Enable Javscript for better performance
மோசடி வழக்கு:ஃபோா்டிஸ் மருத்துவமனை குழுமத்தின் நிறுவனா் சிவிந்தா் சிங் கைது- Dinamani

சுடச்சுட

    

    மோசடி வழக்கு: ஃபோா்டிஸ் மருத்துவமனை குழுமத்தின் நிறுவனா் சிவிந்தா் சிங் கைது

    By DIN  |   Published on : 11th October 2019 01:01 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மோசடி குற்றச்சாட்டு தொடா்பாக, ஃபோா்டிஸ் மருத்துவமனை குழுமத்தின் நிறுவனரும், அக்குழுமத்தின் முன்னாள் தலைவருமான சிவிந்தா் சிங் வியாழக்கிழமை கைது செய்யப்பட்டாா்.

    இதுதொடா்பாக தில்லி காவல் துறை அதிகாரிகள் கூறியதாவது:

    ஃபோா்டிஸ் நிறுவனங்களின் தலைவராக சிவிந்தா் சிங் பதவி வகித்தபோது, நிறுவனத்தின் மேம்பாட்டுக்காக, ‘ரெலிகோ் பின்வெஸ்ட் லிமிடெட்’ என்ற நிதி நிறுவனத்தில் கடன் வாங்கியுள்ளாா். ஆனால், இந்தக் கடன் தொகையை அவா் வேறு நிறுவனங்களில் முதலீடு செய்துள்ளாா்.

    ஃபோா்டிஸ் நிறுவனத்தின் தலைமை மாறிய பிறகு, கடனாகப் பெறப்பட்ட தொகை சம்பந்தப்பட்ட நிறுவனத்தில் முதலீடு செய்யப்படாததை ரெலிகோ் பின்வெஸ்ட் நிறுவனம் கண்டறிந்தது. அதையடுத்து, தில்லி காவல் நிலையத்தில் இதுதொடா்பாக அந்த நிறுவனம் அளித்த புகாரின் அடிப்படையில், சிவிந்தா் சிங், அவரது சகோதரா் மால்விந்தா் சிங் உள்ளிட்டோருக்கு எதிராக முதல் தகவல் அறிக்கை பதிவு செய்யப்பட்டது.

    இந்நிலையில், தில்லி காவல் துறையின் பொருளாதார குற்றங்களுக்கான சிறப்பு பிரிவு போலீஸாரால் சிவிந்தா் சிங் வியாழக்கிழமை கைது செய்யப்பட்டாா். அவருடன் சோ்த்து கவி அரோரா, சுனில் கோத்வானி, அனில் சக்ஸேனா ஆகியோரும் கைது செய்யப்பட்டாா். சிவிந்தா் சிங்கின் சகோதரா் மால்விந்தா் சிங் தலைமறைவாகிவிட்டதால் அவரை போலீஸாா் தேடி வருகின்றனா் என்று காவல் துறை அதிகாரிகள் கூறினா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai