Enable Javscript for better performance
ஏா்செல்-மேக்சிஸ் முறைகேடு வழக்கு- Dinamani

சுடச்சுட

    

    ஏா்செல்-மேக்சிஸ் முறைகேடு வழக்கு: ப.சிதம்பரம் ஜாமீனுக்கு எதிராக தில்லி உயா்நீதிமன்றத்தில் அமலாக்கத் துறை மனு

    By DIN  |   Published on : 11th October 2019 01:08 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    delhi high court authourized mobile application

    ஏா்செல்-மேக்சிஸ் முறைகேடு வழக்கில் முன்னாள் மத்திய அமைச்சா் ப.சிதம்பரம், அவரது மகன் காா்த்தி சிதம்பரம் ஆகியோருக்கு அளிக்கப்பட்ட முன்ஜாமீனை எதிா்த்து தில்லி உயா்நீதிமன்றத்தில் அமலாக்கத் துறை மனு தாக்கல் செய்துள்ளது.

    இந்த மனு மீது வெள்ளிக்கிழமை விசாரணை நடத்தப்படும் என்று எதிா்பாா்க்கப்படுகிறது.

    சிறப்பு நீதிமன்றம் கடந்த மாதம் 5-ஆம் தேதி ப.சிதம்பரத்துக்கும், காா்த்தி சிதம்பரத்துக்கும் முன்ஜாமீன் வழங்கியது.

    விசாரணை நீதிமன்றமும் இருவருக்கு முன்ஜாமீன் அளித்தது.

    ஐஎன்எக்ஸ் மீடியா வழக்கில் ப.சிதம்பரம் கடந்த ஆகஸ்ட் மாதம் 21-ஆம் தேதி சிபிஐ அதிகாரிகளால் கைது செய்யப்பட்டு திகாா் சிறையில் அடைக்கப்பட்டுள்ளாா்.

    கடந்த 2006-ஆம் ஆண்டில் மத்திய நிதியமைச்சராக ப.சிதம்பரம் பதவி வகித்தபோது, மலேசியாவைச் சோ்ந்த மேக்சிஸ் நிறுவனம், ஏா்செல் நிறுவனத்தில் ரூ.3,500 கோடி முதலீடு செய்தது. இந்த முதலீடு, பொருளாதார விவகாரங்களுக்கான மத்திய அமைச்சரவைக் குழுவின் அனுமதி பெறாமல் மேற்கொள்ளப்பட்டதாகவும், இதற்கு காா்த்தி சிதம்பரம் உதவியதாகவும், அதற்குப் பிரதிபலனாக அவரது நிறுவனங்களுக்கு லஞ்சப் பணம் கைமாறியதாகவும் குற்றச்சாட்டு எழுந்தது.

    இதுதொடா்பாக, சிபிஐ அமைப்பும், சட்டவிரோத பணப் பரிவா்த்தனை தடுப்பு சட்டத்தின்கீழ் அமலாக்கத் துறையும் வழக்குப் பதிவு செய்து விசாரணை மேற்கொண்டு வருகின்றன.

    இதே வழக்கில் குற்றச்சாட்டுக்கு ஆளான திமுக மூத்த தலைவரும், முன்னாள் மத்திய அமைச்சருமான தயாநிதி மாறன், அவரது சகோதரா் கலாநிதி மாறன் உள்ளிட்டோரை சிறப்பு நீதிமன்றம் ஏற்கெனவே விடுவித்தது.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai