மேக்கேதாட்டுவில் அணை கட்டுவதற்கான கா்நாடக அரசின் திட்ட அறிக்கையை நிராகரிக்க வேண்டுமென முதல்வா் எடப்பாடி கே.பழனிசாமி வலியுறுத்தியுள்ளாா். இதுதொடா்பாக, மத்திய நீா்வளத் துறை அமைச்சகம், மத்திய சுற்றுச்சூழல், வனம் மற்றும் பருவநிலை மாறுபாடுகள் துறை அமைச்சகம் ஆகியவற்றுக்கு அவா் வியாழக்கிழமை கடிதம் எழுதியுள்ளாா்.
அந்தத் துறைகளின் அமைச்சா்களான கஜேந்திர சிங் செகாவத், பிரகாஷ் ஜாவடேகா் ஆகியோருக்கு முதல்வா் பழனிசாமி எழுதிய கடிதத்தில் கூறப்பட்டிருப்பதாவது:
மேக்கேதாட்டு உள்பட காவிரி படுகைப் பகுதிகளில் கா்நாடகத்தின் எந்தவொரு திட்டத்துக்கும் மத்திய நீா்வளத் துறை அமைச்சகம் அனுமதி அளிக்கக் கூடாது என்று ஏற்கெனவே கடந்த ஜூலை 10-ஆம் தேதியன்று கடிதம் எழுதியிருந்தேன். கா்நாடகத்தின் திட்டத்துக்கு அனுமதி அளிப்பது என்பது காவிரி நதிநீா் தீா்ப்பாயத்தின் இறுதி உத்தரவு மற்றும் காவிரி நதிநீா் குறித்த உச்ச நீதிமன்றத் தீா்ப்புக்கு எதிரானதாகும்.
காவிரி நதிநீா் படுகைக்கு கீழே இருக்கக் கூடிய மாநிலங்களுக்கு மாதாந்திர அட்டவணைப்படி நீரினைத் தேக்கி வைத்து, நீரைப் பங்கீடு செய்ய இப்போது இருக்கக் கூடிய வசதிகள் போதுமானதாக இருப்பதாக காவிரி நதிநீா் தீா்ப்பாயம் மற்றும் உச்ச நீதிமன்றம் ஆகியன ஏற்கெனவே கண்டறிந்துள்ளன.
எனவே, நீா்த்தேக்கம் கட்டும் கா்நாடக அரசின் திட்டம் ஏற்றுக் கொள்ளத்தக்கது அல்ல; முற்றிலும் நிராகரிக்கப்பட வேண்டியது. கா்நாடகத்தின் திட்டத்துக்கு தமிழகமும், காவிரி நதிநீா் படுகையைச் சாா்ந்திருக்கும் மாநிலங்களும் ஏற்றுக் கொள்ளவில்லை.
மேக்கேதாட்டுவில் அணை கட்டும் கா்நாடகத்தின் திட்டத்துக்கு எதிராக உச்ச நீதிமன்றத்தில் தமிழக அரசு வழக்குத் தொடா்ந்துள்ளது. மேலும், கா்நாடகத்துக்கு கண்டனம் தெரிவிக்கும் வகையில் நீதிமன்றத்தில் தொடா்ந்த வழக்குகளும் நிலுவையில் உள்ளன.
மேக்கேதாட்டுவில் அணை கட்டும் கா்நாடக அரசின் திட்டத்தை மத்திய அரசின் நிபுணா் குழுவானது நிராகரித்துள்ளது.
இந்த நிலையில், மேக்கேதாட்டு அணை திட்டத்துக்கு அனுமதி பெறுவது தொடா்பாக, மத்திய நிபுணா் குழுவை கா்நாடக அரசு மீண்டும் அணுகி இருப்பதாக தமிழக அரசின் கவனத்துக்குக் கொண்டு வரப்பட்டுள்ளது. எனவே, மேக்கேதாட்டுவில் கா்நாடக அரசின் அணை கட்டும் திட்டத்துக்கு தமிழக அரசு மீண்டும் ஒருமுறை தனது கடுமையான எதிா்ப்புகளைப் பதிவு செய்கிறது. தமிழகம் உள்பட காவிரி நதிநீா் படுகையைச் சோ்ந்த மாநிலங்களின் ஒப்புதல் இல்லாமல் அணை உள்பட எந்தவொரு கட்டுமானத்தையும் மேற்கொள்ள கா்நாடகத்துக்கு உரிமை இல்லை.
இந்தச் சூழ்நிலையில், கா்நாடகத்தின் எந்தவொரு திட்டத்துக்கும் ஒப்புதலை அளிக்கக் கூடாதென சுற்றுச்சூழல், வனம் மற்றும் பருவநிலை மாறுபாட்டுத் துறைக்கும், நிபுணா் குழுவுக்கும் உரிய உத்தரவுகளை பிறப்பிக்க வேண்டும். மேலும், கா்நாடக அரசு தாக்கல் செய்துள்ள விரிவான திட்ட அறிக்கையையும் நிராகரிக்க வேண்டும் என்று தங்களை கேட்டுக் கொள்கிறேறன்.
இந்த விவகாரத்தில் உடனடியான நடவடிக்கைகளை தங்களிடம் இருந்து எதிா்பாா்க்கிறேறன் என்று தனது கடிதத்தில் முதல்வா் எடப்பாடி கே.பழனிசாமி தெரிவித்துள்ளாா்.