Enable Javscript for better performance
370, 35ஏ சட்டப்பிரிவுகள் நீக்கம் மூலம் பயங்கரவாதத்துக்கான வாயில் மூடப்பட்டது: அமித் ஷா- Dinamani

சுடச்சுட

    

    370, 35ஏ சட்டப்பிரிவுகள் நீக்கம் மூலம் பயங்கரவாதத்துக்கான வாயில் மூடப்பட்டது: அமித் ஷா

    By DIN  |   Published on : 31st October 2019 11:37 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தில்லியில் ஒற்றுமைக்கான ஓட்டத்தை கொடியசைத்து தொடங்கி வைத்த உள்துறை அமைச்சா் அமித் ஷா. உடன் மத்திய அமைச்சா் கிரண் ரிஜிஜு உள்ளிட்டோா்.

    தில்லியில் ஒற்றுமைக்கான ஓட்டத்தை கொடியசைத்து தொடங்கி வைத்த உள்துறை அமைச்சா் அமித் ஷா. உடன் மத்திய அமைச்சா் கிரண் ரிஜிஜு உள்ளிட்டோா்.

    ‘ஜம்மு-காஷ்மீருக்கு சிறப்பு அந்தஸ்து அளித்து வந்த 370, 35ஏ ஆகிய பிரிவுகள் அந்த மாநிலத்தில் பயங்கரவாதத்தின் நுழைவு வாயிலாக இருந்து வந்தன. அவற்றை நீக்கியதன் மூலம் அந்த வாயிலை பிரதமா் மோடி மூடிவிட்டாா்’ என்று மத்திய உள்துறை அமைச்சரகா் அமித் ஷா தெரிவித்தாா்.

    நாட்டின் முத்தல் உள்துறை அமைச்சரான சா்தாா் வல்லபபாய் படேலின் 144-ஆவது பிறந்த தினத்தையொட்டி தில்லியில் ஒற்றுமைக்கான ஓட்டத்தை அமித் ஷா வியாழக்கிழமை கொடியசைத்து தொடங்கி வைத்தாா். அப்போது அவா் பேசியது:

    இந்தியா சுதந்திரம் பெற்றபோது 550-க்கும் மேற்பட்ட சமஸ்தானங்கள் இருந்தன. அப்போது இந்தியா சுதந்திரம் பெற்றபோதிலும், நாடு பிளவுபட்டு விடும் என்றே பலரும் கருதினா். அந்த நேரத்தில் சமஸ்தானங்கள் அனைத்தையும் இணைத்து இந்தியா என்ற ஒரே தேசமாக்கும் பொறுப்பை மகாத்மா காந்தி, வல்லபபாய் படேலிடம் ஒப்படைத்தாா். அப்பொறுப்பை படேல் மிகச் சிறப்பான முறையில் நிறைவேற்றினாா்.

    எனினும், ஒரு விஷயம் மட்டும் முழுமை பெறாமல் நீடித்து வந்தது. ஜம்மு-காஷ்மீா் இந்தியாவுடன் முழுமையாக இணையாததுதான் அது. இந்த இணைப்பு நடவடிக்கையில் அரசியல்சாசனப் பிரிவுகள் 370 மற்றும் 35 ஆகியவை பிரச்னையாக மாறின. இந்த விஷயங்களில் யாரும் கைவைக்கவில்லை.

    இந்த இரு சட்டப் பிரிவுகளும் கடந்த ஆகஸ்ட் 5-ஆம் தேதி நீக்கப்பட்டபோது படேலின் நிறைவவேறாத கனவு நனவானது. ஜம்மு-காஷ்மீா் இந்தியாவுடன் முழுமையான இணைவதும் பூா்த்தியானது.

    இந்த ஆண்டு நடைபெற்ற மக்களவை பொதுத் தோ்தலில் நரேந்திர ோடி அரசுக்கு மிகப்பெரிய அளவில் மக்கள் தீா்ப்பளித்த பிறகு 370 மற்றும் 35ஏ ஆகிய பிரிவுகளை நீக்கும் முடிவு எடுக்கப்பட்டது. ஜம்மு-காஷ்மீருக்கு சிறப்பு அந்தஸ்து அளித்து வந்த இந்த சட்டப் பிரிவுகள் அந்த மாநிலத்தில் பயங்கரவாதத்தின் நுழைவு வாயிலாக இருந்து வந்தன. அவற்றை நீக்கியதன் மூலம் அந்த வாயிலை பிரதமா் மோடி மூடிவிட்டாா்.

    பல ஆண்டுகளாக படேலுக்கு உரிய மரியாதை அளிக்கப்படாத நிலை காணப்பட்டது. அவரை அலட்சியப்படுத்தவும் அவரை மறக்கடிக்கவும் முயற்சிகள் மேற்கொள்ளப்பட்டன. படேலுக்கு பல ஆண்டுகளாக பாரத ரத்னா விருது வழங்கப்படவில்லை என்பதோடு அவருக்கு உரிய சிலையும் அமைக்கப்படவில்லை. அவரது உருவப்படம் வைக்கவும் அனுமதிக்கப்படவில்லை. மோடி குஜராத் முதல்வராகப் பதவியேற்றதும் படேலுக்கு உரிய கெளரவத்தை அளிக்கத் தொடங்கினாா்.

    அதன் பின் குஜராத்தின் கேவடியா நகரில் பிரம்மாண்டமான படேல் சிலை அமைக்கப்பட்டது. ஒற்றுமையின் சிலை எனப்படும் இச்சிலையை அமைப்பதற்காக விவசாயிகளிடம் இருந்து இரும்புத் துண்டுகள், குஜராத்தின் ஒவ்வொரு கிராமத்தில் இருந்தும் மண், நாட்டின் பல்வேறு பகுதிகளில் பாயும் நதிகளின் நீா் ஆகியவற்றை மோடி திரட்டினாா். நாட்டை ஒருங்கிணைத்தவருக்கு எளிய வகையில் மரியாதை செலுத்துவதற்காக அவா் இதைச் செய்தாா். தற்போதுள்ள இந்திய வரைபடமானது 550-க்கும் மேற்பட்ட சமஸ்தானங்களை இணைக்க படேல் மேற்கொண்ட முயற்சியால்தான் சாத்தியமானது என்றாா் அமித் ஷா.

    ஒற்றுமைக்கான ஓட்டத்தில் பங்கேற்றவா்களுக்கு அவா் உறுதிமொழி செய்து வைத்தாா்.

    மேலும், முன்னாள் பிரதமா் இந்திரா காந்தியின் நினைவு தினத்தையொட்டி (அக். 31) அவரையும் தனது உரையில் அமித் ஷா நினைவுகூா்ந்தாா்.

    உள்நாட்டுப் பாதுகாப்புக்கே மோடி அரசு முன்னுரிமை

    தில்லி காவல்துறைக்கு புதிதாகக் கட்டப்பட்டுள்ள கட்டடத்தைத் திறந்து வைத்து அமித் ஷா பேசுகையில், ‘உள்நாட்டுப் பாதுகாப்புக்கே மோடி அரசு முன்னுரிமை அளிக்கிறது. இதை உறுதிப்படுத்த எல்லையில் கண்காணிப்பை மேம்படுத்துவது, கள்ள நோட்டுகளை ஒழிப்பது உள்ளிட்ட நடவடிக்கைகள் எடுக்கப்பட்டன’ என்று தெரிவித்தாா்.

    பணியின்போது வீரமரணம் அடைந்த தில்லி காவல்துறையினருக்கு அவா் நினைவஞ்சலி செலுத்தினாா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai