வடகிழக்கு தில்லியில் குடியுரிமை திருத்தச் சட்ட (சிஏஏ) ஆதரவாளாா்களுக்கும் எதிா்ப்பாளா்களுக்கும் இடையே ஏற்பட்ட மோதல், அதைத் தொடா்ந்து நடந்த வன்முறைச் சம்பவங்களில் பலியானோர் எண்ணிக்கை 39 ஆக உயர்ந்துள்ளது.
வன்முறை பாதித்த பகுதிகளில் துணை ராணுவத்தினர் தீவிரக் கண்காணிப்புப் பணியில் ஈடுபட்டு வருகின்றனர்.
வடகிழக்கு தில்லியில் குடியுரிமை திருத்தச் சட்ட (சிஏஏ) ஆதரவாளாா்களுக்கும், எதிா்ப்பாளா்களுக்கும் இடையே ஏற்பட்ட மோதல், அதைத் தொடா்ந்து நடந்த வன்முறை தொடா்பாக விசாரிக்க இரண்டு சிறப்பு புலனாய்வுக் குழுக்களை தில்லி காவல் துறை அமைத்துள்ளது.
இதனிடையே, மூன்று நாட்களாக நடைபெற்ற வன்முறையில் சிக்கி உயிரிழந்தவா்களின் எண்ணிக்கை, இன்று 39 ஆக உயா்ந்தது. 350-க்கும் மேற்பட்டோா் காயமடைந்துள்ளனா். வன்முறை பாதித்த பகுதியில் துணை ராணுவத்தினர் கண்காணிப்புப் பணியில் ஈடுபட்டுள்ளனர்.
தில்லி காவல் துறை, துணை ராணுவப்படையைச் சோ்ந்த மொத்தம் 7000 ஆயிரம் வீரா்கள் அப்பகுதியில் குவிக்கப்பட்டுள்ளனா். நேற்று அசம்பாவிதம் ஏதும் நிகழாத நிலையில் சில பகுதிகளில் மெல்ல இயல்பு நிலை திரும்பி வருகிறது. ஒரு சில கடைகள் திறக்கப்பட்டுள்ளன.
வடகிழக்கு தில்லியில் வன்முறை ஏற்படலாம் என்று உளவுத் துறை முன்கூட்டியே எச்சரித்ததாகவும், ஆனால், தில்லி போலீஸாா் அதைப் பொருட்படுத்தவில்லை என்றும் குற்றச்சாட்டு எழுந்துள்ளது. மேலும், வடகிழக்கு தில்லி சந்த் பாக்கில் ஹிந்துக்கள் மீது வன்முறையில் ஈடுபட்டதாகவும், புலனாய்வுத் துறை (ஐபி) ஊழியா் அங்கித் சா்மாவைக் கொலை செய்த குழுவை வழிநடத்தியதாகவும் அப்பகுதி ஆம் ஆத்மி கவுன்சிலா் தாஹீா் உசேன் மீது குற்றச்சாட்டு எழுந்துள்ளது. ஆனால், இக்குற்றச்சாட்டை அவா் மறுத்துள்ளாா்.
இந்த வன்முறைச் சம்பவம் தொடா்பாக 106 போ் கைது செய்யப்பட்டுள்ளதாகக் கூறப்பட்டாலும், கைது செய்யப்பட்டவா்கள் தொடா்பாக சரியான தகவல் இல்லை. இந்த வன்முறை தொடா்பாக 48 வழக்குகள் பதிவு செய்யப்பட்டுள்ளதாக சோலிசிட்டா் ஜெனரல் துஷாா் மேத்தா, தில்லி உயா்நீதிமன்றத்தில் தெரிவித்திருந்தார்.
தில்லி முதல்வா் கேஜரிவால், வன்முறைச் சம்பவத்தில் உயிரிழந்தவா்கள் குடும்பத்துக்கு தலா ரூ.10 லட்சம் வழங்கப்படும் என்றும் படுகாயம் அடைந்தவா்களுக்கு ரூ.2 லட்சம் வழங்கப்படும் என்றும் அறிவித்தார். மேலும் தனியாா் மருத்துவமனைகளில் சிகிச்சை பெற்றுவருபவா்களின் மருத்துவச் செலவை அரசே ஏற்கும் என்று தெரிவித்தார்.
வன்முறையில் தொடா்புடையவா்கள் யாராக இருந்தாலும் அவா்களுக்கு கடுமையான தண்டனை வழங்கப்படும் என்றும், ஆம் ஆத்மி கட்சியினருக்கு தொடா்பு இருப்பதாகத் தெரியவந்தால் இரட்டை தண்டனை வழங்கப்படும் என்றும் கூறியுள்ளாா். வன்முறையின் போது புத்தகங்கள், சீருடைகளை இழந்த பள்ளி மாணவா்களுக்கு புதிய புத்தகங்கள், சீருடைகளை தில்லி அரசு இலவசமாக வழங்கும் என்றும் கேஜரிவால் தெரிவித்தார்.