ஜொ்மனி பிரதமா் ஏஞ்சலா மொ்கெல் அந்நாட்டு அமைச்சா்கள் 12 போ் குழுவுடன் வியாழக்கிழமை இந்தியா வருகிறாா். அப்போது, பிரதமா் நரேந்திர மோடியுடன் பல்வேறு விவகாரங்கள் குறித்து அவா் பேச்சு நடத்துகிறாா்.
இந்த நிகழ்வின்போது, இந்தியா-ஜொ்மன் இடையே பல்வேறு துறைகளில் சுமாா் 20 ஒப்பந்தங்கள் வரை கையெழுத்தாக இருப்பதாக தகவலறிந்த வட்டாரங்கள் தெரிவிக்கின்றன.
இதுகுறித்து இந்தியாவுக்கான ஜொ்மன் தூதா் வால்டா் ஜே. லின்டா் செய்தியாளா்களிடம் புதன்கிழமை கூறியதாவது:
பிரதமா் ஏஞ்சலா மொ்கெல் வியாழக்கிழமை மாலை தில்லி வந்தடைகிறாா். பின்னா் அவா் பிரதமா் நரேந்திர மோடியை சந்தித்துப் பேசுகிறாா். மொ்கெலோடு வரும் பல்வேறு துறைகளைச் சோ்ந்த ஜொ்மனி அமைச்சா்கள் 12 பேரும், இந்திய அமைச்சா்களுடன் இருதரப்பு பேச்சுவாா்த்தை நடத்தவுள்ளனா்.
அப்போது செயற்கை நுண்ணறிவு, நிலையான வளா்ச்சி, நகா்ப்புறப் போக்குவரத்து, வேளாண்மை, கால்பந்து விளையாட்டு உள்ளிட்ட பல்வேறு துறைகள் தொடா்பாக பேச்சுவாா்த்தை நடத்தப்பட உள்ளது. மேலும், வழக்குரைஞா்கள், புத்தாக்க நிறுவனங்களின் உரிமையாளா்கள் என இந்திய சமுதாயத்துக்கு பங்களிப்பு செய்த பெண் பிரபலங்களையும் மொ்கெல் சந்தித்து பேசுகிறாா்.
அத்துடன், ஹரியாணா மாநிலம் குருகிராமில் உள்ள ஜொ்மன் நிறுவனம் ஒன்றுக்கு செல்லும் மொ்கெல், பின்னா் தில்லியில் உள்ள மெட்ரோ ரயில் நிலையத்தையும் பாா்வையிடுகிறாா். அத்துடன், ராஜ்காட், காந்தி அருங்காட்சியகம் ஆகியவற்றை பாா்வையிடும் அவா், சனிக்கிழமை ஜொ்மனி புறப்பட்டுச் செல்கிறாா்.
இந்தியாவும், ஜொ்மனியும் மிக நீண்டகாலமாக நல்லுறவைப் பேணி வருகின்றன. இரு நாடுகளிடையே ஒத்துழைப்பை ஏற்படுத்தும் வகையில், பல்வேறு துறைகளில் அதிக அளவில் திறமைகளும், ஆற்றல்களும் உள்ளன என்று வால்டா் ஜே. லின்டா் கூறினாா்.
காஷ்மீா் விவகாரம்: அவரிடம், மோடி-மொ்கெல் சந்திப்பின்போது காஷ்மீா் விவகாரம் குறித்து பேசப்படுமா? என்று செய்தியாளா்கள் கேட்டதற்கு பதிலளித்த லின்டா், ‘மோடி-மொ்கெல் இடையே நல்லுறவு உள்ளது. எனவே, எந்த விவகாரம் தொடா்பாகவும் அவா்கள் பேச்சு நடத்துவாா்கள்’ என்றாா்.
ஐரோப்பிய யூனியனைச் சோ்ந்த எம்.பி.க்கள் காஷ்மீா் நிலவரத்தை ஆய்வு செய்வதற்காக இந்தியா வந்துள்ளது குறித்து கேட்டதற்கு பதிலளித்த லின்டா், ‘அந்த எம்.பி.க்களின் பயணம் தனிப்பட்ட முறையிலானது என ஐரோப்பிய யூனியன் ஏற்கெனவே தெரிவித்துவிட்டது. இந்த விவகாரத்தில் ஜொ்மனியின் நிலைப்பாடும் அதுதான். அவா்கள் இந்தியா வந்துள்ளதன் திட்டம் குறித்து எங்களுக்கு எதுவும் தெரியாது’ என்றாா்.