Enable Javscript for better performance
நாட்டின் ஏற்றுமதி 1.66 சதவீதம் குறைந்தது: மத்திய வா்த்தக அமைச்சகம்- Dinamani

சுடச்சுட

    

    நாட்டின் ஏற்றுமதி 1.66 சதவீதம் குறைந்தது: மத்திய வா்த்தக அமைச்சகம்

    By DIN  |   Published on : 15th February 2020 01:53 AM  |   அ+அ அ-   |  

    export064907

    நாட்டின் ஏற்றுமதி ஜனவரியில் 1.66 சதவீதம் குறைந்துள்ளது.

    இதுகுறித்து மத்திய வா்த்தக அமைச்சகம் வெள்ளிக்கிழமை வெளியிட்ட புள்ளிவிவரத்தில் கூறியுள்ளதாவது:

    நாட்டின் ஏற்றுமதி நடப்பாண்டு ஜனவரி மாதத்தில் 2,597 கோடி டாலராக இருந்தது. முந்தைய ஆண்டு ஏற்றுமதியுடன் ஒப்பிடும்போது இது 1.66 சதவீதம் குறைவாகும். இதையடுத்து, நாட்டின் ஏற்றுமதி தொடா்ச்சியாக ஆறாவது மாதமாக பின்னடைவைக் கண்டுள்ளது.

    மதிப்பீட்டு மாதத்தில் நம்நாடு மேற்கொண்ட இறக்குமதியும் 0.75 சதவீதம் குறைந்து 4,114 கோடி டாலராக காணப்பட்டது. அந்த மாதத்தில் வா்த்தக பற்றாக்குறை 1,517 கோடி டாலராக இருந்தது. கடந்த 2019 ஜனவரியில் வா்த்தக பற்றாக்குறையானது 1,505 கோடி டாலராக காணப்பட்டது

    நடப்பு 2019-20-ஆம் நிதியாண்டின் ஏப்ரல் முதல் ஜனவரி வரையிலான காலகட்டத்தில் நாட்டின் ஏற்றுமதி 1.93 சதவீதம் சரிந்து 26,526 கோடி டாலரானது. இறக்குமதி 8.12 சதவீதம் குறைந்து 39,853 கோடி டாலராக இருந்தது. ஏற்றுமதியைக் காட்டிலும் இறக்குமதி அதிகமானதையடுத்து நாட்டின் வா்த்தக பற்றாக்குறை 13,327 கோடி டாலராக காணப்பட்டது என மத்திய வா்த்தக அமைச்சகம் தனது புள்ளிவிவரத்தில் தெரிவித்துள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai