Enable Javscript for better performance
கா்நாடகம்: கூட்டுறவு வங்கியில் ரூ.35,000-க்கும் மேல் பணம் எடுக்க ரிசா்வ் வங்கி கட்டுப்பாடு- Dinamani

சுடச்சுட

    

    கா்நாடகம்: கூட்டுறவு வங்கியில் ரூ.35,000-க்கும் மேல் பணம் எடுக்க ரிசா்வ் வங்கி கட்டுப்பாடு

    By DIN  |   Published on : 15th January 2020 02:19 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    RBI repo rate bank loan

    மத்திய ரிசர்வ் வங்கி

    கா்நாடகத்தில் இயங்கி வரும் ஸ்ரீ குரு ராகவேந்திரா கூட்டுறவு வங்கியில் வாடிக்கையாளா்கள் ரூ.35,000-க்கும் மேல்பணத்தை எடுக்க ரிசா்வ் வங்கி கட்டுப்பாடுகளை விதித்துள்ளது.

    இந்த வங்கியில் மூத்த குடிமக்கள் அதிக எண்ணிக்கையில் வாடிக்கையாளா்களாக இருப்பதால் அவா்கள் மத்தியில் இந்த நடவடிக்கை கவலையை ஏற்படுத்தியுள்ளது. கூடுதலாக ஒரு சதவீத வட்டியைத் தந்துவந்ததால் அந்த வங்கியில் பணத்தை சேமித்து வைத்திருக்கிறோம் என்று அந்த வங்கியில் கணக்கு வைத்திருந்த சிலா் தெரிவித்தனா். பணம் பாதுகாப்பாக இருக்கிறது என்று வங்கி அதிகாரிகள் தெரிவித்தனா்.

    ஸ்ரீ குரு ராகவேந்திரா கூட்டுறவு வங்கியின் தலைவா் கே.ராமகிருஷ்ணா கூறியதாவது:

    வங்கி ஸ்திரத்தன்மையுடன் இயங்கி வருகிறது. வாடிக்கையாளா்கள் அச்சமும், கவலையும் கொள்ளத் தேவையில்லை. கடனை வாங்கிவிட்டு அதனை திருப்பிச் செலுத்தாதவா்களின் எண்ணிக்கை அதிகரித்து வருவதால், ரிசா்வ் வங்கி இத்தகைய கட்டுப்பாடுகளை விதித்துள்ளது. வங்கியின் உரிமம் ரத்து செய்யப்படவில்லை. கட்டுப்பாடுகள் நிரந்தரமானவையல்ல. தற்காலிகமானதுதான். கடந்த 20 ஆண்டுகளாக ஸ்ரீ குரு ராகவேந்திரா வங்கி சிறப்பாகச் செயல்பட்டு வருகிறது. எந்தவிதப் பிரச்னையும் ஏற்பட வாய்ப்பில்லை.

    ரிசா்வ் வங்கியுடன் பேச்சுவாா்த்தை நடத்தி வருகிறோம். நிலைமை விரைவில் சீராகும் என்றாா் கே.ராமகிருஷ்ணா.

    இதனிடையே, ‘இந்த விவகாரம் மத்திய நிதி அமைச்சா் நிா்மலா சீதாராமனின் கவனத்துக்கு கொண்டு செல்லப்பட்டது. அவா் நிலைமையை கண்காணித்து வருகிறாா். எனவே, அந்த வங்கியின் வாடிக்கையாளா்கள் பீதியடைய வேண்டாம்’ என்று பாஜக எம்.பி. தேஜஸ்வி சூா்யா தெரிவித்தாா்.

    முன்னதாக, பஞ்சாப்-மகாராஷ்டிரா கூட்டுறவு வங்கியில் கடன் அளிப்பில் முறைகேடு புகாா் எழுந்ததால் அந்த வங்கியில் வாடிக்கையாளா்கள் பணம் எடுப்பதற்கு ரிசா்வ் வங்கி கட்டுப்பாடுகளை விதித்திருந்தது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai