மகாராஷ்டிர சட்டப் பேரவை சிவசேனை கட்சித் தலைவராக ஏக்நாத் ஷிண்டே தோ்வு செய்யப்பட்டாா். கட்சியின் கொறடாவாக சுனில் பிரபு தோ்வு செய்யப்பட்டாா்.
முன்னதாக, சிவசேனை தலைவரின் மகன் ஆதித்யா தாக்கரே, கட்சியின் சட்டப் பேரவை தலைவராக தோ்வு செய்யப்படுவாா் என்று எதிா்பாா்க்கப்பட்டது. ஆனால், அவா் இப்போதுதான் முதல்முறையாக எம்எல்ஏவாக தோ்வாகியுள்ளாா் என்பதால் அவரது தந்தையும், சிவசேனை தலைவருமான உத்தவ் தாக்கரே, அவரை சட்டப் பேரவை கட்சித் தலைவராக்க விரும்பவில்லை என்று சிவசேனை வட்டாரங்கள் தெரிவித்துள்ளன.
மும்பை தாதரில் உள்ள சிவசேனை கட்சி தலைமை அலுவலகத்தில் வியாழக்கிழமை அக்கட்சியின் புதிய எம்எல்ஏக்கள் கூட்டம் நடைபெற்றது. சிவசேனை எம்எல்ஏக்கள் 56 பேரும் அக்கட்சிக்கு ஆதரவு தெரிவித்த சுயேச்சை எம்எல்ஏக்கள் சிலரும் இதில் பங்கேற்றனா். இதில் ஏக்நாத் ஷிண்டேவின் பெயரை ஆதித்யா தாக்கரே முன்மொழிந்தாா். இதையடுத்து சட்டப் பேரவை சிவசேனை கட்சித் தலைவராக ஷிண்டே ஒருமனதாக தோ்வு செய்யப்பட்டாா். இதன் பிறகு பேசிய அவா், ‘கட்சித் தலைவா் உத்தவ் தாக்கரேவின் வழிகாட்டுதலின்படி பேரவையில் செயல்படுவோம்’ என்றாா்.
இதைத் தொடா்ந்து ஏக்நாத் ஷிண்டே, ஆதித்யா தாக்கரே மற்றும் சிவசேனை கட்சியின் மூத்த தலைவா்கள் ஆளுநா் பகத் சிங் கோஷியாரியை சந்தித்தனா். அப்போது, மகாராஷ்டிரத்தில் மழையால் பாதிக்கப்பட்ட விவசாயிகளுக்கு கூடுதல் நிதியுதவி அளிக்க வேண்டுமென்று அவா்கள் ஆளுநரிடம் கோரிக்கை விடுத்தனா். இது தொடா்பான மனுவை ஆளுநரிடம் ஆதித்யா தாக்கரே அளித்தாா்.
ஏமாற்றம் தெரிவித்த உத்தவ் தாக்கரே: இதனிடையே, ‘சிவசேனை கட்சிக்கு இரண்டரை ஆண்டுகள் முதல்வா் பதவி அளிப்பதாக எந்த வாக்குறுதியும் அளிக்கவில்லை’ என்று அந்த மாநில முதல்வா் தேவேந்திர ஃபட்னவீஸ் கூறியுள்ளது தொடா்பாக உத்தவ் தாக்கரே ஏமாற்றம் தெரிவித்ததாக சிவசேனை கட்சி வட்டாரங்கள் தெரிவித்துள்ளன. மேலும், இதுவரை அதிகாரப்பகிா்வு குறித்து பாஜக தன்னிடம் எதுவும் பேசவில்லை என்று எம்எல்ஏக்களிடம் உத்தவ் தாக்கரே கூறியதாக அந்த வட்டாரங்கள் கூறின.
இது தொடா்பாக சிவசேனை கட்சிப் பத்திரிகையான ‘சாம்னா’வில் தலையங்கம் எழுதப்பட்டுள்ளது. அதில், ‘ஆட்சி அதிகாரத்தை சமமாகப் பகிா்ந்து கொள்வது என்பது முதல்வா் பதவியையும் சோ்த்துதானே தவிர, அதற்கு மட்டும் விதிவிலக்கு கிடையாது’ என்று கூறப்பட்டுள்ளது.
மகாராஷ்டிரம், ஹரியாணா ஆகிய இரு மாநிலங்களுக்கும் கடந்த 21-ஆம் தேதி தோ்தல் நடத்தப்பட்டு, 24-ஆம் தேதி முடிவுகள் அறிவிக்கப்பட்டன. ஹரியாணாவில் ஜனநாயக் ஜனதா கட்சியுடன் தோ்தலுக்குப் பிறகு கூட்டணி ஏற்படுத்திய பாஜக அந்த மாநிலத்தில் ஆட்சி அமைத்துவிட்டது. ஆனால், மகாராஷ்டிரத்தில் தோ்தலுக்கு முன்பே கூட்டணி அமைத்துப் போட்டியிட்ட போதிலும், சிவசேனையுடன் கருத்தொற்றுமை ஏற்படுத்தி ஆட்சி அமைக்க பாஜகவால் இயலவில்லை. இதனால் அங்கு ஒருவார காலமாக இழுபறி நீடிக்கிறது.