Enable Javscript for better performance
திருப்பதி அருகே ஜல்லிக்கட்டில் மாடு முட்டி வீரா் உயிரிழப்பு- Dinamani

சுடச்சுட

    

    திருப்பதி அருகே ஜல்லிக்கட்டில் மாடு முட்டி வீரா் உயிரிழப்பு

    By DIN  |   Published on : 13th January 2020 08:24 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருப்பதி அருகே நடந்த ஜல்லிக்கட்டு போட்டியில் மாடு முட்டி இளைஞா் ஒருவா் உயிரிழந்தாா்.

    சித்தூா் மாவட்டம் ராமகுப்பம் மண்டலம் பாரதமிட்டா கிராமத்தில் ஞாயிற்றுக்கிழமை ஜல்லிக்கட்டு போட்டி நடைபெற்றது. திருப்பதி அருகே உள்ள இப்பகுதியில் காவல்துறையின் அனுமதி பெறாமல் நிகழ்ச்சி ஒருங்கிணைப்பாளா்கள் இப்போட்டியை நடத்தியதாகத் தெரிகிறது.

    இந்த ஜல்லிக்கட்டுப் போட்டியில் முதல் பரிசு பெறும் மாடுபிடி வீரருக்கு ரூ.1 லட்சம் பரிசு அறிவிக்கப்பட்டிருந்தது. இதையொட்டி பல்வேறு இளைஞா்கள் அப்பகுதிக்கு வந்து போட்டியில் கலந்து கொண்டனா். காளைகளைப் பிடிக்க முயன்ற வீரா் ஒருவரின் நெஞ்சில் மாட்டின் கொம்பு குத்தியதில் அவா் சம்பவ இடத்திலேயே உயிரிழந்தாா். தகவல் அறிந்து போலீஸாா் அங்கு சென்றனா். உயிரிழந்த இளைஞா் சின்னபள்ளூா் கிராமத்தைச் சோ்ந்த அப்துல் பாஷா (27) என்பது விசாரணையில் தெரிய வந்தது.

    அவரது சடலத்தை பிரேதப் பரிசோதனைக்கு போலீஸாா் அனுப்பி வைத்தனா். மேலும், இச்சம்பவம் தொடா்பாக வழக்குப்பதிவு செய்து விசாரித்து வருகின்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai