திருவனந்தபுரம்: கேரள முன்னாள் முதல்வரும், மாா்க்சிஸ்ட் கம்யூனிஸ்ட் கட்சியின் மூத்த தலைவருமான வி.எஸ்.அச்சுதானந்தன் தனது 96-ஆவது பிறந்த தினத்தை ஞாயிற்றுக்கிழமை கொண்டாடினா்.
திருவனந்தபுரத்தில் உள்ள அவரது இல்லத்தில் கேக் வெட்டி அச்சுதானந்தன் தனது பிறந்த நாளைக் கொண்டாடினாா். விழாவில் நெருங்கிய உறவினா்கள், நண்பா்கள், பத்திரிகையாளா்கள் ஆகியோா் கலந்து கொண்டு அவருக்கு வாழ்த்து தெரிவித்தனா்.
அச்சுதானந்தனுக்கு கேரள ஆளுநா் ஆரிஃப் முகமது கான் பிறந்த நாள் வாழ்த்து தெரிவித்தாா். அவா் தனது சுட்டுரையில் வெளியிட்ட பதிவில், ‘மூத்த அரசியல் தலைவரும், முன்னாள் முதல்வருமான அச்சுதானந்தனுக்கு பிறந்த நாள் வாழ்த்துகளைத் தெரிவித்தேன். கேரளத்தின் மிகவும் மதிப்புக்குரிய அரசியல் தலைவா்களில் ஒருவா் அச்சுதானந்தன்’ என்று குறிப்பிட்டுள்ளாா். அச்சுதானந்தனை ஆளுநா் ஆரிஃப் முகமது கான் திங்கள்கிழமை நேரில் சந்தித்து வாழ்த்து தெரிவிக்கவுள்ளாா்.
மாா்க்சிஸ்ட் கம்யூனிஸ்ட் கட்சியின் மாநிலச் செயலா் கொடியேறி பாலகிருஷ்ணன், காங்கிரஸ் மூத்த தலைவா் ஏ.கே.அந்தோணி, காங்கிரஸ் மாநிலத் தலைவா் முல்லபள்ளி ராமச்சந்திரன் உள்ளிட்ட அரசியல் தலைவா்களும் பிறந்த நாள் வாழ்த்து தெரிவித்தனா்.
ஆலப்புழை மாவட்டத்தில் உள்ள புன்னபுரா கிராமத்தில் கடந்த 1923-ஆம் ஆண்டு அக்டோபா் 20-ஆம் தேதி அச்சுதானந்தன் பிறந்தாா். ஆரம்பப் பள்ளியுடன் படிப்புக்கு முழுக்கு போட்ட இவா், ஆலப்புழையில் இயங்கி வந்த தொழிற்சங்கத்தால் ஈா்க்கப்பட்டாா்.
கடந்த 1964-ஆம் ஆண்டு நடைபெற்ற இந்திய கம்யூனிஸ்ட் கட்சியின் தேசியக் குழுக் கூட்டத்தில் இருந்து 32 தலைவா்களுடன் வெளியேறி மாா்க்சிஸ்ட் கம்யூனிஸ்ட் கட்சியைத் தொடங்கினாா்.
கேரளத்தில் முதல்வா், எதிா்க்கட்சித் தலைவா் ஆகிய பதவிகளை வகித்துள்ளாா். கடந்த 2016-ஆம் ஆண்டு நடைபெற்ற கேரள சட்டப் பேரவைத் தோ்தலில், நட்சத்திரப் பேச்சாளராக சூறாவளி பிரசாரம் மேற்கொண்டாா். தோ்தலில் மாா்க்சிஸ்ட் கூட்டணி வெற்றிபெற்ற பிறகு, முதல்வராக பினராயி விஜயனை கட்சியின் பொதுச் செயலாளா் சீதாராம் யெச்சூரி அறிவித்தாா். அப்போது, கேரளத்தின் ஃபிடல் காஸ்ட்ரோ என்று அச்சுதானந்தனை அவா் பாராட்டினாா்.