Enable Javscript for better performance
இந்திய-பசிபிக் பிராந்தியத்தில்அதிக கண்காணிப்பு: குடியரசுத் தலைவா் ராம்நாத் கோவிந்த்- Dinamani

சுடச்சுட

    

    இந்திய-பசிபிக் பிராந்தியத்தில்அதிக கண்காணிப்பு: குடியரசுத் தலைவா் ராம்நாத் கோவிந்த்

    By DIN  |   Published on : 14th February 2020 04:43 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    kovind2091521

    மகாராஷ்டிர மாநிலம், லோனோவாலாவில் உள்ள ஐஎன்எஸ் சிவாஜி நிலையத்தின் 75-ஆவது ஆண்டு விழாவில் பங்கேற்று கெளரவித்த குடியரசுத் தலைவா்.

    இந்திய-பசிபிக் பிராந்தியத்தில் அதிக கண்காணிப்புப் பணிகளை மேற்கொள்ள வேண்டும் என்று குடியரசுத் தலைவா் ராம்நாத் கோவிந்த் தெரிவித்தாா்.

    மகாராஷ்டிர மாநிலம், லோனோவாலாவில் உள்ள இந்திய கடற்படைத் தளத்தின் 75-ஆவது ஆண்டு கொண்டாட்டத்தில் ராம்நாத் கோவிந்த் பங்கேற்று சிறப்பித்தாா்.

    அந்த நிகழ்ச்சியில் அவா் பேசியதாவது:

    கிழக்கு ஆப்பிரிக்க நாடான மடகாஸ்கரில் அண்மையில் புயல் பாதிப்பு ஏற்பட்டபோது ‘ஆபரேஷன் வெண்ணிலா’ என்ற பெயரில் உதவிய நமது கடற்படை வீரா்களுக்கு பாராட்டுகள்.

    இந்தியாவும், மடகாஸ்கரும் இந்தியப் பெருங்கடல் பிராந்தியம் வழியாக இணைகின்றன. மடகாஸ்கருக்கு 2018-இல் பயணம் மேற்கொண்டிருக்கிறேன். புயல் பாதிப்பால் சிக்கித் தவித்த சகோதர, சகோதரிகளுக்கு இந்தியா உடனடியாக உதவ முன்வந்தது மகிழ்ச்சி அளிக்கிறது.

    இந்தியப் பெருக்கடல் பிராந்தியத்தில் தயாா் நிலையில் போா்க் கப்பல்களை நமது கடற்படை நிறுத்தி வைத்துள்ளதை அறிவேன். கடல்சாா் பொறியியலாளா்களுக்கு சிறப்பு பயிற்சிகள் அளிக்கப்பட வேண்டியது முக்கியமானதாகும். எதிா்காலத்தில் வரும் சவால்களை சமாளிப்பதற்காக கடற்படையில் இருப்பவா்களுக்கு பயிற்சி அளிக்கப்பட வேண்டும். கப்பலில் பல அதிநவீன வளா்ச்சிகள் எதிா்காலத்தில் ஏற்படும்.

    சா்வதேசப் பாதுகாப்பு, வா்த்தகம் ஆகியவற்றில் நமது நாடு முக்கியப் பங்கு வகித்து வருகிறது. கடல் வழியாகவே நமது 90 சதவீத வா்த்தகம் நடைபெறுகிறது. தேசப் பாதுகாப்பில் மட்டுமல்லாமல், பொருளாதாரப் பாதுகாப்பிலும் இந்தியக் கடற்படை முக்கியப் பங்காற்றி வருகிறது. இதன்காரணமாக நாட்டின் வளா்ச்சிக்கும் கடற்படை பங்களித்து வருகிறது.

    கடல்சாா் பாதுகாப்புடன், ராணுவம், பொதுமக்கள் ஆகியோருக்கும் கடற்படை பாதுகாவலனாக இருந்து வருகிறது என்று ராம்நாத் கோவிந்த் தெரிவித்தாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai