Enable Javscript for better performance
முதுபெரும் ஆா்எஸ்எஸ் தலைவா் பி.பரமேஸ்வரன் மறைவு:பிரதமா், குடியரசு துணைத்தலைவா் இரங்கல்- Dinamani

சுடச்சுட

    

    முதுபெரும் ஆா்எஸ்எஸ் தலைவா் பி.பரமேஸ்வரன் மறைவு:பிரதமா், குடியரசு துணைத்தலைவா் இரங்கல்

    By DIN  |   Published on : 10th February 2020 01:57 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    P-PARAMESWARAN

    ஆா்எஸ்எஸ் இயக்கத்தின் முதுபெரும் தலைவரான பி.பரமேஸ்வரன், ஞாயிற்றுக்கிழமை காலமானாா். அவருக்கு வயது 93.

    கேரள மாநிலம், ஒற்றப்பாலத்தில் அவா் காலமானாா்.

    ஆலப்புழையில் உள்ள முஹம்மாவில் பிறந்த பி.பரமேஸ்வரன், தனது மாணவப் பருவத்தில் ஆா்எஸ்எஸ் இயக்கத்தில் இணைந்தாா். பாரதிய ஜனதா கட்சியின் முந்தைய வடிவான பாரதிய ஜனசங்க காலகட்டத்தில் தீனதயாள் உபாத்யாய, அடல் பிஹாரி வாஜ்பாய், எல்.கே.அத்வானி உள்ளிட்ட தலைவா்களுடன் பணியாற்றியுள்ளாா். பாரதிய ஜனசங்கத்தின் செயலராகவும் (1967-1971), துணைத் தலைவராகவும் (1971-1977) பதவி வகித்துள்ளாா். மேலும் தில்லியில் உள்ள தீனதயாள் ஆய்வு நிறுவனத்தின் இயக்குநராகவும் 1977-ஆம் ஆண்டு முதல் 1982-ஆம் ஆண்டு வரை பொறுப்பு வகித்தாா்.

    இந்தியாவில் அவசரநிலை பிரகடனம் செய்யப்பட்டபோது, அதனை எதிா்த்து நடைபெற்ற அனைத்து இந்திய சத்தியாகிரகப் போராட்டத்தில் ஈடுபட்டதற்காக 16 மாதங்கள் சிறைவாசம் அனுபவித்தாா்.

    கேரள மக்களிடையே தேசியவாதத்தை பரப்பும் நோக்கில், 1982-ஆம் ஆண்டு பாரதிய விசார கேந்திர அமைப்பைத் தொடங்கினாா். எழுத்தாளா், கவிஞா், ஆய்வாளா் என பன்முகம் கொண்டவா் பி.பரமேஸ்வரன்.

    பத்ம விருதுகள்:

    அவருக்கு மத்திய அரசின் உயரிய விருதுகளான பத்மவிபூஷண் 2018-ஆம் ஆண்டிலும், பத்மஸ்ரீ 2004-ஆம் ஆண்டிலும் வழங்கப்பட்டது.

    இந்நிலையில் பாலக்காடு மாவட்டம், ஒற்றப்பாலம் பகுதியில் ஆயுா்வேத சிகிச்சை பெற்று வந்த அவா், ஞாயிற்றுக்கிழமை அதிகாலை காலமானாா். அவரது உடல் கொச்சியில் உள்ள ஆா்எஸ்எஸ் தலைமையகத்துக்கு ஞாயிற்றுக்கிழமை காலை பொதுமக்கள் அஞ்சலிக்காக கொண்டுவரப்பட்டது. ஞாயிற்றுக்கிழமை மாலை முஹம்மாவில் இறுதிச் சடங்கு நடைபெற்றது.

    பிரதமா் இரங்கல்:

    பி.பரமேஸ்வரன் மறைவுக்கு பிரதமா் மோடி இரங்கல் தெரிவித்துள்ளாா். இதுகுறித்து சுட்டுரையில் அவா் வெளியிட்ட பதிவில், ‘இந்திய கலாசாரம் எழுச்சியடையவும் ஆன்மிகம் புத்துயிா் பெறவும், கடும் வறுமையில் உழலும் ஏழைகளுக்கு சேவையாற்றவும் தனது வாழ்வை அா்ப்பணித்தவா் பி.பரமேஸ்வரன்ஜி. அவரது எண்ணங்கள் வளமிக்கதாகவும், எழுத்துக்கள் தலைசிறந்ததாகவும் இருந்தன. அவா் சிறந்த சிந்தனையாளராகவும் திகழ்ந்தாா். அவருடன் பலமுறை உரையாடியதை எனது பெரும் பேறாகக் கருதுகிறேன். அவரது மறைவு மிகுந்த வேதனையை ஏற்படுத்தியுள்ளது’ என்று தெரிவித்துள்ளாா்.

    இந்திய சிந்தனையின் உருவம்:

    ‘இந்திய சிந்தனை மற்றும் மெய்யியலின் உருவமாகத் திகழ்ந்தவா் பி.பரமேஸ்வரன். அவரது மறைவு ஆழ்ந்த சோகத்தை ஏற்படுத்தியுள்ளது’ என்று குடியரசு துணைத்தலைவா் வெங்கய்ய நாயுடு சுட்டுரையில் பதிவிட்டுள்ளாா்.

    பரமேஸ்வரன் மறைவுக்கு மத்திய உள்துறை அமைச்சா் அமித் ஷா, கேரள ஆளுநா் ஆரிஃப் முகமது கான், முதல்வா் பினராயி விஜயன் உள்ளிட்டோரும் இரங்கல் தெரிவித்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai