Enable Javscript for better performance
அமெரிக்கா புறப்பட்டார் பிரதமர் மோடி: ஹூஸ்டன் நகரில் வரவேற்பு ஏற்பாடுகள் தீவிரம்- Dinamani

சுடச்சுட

    

    அமெரிக்கா புறப்பட்டார் பிரதமர் மோடி: ஹூஸ்டன் நகரில் வரவேற்பு ஏற்பாடுகள் தீவிரம்

    By DIN  |   Published on : 21st September 2019 09:37 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    PM_Modi_departs_to_US_address_at_Howdy_Modi

     

    அமெரிக்காவில் ஐ.நா. பொதுச் சபையின் 74-ஆவது ஆண்டு கூட்டத்தின் பொது விவாதம் வரும் 24-ஆம் தேதி முதல் 30-ஆம் தேதி வரை நடைபெறுகிறது. அந்தக் கூட்டத்தில் வரும் 27-ஆம் தேதி காலை பிரதமர் நரேந்திர மோடி உரையாற்றவுள்ளார். 

    ஐ.நா. பொதுச் சபை கூட்டத்தில் பங்கேற்பதற்கு முன், அமெரிக்காவின் ஹூஸ்டன் நகரில் வசிக்கும் இந்தியர்கள் வரும் 22-ஆம் தேதி நடத்தும் மோடி நலமா? நிகழ்ச்சியில் பிரதமர் மோடி உரையாற்றுகிறார்.

    இந்நிலையில், அமெரிக்காவுக்கு 21-ஆம் தேதி 7 நாள் பயணமாக புறப்பட்டுச் சென்றார். செப்.21-ஆம் தேதி முதல் 29-ஆம் தேதி வரையிலான இந்தப் பயணத்தின் போது, ஹூஸ்டன் நகரில் இந்தியர்கள் நடத்தும் மாநாட்டில் பங்கேற்கிறார். இந்த நிகழ்ச்சியில் அதிபர் டிரம்ப்பும் பங்கேற்கிறார். நிகழ்ச்சியின் இடையே, இருநாடுகளுக்கிடையேயுள்ள உறவுகள் குறித்து இருநாட்டுத் தலைவர்களும் விவாதிக்க உள்ளனர்.

    அதையடுத்து வரும் 24-ஆம் தேதி  நியூயார்க்கில் ஐ.நா. தலைமையகத்தில் மகாத்மா காந்தி குறித்த சிறப்பு நிகழ்ச்சியை மோடி நடத்துகிறார். இறுதியாக, ஐ.நா. பொதுச் சபையில் வரும் 27-ஆம் தேதி காலை உரையாற்றிய பின்னர் அன்றைக்கு மதியம் அங்கிருந்து நாடு திரும்புகிறார்.

    இந்நிலையில், ஹூஸ்டன் நகரின் என்ஆர்ஜி மைதானத்தின் அருகே பிரதமர் மோடியை வரவேற்கும் விதமாக பிரமாண்டப் பதாகைகள் வைக்கப்பட்டுள்ளன. மேலும் அங்கு கார் அணிவகுப்பு நிகழ்ச்சியும் நடத்தப்பட உள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai