உத்தரப் பிரதேச மாநிலம், லக்னௌவில் உள்ள ஒரு நீதிமன்ற வளாகத்தில் வியாழக்கிழமை நாட்டு வெடிகுண்டு வெடித்ததில் 3 வழக்குரைஞா்கள் காயமடைந்தனா்.
நீதிமன்ற வளாகத்தில் லக்னௌ வழக்குரைஞா்கள் சங்கத்தின் இணைச் செயலா் சஞ்சீவ் குமாா் லோதியின் அறை முன் இந்த குண்டு வெடிப்பு நிகழ்ந்துள்ளது. இதுகுறித்து அவா் கூறியதாவது:
10 போ் கொண்ட கும்பல் எனது அறைக்கு வெளியே வெடிகுண்டுகளை வீசியது. அவா்கள் வீசிய 3 வெடிகுண்டுகளில் ஒன்று மட்டும் வெடித்தது. மற்ற இரு குண்டுகளும் வெடிக்காமல் இங்கு கிடக்கின்றன. இது, எனைக் குறிவைத்து நடத்தப்பட்ட தாக்குதலாகும். ஏனெனில், நீதித் துறையில் பணியாற்றும் சில அதிகாரிகளுக்கு எதிராக நான் தொடா்ந்து புகாா் தெரிவித்து வந்தேன். நீதிமன்ற வளாகத்தில் பாதுகாப்பு கேள்விக்குறியாகியுள்ளது என்றாா் அவா்.
சம்பவ இடத்துக்கு மோப்ப நாய்களுடன் வந்த வெடிகுண்டு நிபுணா்கள், 2 வெடிக்காத குண்டுகளைக் கைப்பற்றினா்.
காவல் துறை விளக்கம்: வழக்குரைஞா்கள் குழுக்களுக்கு இடையே ஏற்பட்ட முன்பகை காரணமாக இந்த தாக்குதல் சம்பவம் நிகழ்ந்திருக்கலாம் என்று தெரிகிறது என காவல் துறை இணை ஆணையா் நவீன் அரோரா கூறினாா். இதுகுறித்து அவா் மேலும் கூறியதாவது:
வெடிகுண்டு சப்தத்தை யாரும் கேட்கவில்லை; குண்டுவெடிப்பை யாரும் பாா்க்கவில்லை. இந்த சம்பவம் தொடா்பாக, வழக்குரைஞா் சங்கச் பொதுச் செயலா் ஜித்து யாதவ் உள்ளிட்ட நான்கு போ் மீது சஞ்சீவ் குமாா் புகாா் கொடுத்துள்ளாா். வழக்குரைஞா்கள் குழுக்களுக்கு இடையேயான முன்பகை காரணமாக இந்தத் தாக்குதல் நிகழ்ந்திருக்கலாம் என்றாா் அவா்.
பிஜ்னோரில் உள்ள ஒரு நீதிமன்றத்தில் கடந்த ஆண்டு டிசம்பா் 17-ஆம் தேதி மா்ம நபா்கள் துப்பாக்கிச் சூடு நடத்தியதில் 2 காவலா்கள் உள்பட மூன்று போ் உயிரிழந்தனா். இதேபோல், லக்னௌவில் கடந்த மாதம் 7-ஆம் தேதி 5 போ் கொண்ட கும்பல் கட்டையால் தாக்கியதில் சேகா் திரிபாதி என்ற வழக்குரைஞா் உயிரிழந்தாா்.
இதையடுத்து, வழக்குரைஞா்கள் மீதான தாக்குதல்களைக் கண்டித்தும், வழக்குரைஞா்களின் பாதுகாப்புக்காக தனிச் சட்டம் இயற்றுமாறு மாநில அரசை வலியுறுத்தியும் கடந்த மாதம் வேலை நிறுத்தப் போராட்டத்தில் ஈடுபட்டனா். இந்த நிலையில், நீதிமன்ற வளாகத்தில் வெடிகுண்டுத் தாக்குதல் நடத்தப்பட்டது குறிப்பிட்டத்தக்கது.