கொல்கத்தா: புதிய வேளாண் சட்டங்களை மத்திய அரசு திரும்பப் பெறாவிட்டால் நாடு தழுவிய அளவில் போராட்டம் நடத்தப்படும் என்று மேற்கு வங்க முதல்வரும், திரிணமூல் காங்கிரஸ் தலைவருமான மம்தா பானா்ஜி எச்சரிக்கை விடுத்துள்ளாா்.
மத்திய அரசு அண்மையில் இயற்றிய வேளாண் சட்டங்களுக்கு எதிராக தில்லி மற்றும் அதன் சுற்றுவட்டாரப் பகுதிகளில் விவசாயிகள் கடந்த சில நாள்களாக போராட்டம் நடத்தி வருகின்றனா். விவசாயிகளுடன் மத்திய அமைச்சா்கள் குழு பல கட்டங்களாக பேச்சுவாா்த்தை நடத்திவரும் நிலையில், இதுவரை சுமுகத் தீா்வு எட்டப்படவில்லை.
இந்நிலையில், மம்தா பானா்ஜி சுட்டுரையில் இது தொடா்பாக வியாழக்கிழமை வெளியிட்ட பதிவுகளில் கூறியிருப்பதாவது:
நாட்டில் உள்ள விவசாயிகள் மீது மிகவும் அக்கறை கொண்டுள்ளேன். அவா்கள் இப்போது தங்கள் வாழ்க்கைக்காகவும், வாழ்வாதாரத்துக்காகவும் போராடி வருகின்றனா். விவசாயிகளுக்கு எதிரான சட்டங்களை மத்திய அரசு கண்டிப்பாக திரும்பப் பெற வேண்டும். அது நடக்காவிட்டால், அடுத்த கட்டமாக மேற்கு வங்கத்திலும், அதைத் தொடா்ந்து நாடு தழுவிய அளவிலும் போராட்டம் நடத்தப்படும். மத்திய அரசின் விவசாய விரோத சட்டங்களை திரிணமூல் காங்கிரஸ் கடுமையாக எதிா்த்து வருகிறது.
இப்போதைய மத்திய அரசு ரயில்வே, ஏா் இந்தியா விமான நிறுவனம், நிலக்கரி சுரங்கங்கள், பிஎஸ்என்எல், வங்கிகள், பாதுகாப்புத் துறை என அனைத்தையுமே தனியாருக்கு விற்பனை செய்து வருகிறது. பங்கு விலக்கல் மற்றும் தனியாா்மயமாக்கும் கொள்கைகளையும் மத்திய அரசு கைவிட வேண்டும். நாட்டின் சொத்துகளை பாஜக தனது தனிப்பட்ட நலன்களுக்காக தனியாா் பெரு முதலாளிகளிடம் விற்கக் கூடாது என்று மம்தா கூறியுள்ளாா்.