கும் திட்டத்துக்கு உச்சநீதிமன்றம் தடை விதித்து கடந்த 2015-ஆம் ஆண்டு ஆகஸ்ட் மாதம் உத்தரவிட்டது.

    இந்நிலையில், சட்ட அமைச்சகத்துக்கு தோ்தல் ஆணையம் அண்மையில் கடிதம் அனுப்பியிருந்தது. அதில், ‘வாக்காளா் அட்டைக்கு புதிதாக விண்ணப்பிப்பவா்களிடமும், ஏற்கெனவே வாக்காளா் அட்டை வைத்திருப்பவா்களிடமும் ஆதாா் எண்ணைப் பெறுவதற்கு, மக்கள் பிரதிநிதித்துவ சட்டத்தின் விதிகளில் திருத்தம் மேற்கொள்ள வேண்டும்’ என்று தெரிவிக்கப்பட்டிருந்தது.

    இதுதொடா்பாக சட்ட அமைச்சகம் பரிசீலனை செய்து வருவதாக தகவல் அறிந்த வட்டாரங்கள் தெரிவிக்கின்றன.

    உரிய சட்டம் இல்லாமல் ஆதாா் எண்ணை வாக்காளா் அட்டையுடன் இணைக்கக் கூடாது என்றேற முன்பு உச்சநீதிமன்றம் அறிவுறுத்தியிருந்தது.

    எனவே, இப்போது அதற்கான சட்டத்தை ஏற்படுத்தும் நோக்கில் மத்திய சட்ட அமைச்சகத்தை தோ்தல் ஆணையம் நாடியுள்ளது.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai