மும்பையில் உள்ள கிடங்கில் இன்று காலை தீ விபத்து

மும்பையின் தானே பகுதியில் அமைந்துள்ள மும்ப்ரா எனுமிடத்தில் செயல்பட்டு வரும் கிடங்கில் செவ்வாய்க்கிழமை அதிகாலை தீ விபத்து ஏற்பட்டது.

இந்நிலையில், அங்கு விரைந்த தீயணைப்பு வீரர்கள் தீயை அணைக்கும் பணியில் ஈடுபட்டுள்ளனர். இந்த தீ விபத்து தொடர்பாக விசாரணை நடைபெற்று வருகிறது.

முன்னதாக, மும்பையின் நாகபடா எனுமிடத்தில் அமைந்துள்ள காமதிபுரா பகுதியில் திங்கள்கிழமை ஏற்பட்ட தீ விபத்தில் சிக்கி 5 பேர் காயமடைந்தது குறிப்பிடத்தக்கது.

சமீபகாலமாக தலைநகர் தில்லியில் அடுத்தடுத்து தீ விபத்து சம்பவங்கள் ஏற்பட்டு வருவதை தொடர்ந்து தற்போது மும்பையிலும் ஆங்காங்கே தீ விபத்து ஏற்பட்டு வருகின்றன.