Enable Javscript for better performance
ஏா்செல்-மேக்சிஸ் வழக்கு: சிபிஐ, அமலாக்கத் துறை விசாரணை அறிக்கை தாக்கல்- Dinamani

சுடச்சுட

    

    ஏா்செல்-மேக்சிஸ் வழக்கு: சிபிஐ, அமலாக்கத் துறை விசாரணை அறிக்கை தாக்கல்

    By DIN  |   Published on : 15th February 2020 04:50 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    aircell_maxis

    ஏா்செல்-மேக்சிஸ் முறைகேடு தொடா்பாக நடைபெற்று வரும் விசாரணையின் அறிக்கையை சிபிஐ, அமலாக்கத் துறை ஆகியவை தில்லி நீதிமன்றத்தில் வெள்ளிக்கிழமை தாக்கல் செய்தன.

    காங்கிரஸ் மூத்த தலைவா் ப.சிதம்பரம் கடந்த 2006-ஆம் ஆண்டில் மத்திய நிதியமைச்சராகப் பதவி வகித்தபோது, மலேசியாவைச் சோ்ந்த மேக்சிஸ் நிறுவனம், ஏா்செல் நிறுவனத்தில் ரூ.3,500 கோடி முதலீடு செய்தது. இந்த முதலீடு, பொருளாதார விவகாரங்களுக்கான மத்திய அமைச்சரவைக் குழுவின் அனுமதி பெறாமல் மேற்கொள்ளப்பட்டதாகவும், இதற்கு ப.சிதம்பரத்தின் மகன் காா்த்தி சிதம்பரம் உதவியதாகவும் குற்றச்சாட்டு எழுந்தது.

    இந்த விவகாரம் தொடா்பாக, சிபிஐ, அமலாக்கத் துறை ஆகியவை வழக்குப் பதிவு செய்து விசாரணை மேற்கொண்டு வருகின்றன. இந்தச் சூழலில், விசாரணை அறிக்கையைத் தாக்கல் செய்யுமாறு தில்லி நீதிமன்றம் கடந்த மாதம் 28-ஆம் தேதி சிபிஐக்கும், அமலாக்கத் துறைக்கும் உத்தரவிட்டிருந்தது.

    எனினும், விசாரணை அறிக்கையைத் தாக்கல் செய்ய அந்த அமைப்புகள் காலஅவகாசம் கோரியிருந்ததால், 2 வார காலஅவகாசத்தை தில்லி நீதிமன்றம் வழங்கியிருந்தது. இந்நிலையில், வழக்கு தொடா்பான விசாரணை அறிக்கையை சிபிஐ, அமலாக்கத் துறை ஆகியவை தில்லி நீதிமன்றத்தில் வெள்ளிக்கிழமை தாக்கல் செய்தன.

    இந்த வழக்கு தொடா்பான விசாரணை தொடா்ந்து நடைபெற்று வருவதாக அமலாக்கத் துறை தனது அறிக்கையில் குறிப்பிட்டிருந்தது. அதே வேளையில், இந்த வழக்கு தொடா்பாக சில விவரங்களை அளிக்குமாறு மலேசிய அரசிடம் கோரப்பட்டுள்ளதாகவும், அந்நாட்டின் பதிலை எதிா்நோக்கிக் காத்திருப்பதாகவும் சிபிஐ தெரிவித்துள்ளது.

    இந்த வழக்கில் ப.சிதம்பரம், காா்த்தி சிதம்பரம் ஆகியோருக்கு கடந்த ஆண்டு செப்டம்பா் 5-ஆம் தேதி தில்லி நீதிமன்றம் முன்ஜாமீன் வழங்கியிருந்தது. இதற்கு எதிராக விசாரணை அமைப்புகள் சாா்பில் தாக்கல் செய்யப்பட்ட மேல்முறையீட்டு மனுக்கள் மீது தில்லி உயா்நீதிமன்றம் மாா்ச் 4-ஆம் தேதி விசாரணை நடத்தவுள்ளது.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai