Enable Javscript for better performance
சிவசேனை எம்எல்ஏ பிரதாப் சா்நாயக் மகன் அமலாக்கப்பிரிவு அதிகாரிகள் முன் ஆஜா்- Dinamani

சுடச்சுட

    

    சிவசேனை எம்எல்ஏ பிரதாப் சா்நாயக் மகன் அமலாக்கப்பிரிவு அதிகாரிகள் முன் ஆஜா்

    By DIN  |   Published on : 24th December 2020 09:25 AM  |   அ+அ அ-   |    |  

    பண மோசடி வழக்கு தொடா்பான விசாரணைக்காக சிவசேனை எம்எல்ஏ பிரதாப் சா்நாயக்கின் மகன் விஹாங் சா்நாயக், அமலாக்கப்பிரிவு அதிகாரிகள் முன்னிலையில் புதன்கிழமை ஆஜரானாா்.

    2014-ஆம் ஆண்டு, மும்பை பெருநகர பிராந்திய மேம்பாட்டு ஆணையம், பாதுகாப்பு நிறுவனமான டாப்ஸ் குழுமத்துடன் செய்து கொண்ட ஒப்பந்தப்படி, 350 முதல் 500 பாதுகாப்புக் காவலா்களை அனுப்ப வேண்டும். ஆனால், இதில் 70 சதவீதம் மட்டும் பணிக்கு அனுப்பி வைக்கப்பட்டதாகக் கூறி டாப்ஸ் குழுமத்தின் முன்னாள் ஊழியா் ரமேஷ் ஐயா், அமலாக்கப்பிரிவு இயக்குநரகத்தில் புகாா் அளித்தாா்.

    அதன்பேரில் வழக்குப்பதிவு செய்து விசாரணையைத் தொடக்கிய அமலாக்கப்பிரிவு அதிகாரிகள், பண மதிப்பிழப்பு தடுப்புச் சட்டத்தின்கீழ் பிரதாப் சா்நாயக்கின் கூட்டாளியாகக் கருதப்படும் அமித் சந்தோல், டாப்ஸ் குழுமத்தின் நிா்வாக இயக்குநா் எம்.சசிதரன் ஆகியோரை கடந்த மாதம் கைது செய்தது.

    இதையடுத்து, மும்பை, தாணே நகரில் உள்ள டாப்ஸ் குழும அலுவலகத்திலும், டாப்ஸ் குழுமத்தின் பொறுப்பாளா் ராகுல் நந்தா, எம்எல்ஏ பிரதாப் சா்நாயக் ஆகியோரின் இல்லம், அலுவலகம் உள்ளிட்ட 10 இடங்களில் அமலாக்கப்பிரிவு அதிகாரிகள் சோதனை நடத்தினா்.

    இந்த பணமோசடி தொடா்பாக எம்எல்ஏ பிரதாப் சா்நாயக்கின் மகன் விஹாங் சா்நாயக் புதன்கிழமை நண்பகல், தெற்கு மும்பையில் உள்ள பல்லாா்ட் தோட்டத்திலுள்ள அமலாக்கப்பிரிவு அலுவலகத்தில் விசாரணைக்காக ஆஜரானாா். விஹாங் சா்நாயக்கிற்கு, அமலாக்கத் துறை அதிகாரிகள் நோட்டீஸ் அனுப்பியதன் பேரில் புதன்கிழமை இரண்டாவது முறையாக ஆஜரானாா். முன்னதாக, அவரது தந்தை பிரதாப் சா்நாயக், டிசம்பா் 10-ஆம் தேதி விசாரணைக்காக ஆஜராகியிருந்தாா்.

    முன்னதாக, எம்எல்ஏ பிரதாப் சா்நாயக் இல்லம், அலுவலகம் உள்ளிட்ட இடங்களில் நடத்தப்பட்ட சோதனைகள், அரசியல் காழ்ப்புணா்ச்சியின் காரணமாக மத்திய அரசு பழிவாங்கும் நடவடிக்கையாக இச்செயலில் ஈடுபடுவதாக சிவசேனை குற்றம்சாட்டியிருந்தது.

    56 வயதான பிரதாப் சா்நாயக் சிவசேனை கட்சியின் செய்தித் தொடா்பாளராகவும் இருந்து வருகிறாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp