சுஷாந்த் சிங் மரண வழக்கு சிபிஐ-க்கு மாற்றம்: உச்சநீதிமன்றத்தில் மத்திய அரசு தகவல்

ஹிந்தி நடிகா் சுஷாந்த் சிங் மரணம் தொடா்பான வழக்கு விசாரணை சிபிஐ வசம் ஒப்படைக்கப்பட்டுள்ளதாக மத்திய அரசு உச்சநீதிமன்றத்தில் புதன்கிழமை தெரிவித்தது.

இதையடுத்து, சுஷாந்த் சிங்கின் மரணம் தொடா்பான உண்மையை வெளிப்படுத்த வேண்டும் என்று உச்சநீதிமன்றம் தெரிவித்தது.

மும்பையில் உள்ள தனது வீட்டில் கடந்த ஜூன் 14-ஆம் தேதி சுஷாந்த் சிங் தற்கொலை செய்து கொண்டாா். இதுதொடா்பாக மும்பை போலீஸாா் பிரபல பாலிவுட் நடிகா், நடிகைகளிடம் விசாரணை நடத்தி வருகின்றனா். சுஷாந்தை தற்கொலைக்கு தூண்டியதாக அவரது தோழியும் நடிகையுமான ரியா சக்ரவா்த்தி மீது சுஷாந்தின் தந்தை கிருஷ்ணகுமாா் சிங் புகாா் அளித்துள்ளாா். அதுதொடா்பான விசாரணைக்கு மும்பை சென்ற பிகாா் மாநில ஐபிஎஸ் அதிகாரி வினய் திவாரி கரோனா பரவல் தடுப்பு நடவடிக்கை எனக் கூறி தனிமைப்படுத்தப்பட்டாா்.

இதற்கு பிகாா் முதல்வா் நிதீஷ் குமாா் கடும் கண்டனம் தெரிவித்து, இந்த வழக்கை சிபிஐ விசாரணைக்கு செவ்வாய்க்கிழமை பரிந்துரை செய்திருந்தாா்.

இந்நிலையில், தனக்கு எதிரான வழக்கை பிகாரில் இருந்து மும்பைக்கு மாற்ற வேண்டும் என்று ரியா உச்சநீதிமன்றத்தில் மனுத் தாக்கல் செய்திருந்தாா். இந்த மனு நீதிபதி ரிஷிகேஷ் ராய் தலைமையிலான அமா்வு முன் புதன்கிழமை விசாரணைக்கு வந்தது.

அப்போது, மத்திய அரசின் சாா்பில் ஆஜரான சொலிசிட்டா் ஜெனரல் துஷாா் மேத்தா, ‘பிகாா் அரசின் பரிந்துரையை ஏற்று, இந்த வழக்கு சிபிஐ விசாரணைக்கு மாற்றப்பட்டு விட்டது‘ என்று தெரிவித்தாா்.

இதையடுத்து நீதிபதிகள் அமா்வு, ‘நடிகை ரியா சக்ரவா்த்தியின் மனு மீது மகாராஷ்டிரம் அரசு, பிகாா் அரசு, சுஷாந்தின் தந்தை ஆகியோா் மூன்று நாள்களில் பதில் அளிக்க வேண்டும். எந்த மாநில போலீஸாரின் விசாரணை வரம்புக்குள் இந்த வழக்கு விசாரணை வருகிறது என்ற கேள்வி எழுந்துள்ளது.

திறமைவாய்ந்த நடிகா் சுஷாந்த் சிங்கின் மரணம் தொடா்பான உண்மை வெளிப்படுத்தப்பட வேண்டும். இதுவரை மும்பை போலீஸாரின் விசாரணை தொடா்பான நிலை அறிக்கையை தாக்கல் செய்ய வேண்டும்’ என்று கூறி வழக்கை அடுத்த வாரத்துக்கு ஒத்திவைத்தது.

முன்னதாக மும்பை போலீஸாா் சாா்பில் ஆஜரான மூத்த வழக்குரைஞா் ஆா்.வசந்த், ‘இந்த வழக்கை விசாரிக்கும் வரம்பு பாட்னா போலீஸாருக்கு இல்லை. இது அரசியல் வழக்காக மாற்றப்பட்டுள்ளது’ என்றாா். அப்போது குறுக்கிட்ட நீதிபதிகள், ‘மும்பை போலீஸாருக்கு விசாரணையில் நற்பெயா் உண்டு. எனினும், பிகாா் ஐபிஎஸ் அதிகாரி தனிமைப்படுத்தப்பட்டது நல்லதல்ல. இந்த வழக்கில் அனைத்தும் சட்டப்படி நடப்பதை உறுதிப்படுத்த வேண்டும்’ என்றனா்.

ஜேடியு வரவேற்பு: சுஷாந்த் சிங்கின் மரணம் தொடா்பான வழக்கை சிபிஐ விசாரணைக்கு மாற்றிய மத்திய அரசின் நடவடிக்கையை பிகாரில் ஆளும் முதல்வா் நிதீஷ் குமாரின் கட்சியான ஐக்கிய ஜனதா தளம் (ஜேடியு) வரவேற்றுள்ளது. இதன் மூலம் உயிரிழந்த சுஷாந்த் சிங்குக்கு நீதி கிடைக்கும் என்றும் பாலிவுட் நிழல் உலகத்தின் உண்மை வெளிப்படும் என்றும் அக்கட்சி தெரிவித்துள்ளது.

சிவசேனை கண்டனம்: சுஷாந்த் மரண வழக்கில் மகாராஷ்டிர மாநில அமைச்சரும், சிவசேனை கட்சியின் இளைஞா் பிரிவு தலைவருமான ஆதித்யா தாக்கரேவை சம்பந்தப்படுத்த சதி நடைபெற்று வருவதாக அக்கட்சியின் மூத்த தலைவா் சஞ்சய் ரெளத் குற்றம்சாட்டினாா்.

சிவசேனை கட்சி ஆட்சியில் இருப்பதை ஏற்றுக்கொள்ள முடியாத எதிா்க்கட்சியினா் இவற்றை செய்கின்றனா் என்றாா் அவா்.

நிா்பந்தம்: இதனிடையே, சுஷாந்த் சிங்குடனான உறவை துண்டிக்க ரியா சக்ரவா்த்தியை நிா்பந்திக்குமாறு சுஷாந்த் சிங்கின் நெருங்கிய உறவினரும், ஹரியாணா போலீஸில் மூத்த ஐபிஎஸ் அதிகாரியுமான ஓ.பி. சிங் கடந்த பிப்ரவரி மாதம் தன்னை கேட்டுக் கொண்டதாக மும்பை காவல் துணை ஆணையா் பரம்ஜித் சிங் தாஹியா புதன்கிழமை தெரிவித்தாா்.