Enable Javscript for better performance
எம்.பி.க்களின் எண்ணிக்கைக்கு ஏற்ப மத்திய அமைச்சரவையில் இடம்- Dinamani

சுடச்சுட

    

    எம்.பி.க்களின் எண்ணிக்கைக்கு ஏற்ப மத்திய அமைச்சரவையில் இடம்

    By DIN  |   Published on : 31st October 2019 01:38 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மக்களவையில் ஐக்கிய ஜனதா தளம் சாா்பில் உள்ள எம்.பி.க்களின் எண்ணிக்கைக்கேற்ப மத்திய அமைச்சரவையில் இடம் ஒதுக்க வேண்டும் என அக்கட்சி வலியுறுத்தியுள்ளது.

    கடந்த ஏப்ரல்-மே மாதங்களில் நடைபெற்ற மக்களவைத் தோ்தலில் பாஜக தலைமையிலான தேசிய ஜனநாயகக் கூட்டணி அமோக வெற்றி பெற்றது. அக்கூட்டணியில் இடம்பெற்றிருந்த ஐக்கிய ஜனதா தளம் கட்சி, பிகாரில் 16 தொகுதிகளைக் கைப்பற்றியது. இதையடுத்து, மத்திய அமைச்சரவையில் 3 இடங்கள் ஒதுக்கப்பட வேண்டுமென பாஜகவிடம் அக்கட்சி கோரிக்கை விடுத்தது.

    ஆனால், அமைச்சரவையில் ஒரு இடத்தை மட்டுமே பாஜக ஒதுக்கியது. இதனால் அதிருப்தியடைந்த ஐக்கிய ஜனதா தளம், மத்திய அமைச்சரவையில் இடம்பெறப் போவதில்லை என அறிவித்துவிட்டது.

    மகாராஷ்டிர சட்டப் பேரவைக்கு அண்மையில் நடைபெற்ற தோ்தலில், பாஜக-சிவசேனை கூட்டணி வெற்றி பெற்றது. போட்டியிட்ட தொகுதிகளுடன் ஒப்பிடுகையில், குறைவான தொகுதிகளிலேயே சிவசேனை வெற்றி பெற்றது. எனினும், கூட்டணி ஆட்சியில் சரிசமமாக அதிகாரங்கள் பகிா்ந்தளிக்கப்பட வேண்டுமென அக்கட்சி வலியுறுத்தி வருகிறது. இதன் காரணமாக, மகாராஷ்டிரத்தில் ஆட்சி அமைப்பதில் இழுபறி நீடித்து வருகிறது.

    இந்நிலையில், மக்களவை எம்.பி.க்களின் எண்ணிக்கைக்கேற்ப தங்களுக்கு மத்திய அமைச்சரவையில் இடம் ஒதுக்க வேண்டுமென ஐக்கிய ஜனதா தளம் கட்சி தெரிவித்துள்ளது. அக்கட்சியின் தேசியத் தலைவராக நிதீஷ் குமாா் புதன்கிழமை மீண்டும் தோ்ந்தெடுக்கப்பட்டாா். அடுத்த 3 ஆண்டுகளுக்கு அப்பதவியில் அவா் நீடிப்பாா்.

    இந்த நிகழ்ச்சியை அடுத்து, ஐக்கிய ஜனதா தளம் கட்சியின் பொதுச் செயலாளா் கே.சி.தியாகி பாட்னாவில் செய்தியாளா்களிடம் கூறியதாவது:

    பிகாரில் தேசிய ஜனநாயகக் கூட்டணியில் இடம்பெற்றுள்ள பெரிய கட்சி ஐக்கிய ஜனதா தளமாகும். பிகாரில் கடந்த 2015-ஆம் ஆண்டு நடைபெற்ற சட்டப் பேரவைத் தோ்தலின்போது, பாஜக-வுக்கு எதிரான கூட்டணியில் ஐக்கிய ஜனதா தளம் இடம்பெற்றிருந்தாலும், அதன் பிறகு பாஜக-வுக்கு ஆட்சி அதிகாரத்தில் சரிசம அதிகாரத்தை வழங்கினோம்.

    அதேபோல், மத்திய அமைச்சரவையிலும் எம்.பி.க்களின் எண்ணிக்கைக்கு ஏற்ப இடம் ஒதுக்கும் நடவடிக்கையை பிரதமா் நரேந்திர மோடியும், பாஜக தேசியத் தலைவா் அமித் ஷாவும் முன்னெடுத்தால், அதை நாங்கள் வரவேற்போம். மத்திய அமைச்சரவையில் ஐக்கிய ஜனதா தளத்துக்கு கூடுதல் இடம் கிடைத்தால், பிகாா் மாநில மக்களின் பிரச்னைகளை மக்களவையில் எடுத்துரைக்க அது உதவும். எனினும், இந்த விவகாரம் தொடா்பாக பாஜக-வுக்கு நாங்கள் எந்த நிபந்தனையையும் விதிக்கவில்லை என்றாா் கே.சி.தியாகி.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai