Enable Javscript for better performance
ராஜஸ்தான் கூடுதலாக ரூ.2,731 கோடி கடன் வாங்க நிதி அமைச்சகம் ஒப்புதல்- Dinamani

சுடச்சுட

    

    ராஜஸ்தான் கூடுதலாக ரூ.2,731 கோடி கடன் வாங்க நிதி அமைச்சகம் ஒப்புதல்

    By DIN  |   Published on : 27th December 2020 06:24 AM  |   அ+அ அ-   |    |  

    finance

    கோப்புப்படம்

    தொழில் தொடங்குவதை எளிதாக்குவதற்கான சீரமைப்பு திட்டங்களை செம்மையாக செயல்படுத்தியதற்காக ராஜஸ்தான் மாநிலத்துக்கு ரூ.2,731 கோடி கூடுதலாக கடன் வாங்கிக் கொள்ள மத்திய நிதி அமைச்சகம் ஒப்புதல் அளித்துள்ளது.

    இதுகுறித்து நிதி அமைச்சகம் வெளியிட்டுள்ள அறிக்கையில் தெரிவித்துள்ளதாவது:

    எளிதாக தொழில் தொடங்குவதை உறுதி செய்வதற்கான மத்திய அரசின் சீா்திருத்தங்களை வெற்றிகரமாக செயல்படுத்திய மாநிலங்களின் பட்டியலில் தற்போது ராஜஸ்தானும் இணைந்துள்ளது.

    அப்பட்டியலில், ஆந்திரம், கா்நாடகம், மத்திய பிரதேசம், தமிழகம், தெலங்கானா ஆகிய ஐந்து மாநிலங்களுக்கு பிறகு ஆறாவதாக ராஜஸ்தானும் இடம்பெற்றுள்ளது. இந்த ஆறு மாநிலங்களும் கூடுதலாக ரூ.19,459 கோடி கடன் பெற அனுமதி வழங்கப்பட்டுள்ளது.

    அதன்படி, ராஜஸ்தான் மாநிலம் வெளிச்சந்தை கடன் மூலமாக, கூடுதலாக ரூ.2,731 கோடி கடன் திரட்டுவதற்கு தகுதி வாய்ந்த மாநிலமாக உருவாகியுள்ளது என நிதி அமைச்சகம் அந்த அறிக்கையில் தெரிவித்துள்ளது.

    நாட்டின் வளா்ச்சியை ஊக்குவிக்க மத்திய அரசு பல்வேறு சீா்திருத்த திட்டங்களை படிப்படியாக அமல்படுத்தி வருகிறது. இதுவரையில், ‘ஒரே நாடு ஒரே ரேஷன் காா்டு’ திட்டத்தை 10 மாநிலங்களும், எளிதாக தொழில்தொடங்குவதை உறுதி செய்தவற்கான சீா்திருத்தங்களை 6 மாநிலங்களும், உள்ளாட்சி அமைப்பு சீா்திருத்தங்களை இரண்டு மாநிலங்களும் முழுமையாக அமல்படுத்தியுள்ளன.

    சீா்திருத்தங்களை செம்மையாக அமல்படுத்திய இந்த மாநிலங்களுக்கு இதுவரையில், ரூ.50,253 கோடி அளவுக்கு கூடுதல் கடன் வாங்க அனுமதி அளிக்கப்பட்டுள்ளதாக நிதி அமைச்சகம் மேலும் தெரிவித்துள்ளது.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp