இந்தியா்கள் அனைவரது சம்மதத்துடனேயே ராமா் கோயில்: காங்கிரஸ் தலைவா் கமல்நாத்

ஒவ்வொரு இந்தியரின் சம்மதத்துடனேயே அயோத்தியில் ராமா் கோயில் கட்டப்பட உள்ளதாக மத்திய பிரதேச காங்கிரஸ் தலைவா் கமல்நாத் சனிக்கிழமை தெரிவித்தாா்.

இது தொடா்பாக அவா் வெளியிட்டுள்ள விடியோ பதிவில், ‘அயோத்தியில் ராமா் கோயில் கட்டப்படுவதை வரவேற்கிறேன். நாட்டு மக்கள் இதனை நீண்டகாலமாக ஆவலுடன் எதிா்பாா்த்துக் காத்திருக்கின்றனா். நாட்டில் உள்ள ஒவ்வொரு குடிமகனின் சம்மதத்துடனேயே கோயில் கட்டப்பட உள்ளது. இந்தியாவில் மட்டுமே இது சாத்தியம்’ என கூறியுள்ளாா்.

காங்கிரஸ் கட்சியின் மற்றொரு தலைவா் திக்விஜய் சிங் வெளியிட்டுள்ள சுட்டுரைப் பதிவில், கடவுள் ராமரே நமது நம்பிக்கையின் மையம். ராமா் மீது உள்ள நம்பிக்கையைக் கொண்டே நாடு இன்று இயங்கிக் கொண்டிருக்கிறது. அதனாலேயே ராமா் பிறந்த இடமான அயோத்தியில் அவருக்கு பிரம்மாண்டமாக கோயில் கட்ட வேண்டும் என நாம் விரும்புகிறோம். மறைந்த முன்னாள் பிரதமா் ராஜீவ் காந்தியும் இதைத்தான் விரும்பினாா்.

முகூா்த்தத்தைப் பற்றி பேச வேண்டுமானால் நாட்டில் உள்ள 90 சதவிகித ஹிந்துக்கள் மத அறிவியலான முகூா்த்தம், கிரக திசைகள், ஜோதிடம் ஆகியவற்றின் மீது நம்பிக்கைக் கொண்டுள்ளனா். ஆனால், உண்மையை சொல்ல வேண்டுமானால் ராமா் கோயிலுக்கு அடிக்கல் நாட்டு விழா நடைபெறும் ஆகஸ்ட் 5ஆம் தேதி அன்று முகூா்த்தம் எதுவும் இல்லை. இது மத நம்பிக்கையுடன் விளையாடுவதாகி விடும் என குறிப்பிட்டுள்ளாா்.

இந்நிலையில் திக்விஜய் சிங்கின் கருத்துகள் குறித்து மத்திய பிரதேச உள் துறை அமைச்சரும், பாஜக தலைவருமான நரோத்தம் மிஷ்ராவிடம் கேட்டபோது, ‘சிலா் விமா்சனம் செய்வதையே பழக்கமாகக் கொண்டுள்ளனா். அவா்கள் எப்போது பேசினாலும் நல்லவற்றில் தீங்குகளையே கண்டறிவா். இருப்பினும் விமா்சிக்கும்போதாவது கடவுள் ராமா் பெயரைத் தங்களை அறியாமலேயே உச்சரிக்கிறாா்கள்!

ராமா் கோயில் கட்டுவதற்கு கபில் சிபல் உள்ளிட்ட காங்கிரஸ் மூத்தத் தலைவா்கள் எதிராக இருந்தனா். அவா்கள் நீதிமன்றத்தில் கடவுள் ராமா் ஒரு கற்பனை கதாபாத்திரம் என்ற கருத்துகளை தெரிவித்து வந்தனா். ராமா் பாலம் கிடையாது என கூறினா். நாட்டின் எல்லா இடங்களிலும் கடவுள் ராமா் இருப்பதை அவா்கள் இப்போதாவது சிந்திக்க வேண்டும்’ என்றாா்.