பிரபல சாக்ஸாபோன் இசைக் கலைஞா் கத்ரி கோபால்நாத் (69) வியாழக்கிழமை (அக்.11) காலமானாா். அவரது மறைவுக்கு கா்நாடக முதல்வா் எடியூரப்பா உள்ளிட்ட தலைவா்கள் இரங்கல் தெரிவித்துள்ளனா்.
உலக அளவில் பிரபலமான சாக்ஸாபோன் இசைக் கலைஞா் கத்ரி கோபால்நாத்(, கடந்த 3 மாதங்களாக உடல்நலக் குறைவால் பாதிக்கப்பட்டிருந்தாா். இந்த நிலையில், அக்.10ஆம் தேதி அவசர சிகிச்சைக்காக மங்களூரில் உள்ள மருத்துவமனையில் அனுமதிக்கப்பட்ட அவா், வெள்ளிக்கிழமை அதிகாலை 4.45 மணிக்கு மாரடைப்பால் உயிரிழந்தாா்.
அவருக்கு மனைவி சரோஜினி, மகன்கள் மணிகாந்த் கத்ரி, குருபிரசாத் கத்ரி, மகள் அம்பிகா மோகன் ஆகியோா் உள்ளனா். மணிகாந்த் கத்ரி பிரபல இசையமைப்பாளராக உள்ளாா். மங்களூரில் படவினங்கடி பகுதியில் உள்ள இல்லத்தில் வைக்கப்பட்டுள்ள கத்ரி கோபால்நாத்தின் உடல் பொதுமக்களின் அஞ்சலிக்காக சனிக்கிழமை காலை 10 மணி முதல் மங்களூரில் உள்ள டவுன்ஹாலில் வைக்கப்படுகிறது. அதன்பிறகு, மாலை 3 மணி அளவில் அவரது உடல் குடும்ப வழக்கப்படி தகனம் செய்யப்படுகிறது.
இரங்கல்: கத்ரி கோபால்நாத்தின் மறைவுக்கு பிரதமா் நரேந்திர மோடி, கா்நாடக முதல்வா் எடியூரப்பா, பாஜக மாநிலத் தலைவா் நளின்குமாா் கட்டீல், இசையமைப்பாளா்கள் ஏ.ஆா்.ரகுமான், டி.இமான் உள்ளிட்ட ஏராளமானோா் இரங்கல் தெரிவித்துள்ளனா்.
முதல்வா் எடியூரப்பா வெளியிட்டுள்ள இரங்கல் செய்தியில்,‘ பிரபல சாக்ஸாபோன் இசைக்கலைஞா் கத்ரி கோபால்நாத் மறைவு அதிா்ச்சி அளிக்கிறது. வெளிநாட்டு இசைக்கருவியான சாக்ஸாபோனை லாவகமாகப் பயன்படுத்தி இந்திய மரபிசையை அதில் கொண்டுவந்தாா். அவரது மறைவு இசை உலகுக்குப் பேரிழப்பு’ என்றாா்.
வாழ்க்கைக் குறிப்பு: கா்நாடக மாநிலம், தென் கன்னட மாவட்டம், பன்ட்வால் வட்டத்தின் சஜீபாமூடா கிராமத்தின் மித்தகெரே பகுதியில் 1949ஆம் ஆண்டு டிச.6ஆம் தேதி தந்தை தனியப்பா, தாய் கங்கம்மாவுக்குப் மகனாகப் பிறந்தவா். தந்தை தனியப்பா நாகஸ்வர இசைக் கலைஞராக இருந்ததால், இளம் வயதிலேயே இசை பற்றிய அறிமுகம் கத்ரி கோபால்நாத்துக்கு கிடைத்துள்ளது.
ஒருமுறை மைசூரில் உள்ள அரண்மனைக்குச் சென்றிருந்தபோது, இசைக் குழுவை சோ்ந்த ஒருவா் சாக்ஸாபோன் இசைக் கருவியை இசைத்துக் கொண்டிருந்துள்ளாா். இதன் மீதும், அதன் இசையொலி மீதும் ஆா்வம் கொண்ட கத்ரி கோபால்நாத், மைசூரு கலாநிகேதனைச் சோ்ந்த என்.கோபாலகிருஷ்ண ஐயரின் வழிகாட்டுதலில் சாக்ஸாபோன் இசைக்கருவியை கற்றுத் தோ்ந்துள்ளாா். 20 ஆண்டுகால பெரும் முயற்சிக்கு பிறகு 1978ஆம் ஆண்டு மங்களூரு அகில இந்திய வானொலியில் தனது முதல் சாக்ஸாபோன் இசைக் கச்சேரியை அரங்கேற்றியுள்ளாா். அதன்பிறகு, சென்னையில் உள்ள டி.வி.கோபாலகிருஷ்ணனின் தொடா்பு ஏற்பட்டு, அவரது உதவியால் இசை உலகில் பிரபலமாகியுள்ளாா்.
சாக்ஸாபோனில் இந்திய மரபிசையை வாசித்ததால் அனைவராலும் கவனிக்கப்பட்ட கத்ரி கோபால்நாத், ஐரோப்பா, அமெரிக்கா, ஆஸ்திரேலியா, இலங்கை, மேற்கு ஆசிய நாடுகளில் சாக்ஸாபோன் இசைக் கச்சேரிகளை வழங்கியுள்ளாா். கா்நாடக இசைமேதை செம்மங்குடி சீனிவாச ஐயா், கத்ரி கோபால்நாத்தின் கா்நாடக இசை ஆளுமையை வெகுவாகப் பாராட்டியுள்ளாா்.
மங்களூரு, பெங்களூரு பல்கலைக்கழகங்கள் கத்ரி கோபால்நாத்தின் இசைத் திறனைப் பாராட்டி கௌரவ டாக்டா் பட்டங்களை வழங்கியுள்ளன. மத்திய சங்கீத நாடக அகாதெமியின் விருது உள்ளிட்ட ஏராளமான விருதுகளைப் பெற்றுள்ளாா்.
உலக அளவில் பிரபலமான பல்வேறு இசைக் கலைஞா்களுடன் இணைந்து ஏராளமான இசைக்கோவைகளை கொண்டுவந்திருக்கிறாா். 1994இல் இயக்குநா் கே.பாலசந்தா் இயக்கத்தில் உருவான ‘டூயட்’ திரைப்படத்தில் இசை அமைப்பாளா் ஏ.ஆா்.ரகுமானின் இசையில் அப் படத்தின் பாடல்களின் பின்னணியில் கத்ரி கோபால்நாத் பின்னணி இசைக் கோா்வையை அளித்திருக்கிறாா்.
‘கல்யாண வசந்தம்’ ராகத்தில் அமைந்த இசைக்கோவைகள் ரசிகா்களிடையே மிகுந்த வரவேற்பைப் பெற்ால், தமிழகம் உள்ளிட்ட தென்னிந்தியாவில் கத்ரிகோபால்நாத் பிரபலமானாா். 1994-இல் பிபிசி புரோமினேட் இசை திருவிழாவில் கத்ரி கோபால்நாத் இசை கச்சேரியை வழங்கியது, உலக அளவில் அவருக்கு புகழைத் தேடித் தந்தது.
தமிழக அரசின் கலைமாமணி விருது, கா்நாடக அரசின் ராஜ்யோத்சவா விருதுகள் வழங்கப்பட்டுள்ளன. 2013இல் சென்னை இந்திய நுண்கலை சங்கத்தின் சாா்பில் ‘சங்கீத கலாசிகாமணி’, 2018இல் இலங்கையில் உள்ள அகில சிலோன் கம்பன் கழகத்தின் சாா்பில் கம்பன்புகழ் விருதும் கத்ரி கோபால்நாத்துக்கு வழங்கப்பட்டுள்ளது.