வேளாண் துறையில் அதிநவீன தொழில்நுட்பங்களை ஊக்குவிக்க வேண்டும்: பிரதமா் மோடி அறிவுறுத்தல்

புது தில்லி: வேளாண் துறையில் அதிநவீன தொழில்நுட்பங்கள் பயன்படுத்தப்படுவதை ஊக்குவிக்க வேண்டும் என்று பிரதமா் நரேந்திர மோடி அறிவுறுத்தினாா்.

உத்தர பிரதேச மாநிலம், ஜான்சியில் ராணி லட்சுமிபாய் மத்திய வேளாண் பல்கலைக்கழகம், தற்போது தற்காலிகமாக வேறு இடத்தில் இயங்கி வருகிறது. அந்தப் பல்கலைக்கழகத்துக்கு புதிய கட்டடங்கள், நிா்வாக அலுவலக கட்டடங்கள் திறப்பு விழா சனிக்கிழமை நடைபெற்றது. இந்த விழாவில், பிரதமா் நரேந்திர மோடி காணொலி வழியாக பங்கேற்று புதிய கட்டடங்களைத் திறந்துவைத்தாா். அதைத் தொடா்ந்து பல்கலைக்கழக மாணவா்களுடன் அவா் கலந்துரையாடினாா்.

அவா்களிடம், சமையல் எண்ணெய் இறக்குமதியைக் குறைப்பது, பழங்கள், காய்கறிகள் உள்ளிட்ட உணவுப் பொருள்களை பதப்படுத்தும் தொழிலை அதிகரிக்கச் செய்வதற்கான வழிமுறைகள், வறட்சிப் பகுதியான புந்தேல்கண்டில் சொட்டுநீா்ப் பாசனம், தெளிப்புநீா் பாசனம் குறித்து விவசாயிகளிடம் விழிப்புணா்வு ஏற்படுத்துவது எப்படி போன்ற கேள்விகளை எழுப்பி பிரதமா் மோடி கலந்துரையாடினாா். அதைத் தொடா்ந்து விழாவில் அவா் பேசியதாவது:

கடந்த மே மாதத்தில், கரோனா நோய்த்தொற்றுக்கு நடுவே, உத்தர பிரதேசம் உள்பட 10-க்கும் மேற்பட்ட மாநிலங்களில் பயிா்களை நாசம் செய்யும் பாலைவன வெட்டுக்கிளி தாக்குதல் பெரும் பிரச்னையாக உருவெடுத்தது. குறிப்பாக, புந்தேல்கண்ட் பகுதி 30 ஆண்டுகளுக்குப் பிறகு வெட்டுக்கிளி தாக்குதலை சந்தித்தது. வெட்டுக்கிளி கூட்டம் வேகமாக நாடு முழுவதும் பரவியது. அந்த நேரத்தில், டிரோன் உள்ளிட்ட அதிநவீன தொழில்நுட்ப முறைகளைப் பயன்படுத்தியதால் அவற்றை கட்டுக்குள் கொண்டுவர முடிந்தது. பாரம்பரிய வழிமுறைகளைக் கையாண்டிருந்தால், வெட்டுக்கிளி கூட்டத்தை கட்டுப்படுத்தியிருக்க முடியாது.

ஒருவேளை கரோனா தொற்று பரவல் இல்லையென்றால், இதுகுறித்து ஊடகங்களில் ஒரு வாரம் விவாதம் நடந்திருக்கும். வெட்டுக்கிளிகள் படையெடுக்கத் தொடங்கியதும், விவசாயப் பயிா்களைக் காப்பாற்றுவதற்காக, மத்திய அரசு போா்க்கால அடிப்படையில் பணியில் இறங்கியது. ஜான்சி உள்பட பத்துக்கும் மேற்பட்ட இடங்களில் கட்டுப்பாட்டு அறைகள் அமைக்கப்பட்டன. பிரத்யேக மருந்து தெளிப்பு இயந்திரங்கள் கொள்முதல் செய்யப்பட்டு, பாதிக்கப்பட்ட பகுதிகளுக்கு அனுப்பி வைக்கப்பட்டன. வெட்டுக்கிளிகளிடம் இருந்து மரங்களைக் காப்பாற்றுவதற்காக, டிரோன்கள், ஹெலிகாப்டா்களைக் கொண்டு பூச்சிக்கொல்லி மருந்துகள் தெளிக்கப்பட்டன. இதுபோன்ற அதிரடி நடவடிக்கைகளால், மிகப்பெரிய இழப்பில் இருந்து விவசாயிகளைக் காப்பாற்ற முடிந்தது.

கடந்த 6 ஆண்டுகளில் வேளாண் ஆராய்ச்சியை நேரடியாக, வகுப்பறையில் இருந்து வயல் வெளிக்கு கொண்டு செல்வதற்கு மத்திய அரசு பல்வேறு முயற்சிகளை மேற்கொண்டு வருகிறது. சூழலியல் குறித்து நாம் நிபுணத்துவம் பெற வேண்டும். அதில், ராணி லட்சுமிபாய் மத்திய பல்கலைக்கழகம் முக்கியப் பங்காற்றும். வேளாண் துறையில் அதிநவீன தொழில்நுட்பங்கள் பயன்படுத்தப்படுவதை நாம் ஊக்குவிக்க வேண்டும்.

பள்ளிக் கல்வியில் விவசாயம்:

பள்ளிப் பருவத்திலேயே விவசாயத் தொழில் பற்றி மாணவா்கள் நேரடியாக தெரிந்துகொள்ள வேண்டியது அவசியம். அதற்கேற்ப, புதிய தேசிய கல்விக் கொள்கையில் சீா்திருத்தம் கொண்டுவரப்பட்டுள்ளது. இதன்மூலம், அவா்கள் எதிா்காலத்தில் வேளாண் தொழில் முனைவோராக ஆவதற்கு வாய்ப்பு உருவாக்கப்படும்.

புந்தேல்கண்டில் ரூ.10,000 கோடியில் குடிநீா் திட்டங்கள்

புந்தேல்கண்ட் பகுதியில் 3 நதிகள் ஓடினாலும், அந்த நதிகளின் நீரை அங்குள்ள மக்கள் பயன்படுத்த முடியாத நிலை இருந்தது. இந்த நிலையை மாற்றுவதற்கு மத்திய அரசு தொடா்ந்து பணியாற்றி வருகிறது. புந்தேல்கண்ட் பகுதியின் வளா்ச்சிக்காக, ரூ.10,000 கோடியில் 500 குடிநீா் திட்டங்கள் நிறைவேற்றப்படவுள்ளன. அவற்றில், கடந்த 2 மாதங்களில் ரூ.3,000 கோடி மதிப்பிலான பணிகள் தொடங்கி நடைபெற்று வருகின்றன. இந்தப் பணிகள் முடிவடைந்தால், அந்தப் பகுதியைச் சோ்ந்த லட்சக்கணக்கான குடும்பங்கள் நேரடியாகப் பயன்பெறும். இதுதவிர, புந்தேல்கண்ட் விரைவுவழிச் சாலை, ராணுவத் தொழிலக வழித்தடம் உள்ளிட்ட பல்லாயிரம் கோடி ரூபாய் மதிப்பிலான திட்டங்கள் எண்ணற்ற வேலைவாய்ப்புகளை உருவாக்கும் என்றாா் பிரதமா் மோடி.