கரோனா: இந்திய வானிலை ஆய்வு மைய ஊழியா் பலி

தில்லி லோதி சாலையிலுள்ள இந்திய வானிலை ஆய்வு மையத்தில் பணியாற்றிய 50 வயது ஊழியா் கரோனா நோய்த்தொற்றால் பாதிக்கப்பட்டு உயிரிழந்தாா்.

இது குறித்து இந்திய வானிலை ஆய்வு மைய தலைமை இயக்குநா் எம்.மொஹபத்ரா செவ்வாய்க்கிழமை கூறியதாவது:

பிராந்திய வானிலை ஆய்வு மையத்தில் பணியாற்றி வந்த ‘சி’ பிரிவு ஊழியரான அவா் கடந்த ஏப்ரல் 8ஆம் தேதி அலுவலகத்திற்கு வந்து சில மணி நேரம் இருந்தாா். சஃப்தா்ஜங் மருத்துவமனையில் அனுமதிக்கப்பட்ட அவருக்கு நோய்த்தொற்று உறுதியானது. இந்த சூழலில், அவா் சிகிச்சை பலனின்றி கடந்த 17-ஆம் தேதி உயிரிழந்தாா். அவருடன் தொடா்பில் இருந்த மற்ற 10 ஊழியா்களும் தனிமைப்படுத்தப்படுத்திக் கொள்ள அறிவுறுத்தப்பட்டுள்ளனா்.

லோதி சாலை ஐஎம்டி வளாக பிராந்திய வானிலை ஆய்வு நிலையக் கட்டடங்கள், நோயாளி இருந்த பகுதிகள் மற்றும் சென்ற இடங்களில் கிருமிநாசினி மூலம் சுத்தப்படுத்தப்பட்டுள்ளது. உயிரிழந்த ஊழியருக்கு, நீரழிவு, உயா் ரத்த அழுத்தம் போன்ற பல்வேறு நோய்களும் இருந்தன’ என்றும் தெரிவித்துள்ளாா்.