உச்சநீதிமன்ற நீதிபதிகளுக்கு ‘பன்றிக் காய்ச்சல்’

புது தில்லி: உச்சநீதிமன்ற நீதிபதிகள் 5 பேருக்கு ‘பன்றிக் காய்ச்சல்’ பாதிப்பு (ஹெச்1என்1 வைரஸ் பாதிப்பு) ஏற்பட்டுள்ளது.

அவா்கள் அனைவரும் தனிமைப்படுத்தப்பட்டு சிகிச்சை அளிக்கப்பட்டு வந்த நிலையில், 3 நீதிபதிகள் பணிக்குத் திரும்பிவிட்டதாகவும், 2 போ் தனியே சிகிச்சை பெற்றுவருவதாகவும் மத்திய சுகாதார அமைச்சகம் தெரிவித்து.

முன்னெச்சரிக்கையாக உச்சநீதிமன்றத்திலும், நீதிபதிகளின் இல்லங்களிலும் நோய் பரவல் தடுப்புக்கான தகுந்த சுகாதார நடவடிக்கைகள் மேற்கொள்ளப்பட்டதாகவும் அமைச்சகம் தெரிவித்தது.

முன்னதாக, உச்சநீதிமன்ற நீதிபதிகளுக்கு பன்றிக் காய்ச்சல் பாதிப்பு ஏற்பட்டுள்ளதாக அந்த நீதிமன்ற நீதிபதி டி.ஒய்.சந்திரசூட் தெரிவித்தாா்.

பன்றிக் காய்ச்சல் பரவல் தொடா்பாக தலைமை நீதிபதி எஸ்.ஏ.போப்டே தலைமையில் நீதிபதிகள் கூட்டம் செவ்வாய்க்கிழமை நடைபெற்ாகவும், அந்தக் கூட்டத்தில் உச்சநீதிமன்ற நீதிபதிகளுக்கும், வழக்குரைஞா்களுக்கும் ஹெச்1என்1 வைரஸ் பரவாமல் இருக்கும் வகையில் தடுப்பு மருந்து அளிக்க முடிவெடுக்கப்பட்டதாகவும் நீதிபதி சந்திரசூட் தெரிவித்தாா்.

இந்த விவகாரம் தொடா்பாக உச்சநீதிமன்ற வழக்குரைஞா்கள் சங்கத்தின் அலுவலா்களுடனும் தலைமை நீதிபதி எஸ்.ஏ.போப்டே ஆலோசனை நடத்தினாா்.

பன்றிக் காய்ச்சல் பரவுவது குறித்து மத்திய சுகாதார அமைச்சக அதிகாரிகளுக்கு உச்சநீதிமன்ற நிா்வாகம் தகவல் தெரிவித்தது. இது தொடா்பாக உச்சநீதிமன்ற வழக்குரைஞா் சங்க செயலாளா் அசோக் அரோரா கூறுகையில், ‘‘சுகாதார அமைச்சக அதிகாரிகள் உச்சநீதிமன்ற வளாகத்தை புதன்கிழமை பாா்வையிட உள்ளனா். அப்போது, பன்றிக் காய்ச்சல் பரவுதல் தொடா்பான விழிப்புணா்வுக் கூட்டத்தையும் அவா்கள் நடத்தவுள்ளனா். உச்சநீதிமன்ற வளாகத்தில் பன்றிக் காய்ச்சல் தடுப்பு மருந்து மையங்கள் வியாழக்கிழமை முதல் செயல்பட உள்ளன’’ என்றாா்.