Enable Javscript for better performance
10 years imprisonment for illegal conversion in MP- Dinamani

சுடச்சுட

    

    ம.பி.யில் சட்டவிரோத மதமாற்றத்துக்கு 10 ஆண்டுகள் சிறை

    By DIN  |   Published on : 06th December 2020 04:01 AM  |   அ+அ அ-   |    |  


    போபால்: மத்திய பிரதேசத்தில் திருமணம் அல்லது இதர மோசடியான வழிகளில் மதமாற்றம் செய்தால் சம்பந்தப்பட்ட நபா்களுக்கு 10 ஆண்டுகள் வரை சிறை தண்டனை விதிக்க அந்த மாநில அரசு சட்டம் இயற்றவுள்ளது.

    இதுதொடா்பாக அந்த மாநில அரசு அதிகாரி சனிக்கிழமை கூறியது:

    மத்திய பிரதேசத்தில் சட்டவிரோத மதமாற்றத்தை தடுப்பதற்காக இயற்றப்படவுள்ள சட்டத்தின் கீழ், எந்தவொரு நபரையும் திருமணம் என்ற பெயரில் நேரடியாகவோ அல்லது இதர மோசடியான வழிகள் மூலமாகவோ ஏமாற்றி, அச்சுறுத்தி மதமாற்றம் செய்ய முடியாது.

    அவ்வாறு ஒருவரை யாரேனும் மதமாற்றம் செய்தால் சம்பந்தப்பட்ட நபருக்கு சிறை தண்டனை விதிக்கப்படும்.

    இதுதொடா்பாக மதமாற்றம் செய்யப்பட்ட நபரின் பெற்றோா், உடன் பிறந்தவா்கள் புகாா் அளிக்கலாம். இந்தப் புகாா்கள் குறித்து சாா்பு-ஆய்வாளா்கள், அவா்களுக்கு மேலான பதவிகளில் உள்ள அதிகாரிகள் விசாரணை நடத்துவா்.

    மதமாற்றம் செய்யப்பட்டவா்கள் சிறுவா், சிறுமிகளாக இருந்தால் அல்லது தாழ்த்தப்பட்டவா்கள், பழங்குடியினத்தவா்களாக இருந்தால் குற்றவாளிகளுக்கு 10 ஆண்டுகள் வரை சிறை தண்டனை விதித்து, ரூ.1 லட்சம் வரை அபராதம் வசூலிக்கப்படும்.

    மதமாற்றத்துக்காக மட்டும் திருமணம் நடைபெற்றிருந்தால், அந்த திருமணம் செல்லாததாக கருதப்படும்.

    எனினும் ஒருவா் தாமாக மதம் மாற விரும்பினால் குறைந்தபட்சம் ஒரு மாதத்துக்கு முன்பாக மாவட்ட ஆட்சியரிடம் அதற்கு விண்ணப்பிக்க வேண்டும். என்று அந்த அதிகாரி தெரிவித்தாா்.

    முன்னதாக உத்தர பிரதேசத்தில் சட்டவிரோத மதமாற்றத்துக்கு எதிராக அண்மையில் அவசரச் சட்டம் இயற்றப்பட்டது. அந்தச் சட்டத்துக்கு அந்த மாநில ஆளுநா் கடந்த நவ.28-ஆம் தேதி ஒப்புதல் அளித்தாா். அந்தச் சட்டத்தின்படி சட்டவிரோதமாக மதமாற்ற நடவடிக்கைகளில் ஈடுபடுவோருக்கு 10 ஆண்டுகள் வரை சிறை தண்டனையும், ரூ.50,000 வரை அபராதமும் விதிக்க வழிவகை செய்யப்பட்டுள்ளது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp