Enable Javscript for better performance
Mamallapuram is one of the most beautiful places in India: PM Modi tweets- Dinamani

சுடச்சுட

    

    மாமல்லபுரம் பேரழகு வாய்ந்த இடங்களுள் ஒன்று: சீன அதிபர் சந்திப்புக்குப் பிறகு பிரதமர் மோடி தமிழில் டிவீட்

    By DIN  |   Published on : 11th October 2019 11:03 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    PM_Modi_Chinese_President_Mahabalipuram


    மாமல்லபுரம் பேரழகு வாய்ந்த இடங்களுள் ஒன்று என்றும் பாரம்பரியத் தலங்களுள் ஒன்றான இந்த இடத்தை அதிபர் ஷி ஜின்பிங்குடன் சுற்றிப் பார்த்தது, தனக்கு மட்டற்ற மகிழ்ச்சி என்றும் பிரதமர் மோடி டிவீட் செய்துள்ளார்.

    இதுதொடர்பாக, பிரதமர் நரேந்திர மோடி தொடர்ச்சியாக பதிவிட்டுள்ள டிவீட்டில்,

    "மாமல்லபுரம், இந்தியாவின் பேரழகு வாய்ந்த இடங்களுள் ஒன்று. உயிர்த்துடிப்பு மிக்க ஊர். வாணிபம் மற்றும் ஆன்மிகத்துடன் தொடர்பு கொண்டிருந்த இடம். தற்போது உலகப் புகழ்பெற்ற சுற்றுலாத் தலமாக விளங்குகிறது.

    பாரம்பரியத் தலங்களுள் ஒன்றான இந்தக் கவின் மிகு இடத்தை, அதிபர் ஷி ஜின்பிங்குடன் சுற்றிப் பார்த்து, நேரத்தை செலவிடுவதில் எனக்கு மட்டற்ற மகிழ்ச்சி.

    மேலும் படிக்க: மோடி - ஷி ஜின்பிங் இரவு விருந்தில் இட்லி, பூரிக்கு முதலிடம்: முக்கியமாக மசால் தோசை!

    மாமல்லபுரத்தில் காணவேண்டிய பிரம்மாண்டமான இடங்களுள் ஒன்று அர்ஜூனன் தவம். இது மகாபாரதக்கால வாழ்க்கையை உயிர்ப்பித்துக் காட்டுகிறது. பல்லவர் காலத்துச் சிற்பக்கலையின் சிறப்பை, குறிப்பாக இயற்கையையும் விலங்குகளையும் அர்ஜூனன் தவம் காட்சிப்படுத்துகிறது.

    அதிபர் ஷி ஜின்பிங்கும் நானும் அதி அற்புதமான ஐவர் ரதங்களைக் கண்டு களித்தோம். ஒற்றைக் கல்லில் செதுக்கப்பட்ட சிற்பங்களுக்கு சிறந்த எடுத்துக்காட்டு இந்த ஐவர் ரதச் சிற்பங்கள்.

    இந்த நினைவிடத்தில், தர்மராஜன் ரதம், பீமன் ரதம், அர்ஜூனன் ரதம், நகுலன்- சகாதேவன் ரதம் மற்றும் திரவுபதி ரதம் ஆகியவை உள்ளன.

    வங்கக் கடலோரத்தில் அமைந்துள்ளது பிரமாண்டமான அலைவாய்க் கோவில். நமது அதி அற்புத அடையாளச் சின்னங்களுள் ஒன்றாக விளங்கும் இந்த அலைவாய்க் கோவில், இந்தியக் கலாச்சாரத்தின் பிரம்மாண்டத்தை ஈடு இணையற்ற முறையில் வெளிப்படுத்துகிறது.

    அலைவாய்க் கோவிலில் இருந்து மேலும் சில படங்கள் இதோ" என்று குறிப்பிட்டுள்ளார்.

    இந்த டிவீட்களை தமிழ் மட்டுமின்றி ஆங்கிலம் மற்றும் சீன மொழிகளிலும் பிரதமர் நரேந்திர மோடி பதிவிட்டுள்ளார்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai