Enable Javscript for better performance
Don't want Kashmir to become another Afghanistan, say members of EU delegation after J&K visit- Dinamani

சுடச்சுட

    

    காஷ்மீர் இன்னொரு ஆப்கானிஸ்தானாக ஆகிவிடக் கூடாது: ஐரோப்பிய யூனியன் எம்.பி.,க்கள் குழு

    By DIN  |   Published on : 30th October 2019 05:21 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    Henri Malosse EU MP


    ஜம்மு-காஷ்மீரில் நிலவும் சூழலைப் பார்வையிட சென்ற ஐரோப்பிய யூனியன் எம்.பி.,க்கள் குழு, காஷ்மீர் இன்னொரு ஆப்கானிஸ்தானாக ஆகிவிடக் கூடாது என்று தெரிவித்துள்ளனர்.

    ஜம்மு-காஷ்மீருக்கான சிறப்பு அந்தஸ்து ரத்து செய்யப்பட்ட பிறகு, அங்குள்ள கள நிலவரத்தை ஐரோப்பிய யூனியனைச் சேர்ந்த 23 எம்.பி.க்கள் செவ்வாய் மற்றும் புதன் ஆகிய தினங்களில் ஆய்வு செய்தனர். இந்நிலையில், ஐரோப்பிய யூனியன் எம்.பி.,க்கள் குழு இன்று ஸ்ரீநகரில் செய்தியாளர்களைச் சந்தித்தனர்.

    ஜம்மு-காஷ்மீரில் ஐரோப்பிய யூனியன் எம்.பி.க்கள் ஆய்வு

    அப்போது அதன் உறுப்பினர் தியரி மரியானி தெரிவிக்கையில், "நான் பல முறை இந்தியாவுக்கு வந்துள்ளேன். இந்திய அரசியலில் தலையிட நான் விரும்பவில்லை. இதன் நோக்கமே, அங்கு நிலவும் கள நிலவரம் குறித்த தகவலை அறிவதுதான். காஷ்மீர் இன்னொரு காஷ்மீராக மாறிவிடக் கூடாது" என்றார்.

    பிரான்ஸைச் சேர்ந்த மற்றொரு உறுப்பினர் ஹென்ரி மலூஸ் கூறுகையில், "எங்களுடைய பயணம் குறித்து சில இந்திய ஊடகங்கள் தவறாக சித்தரிக்கின்றன. நாங்கள் பாசிஸ்டுகளாகவும், இஸ்லாமிய எதிர்ப்பாளர்களாகவும், இனவாதிகளாகவும் காண்பிக்கப்படுகிறோம். ஆனால், அது முற்றிலும் தவறானது. இந்தப் பிராந்தியம் துரதிருஷ்டவசமாக அச்சுறுத்தலில் இருக்கிறது என்பது எங்களுக்குத் தெரியும். நேற்றுதான் 5 அப்பாவி தொழிலாளர்கள் கொல்லப்பட்டனர். இந்தப் பயணத்துக்கு ஏற்பாடு செய்து உதவிய இந்திய அரசுக்கு நன்றி. இந்தப் பயணம் முற்றிலும் தனிப்பட்ட முறையில் மேற்கொண்டதாகும்" என்றார்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai