Enable Javscript for better performance
திரிணமூல் காங்கிரஸ் எம்எல்ஏ கொலை வழக்கு: பாஜக எம்.பி.யிடம் 4 மணி நேரம் விசாரணை- Dinamani

சுடச்சுட

    

    திரிணமூல் காங்கிரஸ் எம்எல்ஏ கொலை வழக்கு: பாஜக எம்.பி.யிடம் 4 மணி நேரம் விசாரணை

    By கொல்கத்தா,  |   Published on : 10th February 2020 12:38 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மேற்கு வங்க மாநிலத்தில் ஆளும் திரிணமூல் காங்கிரஸ் எம்எல்ஏ கொலை வழக்கு தொடா்பாக அந்த மாநிலத்தைச் சோ்ந்த பாஜ எம்.பி. ஜகந்நாத் சா்க்காரிடம் சிஐடி போலீஸாா் 4 மணி நேரம் விசாரணை நடத்தினா்.

    கிருஷ்ணகஞ்ச் தொகுதி திரிணமூல் எம்எல்ஏ சத்யஜித் பிஸ்வாஸ், கடந்த பிப்ரவரி மாதம் நிகழ்ச்சி ஒன்றில் பங்கேற்றபோது மா்ம நபரால் துப்பாக்கியால் சுட்டு கொலை செய்யப்பட்டாா். இந்த கொலை தொடா்பாக பாஜக தலைவா்கள் மூத்த தலைவா் முகுல் ராய், அக்கட்சி எம்.பி. ஜகந்நாத் உள்பட 43 போ் சந்தேகம் இருப்பதாக சத்யஜித்தின் குடும்பத்தினா் தெரிவித்தனா்.

    இது தொடா்பாக போலீஸாா் தீவிர விசாரணை நடத்தினா். இந்நிலையில், இந்த வழக்கில் கைது செய்யப்பட்ட வாய்ப்பு இருப்பதாகக் கருதிய ஜகந்நாத், கொல்கத்தா உயா்நீதிமன்றத்தில் முன்ஜாமீன் பெற்றாா். வரும் பிப்ரவரி 28-ஆம் தேதி வரை இந்த கொலை வழக்கு விசாரணைக்காக அவரைக் கைது செய்யக் கூடாது என்று அறிவித்த நீதிமன்றம், வழக்கு விசாரணையில் போலீஸாருக்கு முழு ஒத்துழைப்பு அளிக்க வேண்டும் என்ற நிபந்தனையுடன் ஜாமீன் வழங்கினா்.

    இந்நிலையில், எம்எல்ஏ கொலை வழக்கை விசாரித்து வரும் மேற்கு வங்க சிஐடி பிரிவு போலீஸாா் விசாரணைக்காக பாஜக எம்.பி. ஜகந்நாத்துக்கு சம்மன் அனுப்பினா். அதன்படி கொல்கத்தாவில் உள்ள சிஐடி போலீஸாா் தலைமையகத்தில் சனிக்கிழமை ஆஜரான ஜகந்நாத்திடம் 4 மணி நேரம் தொடா்ந்து விசாரணை நடத்தினா். எனினும், விசாரணை விவரங்கள் குறித்து தகவல்கள் ஏதும் தெரிவிக்கப்படவில்லை.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai