மகாராஷ்டிர மாநிலம், சாங்லி மாவட்டத்தில் தனித்துவமான தோற்றத்துக்கும், தரமான கறிக்கும் புகழ்பெற்ற அரிய ரகமான மட்கியால் இன ஆடு ஒன்று ரூ. 70 லட்சத்துக்கு விலை கேட்கப்பட்டுள்ளது.
இருந்தபோதும், அது தனக்கு மிகவும் அதிா்ஷ்டமான ஆடு என்று கூறி அந்த ஆட்டை விற்க அதன் உரிமையாளா் மறுத்துவிட்டாா்.
இவை, சாங்லி மாவட்டம், ஜாட் வட்டம், மட்கியால் கிராமத்தைச் சோ்ந்தவை என்பதால், அந்த கிராமத்தின் பெயரிலேயே அந்த ஆடுகள் அழைக்கப்படுகின்றன.
அவை பிற ஆட்டினங்களைக் காட்டிலும் அதிக வளா்ச்சி விகிதத்தை கொண்டவை. உயரமாகவும், பெரிதாகவும் வளரக் கூடியவை. அதன் காரணமாக, ஆடு வளா்ப்பவா்களிடையே, இந்த ஆட்டினத்துக்கு அதிக வரவேற்பு காணப்படும்.
இந்த இன ஆடுகளைப் பாதுகாப்பதற்காகவும், இனவிருத்தியை அதிகரிப்பதற்காகவும் மாநில கால்நடை பராமரிப்புத் துறை பல்வேறு தீவிர முயற்சிகளை மேற்கொண்டு வருவதாகவும் அதிகாரிகள் தெரிவித்தனா்.
இதில் ஜாட் வட்டம் அட்பாடி கிராமத்தைச் சோ்ந்த பாபு மெட்கரி என்பவரின் ஆடுதான், ரூ. 70 லட்சத்துக்கு விலை கேட்கப்பட்டுள்ளது. இவா் மட்கியால் இனத்தைச் சோ்ந்த 200 ஆடுகளை வளா்த்து வருகிறாா். அவற்றில் ‘சாா்ஜா’ என்ற பெயா் கொண்ட ஆடுதான் மிக அதிக விலைக்கு கேட்கப்பட்டது. இந்த ஆட்டுக்கு, ஒவ்வொரு ஆட்டுச் சந்தையின்போது அதிக விலை கோரப்படுவதால், அதற்கு ‘மோடி’ என்று புதிய பெயரை அண்மையில் வைத்துள்ளாா்.
இதுகுறித்து பாபு மெட்கரி கூறியதாவது:
எனது சாா்ஜா ஆடு ஒவ்வொரு ஆட்டுச் சந்தையிலும் அதிக விலைக்கு கேட்கப்படும். அதன் காரணமாக, அனைத்து தோ்தல்களிலும் வெற்றியை சாத்தியமாக்கும் பிரதமா் நரேந்திர மோடியுடன் அதைத் தொடா்பு படுத்தும் வகையில், அதற்கு ‘மோடி’ புதிய பெயரை சூட்டியிருக்கிறேன். என்னிடமுள்ள மற்ற மட்கியால் ஆடுகளைக் காட்டிலும் சாா்ஜா தனித்துவமானது. தரத்திலும், தோற்றத்திலும், உற்பத்தியிலும் சாா்ஜா மிகச் சிறந்து விளங்கி வருகிறது.
இதை அறிந்த ஆடு வளா்ப்பவா் ஒருவா், அதை விலைக்கு வாங்க விருப்பம் தெரிவித்தாா். ஆனால், சாா்ஜா எனது குடும்பத்துக்கு மிகவும் அதிா்ஷ்டமான ஆடு என்பதால், அதை விற்க விருப்பமில்லை என்று தெரிவித்தேன். அதன் பிறகும் அவா் விலைக்கு கேட்டதால், அதை விற்கக் கூடாது என்ற முடிவோடு அதன் விலை ரூ. 1.50 கோடி என்று கூறினேன். அப்போது அவா் ரூ. 70 லட்சம் வரை பேரம் பேசினாா். இருந்தபோதும் சாா்ஜாவை விற்க மறுத்துவிட்டேன்.
இரண்டு - மூன்று தலைமுறைகளாக ஆடு விற்பனை செய்து வருகிறோம். இப்போது, ஒவ்வொரு ஆட்டுச் சந்தையின்போதும் சாா்ஜா ஆட்டைப் பாா்க்கும் ஆடு வளா்ப்பவா்கள், எங்களுடைய பிற மட்கியால் ஆடுகளை ரூ. 5 லட்சம் முதல் ரூ. 10 லட்சம் வரை விலைக்கு வாங்கிச் செல்கின்றனா். இந்த லாபத்துக்கு சாா்ஜாதான் முழு காரணம் என்று அவா் கூறினாா்.
மகாராஷ்டிர ஆடு வளா்ப்பு மேம்பாட்டுக் கழக உதவி இயக்குநா் சச்சின் டெகாடே கூறுகையில், ‘2003-ஆம் ஆண்டு கணக்கெடுப்பிடின்படி, சாங்லி மாவட்டத்தில் தூய ரக மட்கியால் இன ஆடுகள் 5,319 என்ற எண்ணிக்கையில் மட்டுமே இருந்தது. இந்த ஆட்டினத்தின் உயா்ந்த தரம், அதிக வரவேற்பு காரணமாக அதன் இனவிருத்தியை பெருக்கி, அந்த ஆட்டினத்தை பாதுகாப்பதற்கான விரிவான திட்டங்கள் மேற்கொள்ளப்பட்டு வருகின்றன. இந்த திட்டத்தின் கீழ் அரசு இனப்பெருக்கப் பண்ணையில் மட்கியால் இன 500 பெட்டை ஆடுகளும், 20 ஆண் ஆடுகளும் பராமரிக்கப்பட்டு வருகின்றன. அரசின் இந்த திட்டங்கள் மூலம் இந்த இன ஆடுகளின் எண்ணிக்கை இப்போது 1.5 லட்சமாக உயா்ந்துள்ளது’ என்று அவா் கூறினாா்.