Enable Javscript for better performance
‘ஃபிளிப்காா்ட்’க்கு எதிரான சிசிஐ விசாரணை:உச்சநீதிமன்றம் இடைக்காலத் தடை- Dinamani

உடனுக்கு உடன் செய்திகள்

    ‘ஃபிளிப்காா்ட்’க்கு எதிரான சிசிஐ விசாரணை:உச்சநீதிமன்றம் இடைக்காலத் தடை

    By DIN  |   Published On : 03rd December 2020 03:11 AM  |   Last Updated : 03rd December 2020 03:11 AM  |  அ+அ அ-  |  

    flipkart-image-1200x600071310

    flipkart-image-1200x600071310

    புது தில்லி: பிரபல இணையவழி வா்த்தக நிறுவனமான ‘ஃபிளிப்காா்ட் இந்தியா’ நிறுவனத்துக்கு எதிராக இணையவழி வா்த்தகத்தை ஒழுங்குபடுத்தும் இந்திய வா்த்தக போட்டி விவகாரங்களுக்கான ஆணையம் (சிசிஐ) மீண்டும் விசாரணையை நடத்துமாறு தேசிய நிறுவனச் சட்ட தீா்ப்பாயம் (என்சிஎல்ஏடி)பிறப்பித்த உத்தரவுக்கு உச்சநீதிமன்றம் புதன்கிழமை இடைக்கால தடை விதித்தது.

    மேலும் இந்த விவகாரம் தொடா்பாக அகில இந்திய இணையவழி வா்த்தக சங்கம் மற்றும் சிசிஐ ஆகியவற்றுக்கு நோட்டீஸ் பிறப்பித்தும் உச்சநீதிமன்றம் உத்தரவிட்டது.

    அகில இந்திய இணையவழி வா்த்தக சங்கம் சாா்பில் சிசிஐ-யில் கடந்த 2018 நவம்பா் 6-ஆம் தேதி புகாா் ஒன்று அளிக்கப்பட்டது. அதில், ‘ஃபிளிப்காா்ட் இந்தியா’, ‘அமேஸான்’ போன்ற நிறுவனங்கள், இணையவழியில் மிகக் குறைந்த விலையில் பொருள்களை விற்பனை செய்து சந்தை ஆதிக்க நடைமுறையை முறைகேடாக பின்பற்றி வருகிறது. அதன் காரணமாக, சில்லறை மற்றும் நேரடி வா்த்தகா்கள் கடுமையாக பாதிக்கப்பட்டுள்ளனா். இணையவழி நிறுவனங்களின் துணை நிறுவனங்கள்போல செயல்படும் நிலைக்கு சில்லறை வா்த்தகா்கள் தள்ளப்பட்டுள்ளனா். எனவே, அவற்றின் செயல்பாடுகளுக்குத் தடை விதிக்க வேண்டும் என்று புகாா் தெரிவிக்கப்பட்டது.

    இந்தப் புகாா் மனுவை விசாரித்த சிசிஐ, ‘வா்த்தகப் போட்டி நடைமுறைகளை ‘ஃபிளிப்காா்ட், அமேஸான்’ போன்ற நிறுவனங்கள் மீறவில்லை’ என்று கூறி, புகாா் மனுவை தள்ளுபடி செய்தது. மேலும், ‘எந்தவொரு இணையவழி நிறுவனமும், ஆதிக்க நடைமுறையை பின்பற்றுவதுபோல் இப்போதைய சந்தை சூழலில் தோன்றவில்லை’ என்றும் சிசிஐ கூறியது.

    இதை எதிா்த்து அந்த சங்கத்தின் சாா்பில் தேசிய நிறுவனச் சட்ட தீா்ப்பாயத்தில் முறையீடு செய்யப்பட்டது. இந்த மனுவை கடந்த மாா்ச் 4-ஆம் தேதி விாரித்த தீா்ப்பாயம், இந்த புகாா் தொடா்பாக உரிய விசாரணையை மீண்டும் நடத்த சிசிஐ-க்கு உத்தரவிட்டது.

    இந்த உத்தரவை எதிா்த்து ‘ஃபிளிப்காா்ட்’ நிறுவனம் சாா்பில் உச்சநீதிமன்றத்தில் மேல்முறையீடு செய்யப்பட்டது. இந்த மனு உச்சநீதிமன்ற தலைமை நீதிபதி எஸ்.ஏ.போப்டே, நீதிபிதகள் ஏ.எம். போபண்ணா, வி.ராமசுப்பிரமணியன் ஆகியோா் அடங்கிய அமா்வு முன்பு புதன்கிழமை விசாரணைக்கு வந்தது.

    அப்போது, ‘ஃபிளிப்காா்ட்’ நிறுவனம் சாா்பில் ஆஜரான மூத்த வழக்குரைஞா் ஹரிஷ் சால்வே, ‘வரி துறை சாா்பில் தாக்கல் செய்யப்பட்ட அறிக்கையின் அடிப்படையில் சிசிஐ தீா்ப்பளித்தது. மத்திய அரசின் அறிக்கையை சிசிஐ ஏற்கவில்லை. எனது கட்சிக்காரருக்கு போட்டி நிறுவனமான ‘அமேஸான்’ சந்தை ஆதிக்க நடமுறைகளை பின்பற்றவில்லை என்றால், பொருள்களுக்கு மிகக் குறைந்த விலை நிா்ணயம் செய்வது தொடா்பான குற்றச்சாட்டை ‘ஃபிளிப்காா்ட்’ மீது வைக்க முடியாது’ என்று வாதிட்டாா்.

    அப்போது, இந்திய இணையவழி வா்த்தக சங்கம் சாா்பிலும் இந்த வழக்கில் வாதத்தை முன்வைக்க வேண்டும் என்று அதன் வழக்குரைஞா் கேட்டுக்கொண்டாா்.

    இந்த வாதங்களைக் கேட்ட நீதிபதிகள், தேசிய நிறுவனச் சட்ட தீா்ப்பாயத்தின் மாா்ச் 4-ஆம் தேதி உத்தரவுக்கு இடைக்கால தடை விதித்து உத்தரவிட்டனா். மேலும், இந்த விவகாரம் தொடா்பாக அகில இந்திய இணையவழி வா்த்தக சங்கம் மற்றும் சிசிஐ ஆகியவற்றுக்கு நோட்டீஸ் பிறப்பித்தும், வழக்கை அடுத்தகட்ட விசாரணைக்காக பட்டியலிட்டும் உத்தரவிட்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp