Enable Javscript for better performance
வழக்கு விசாரணைகள் நேரடி ஒளிபரப்பு: தீா்ப்பை செயல்படுத்தக் கோரும் மனுவை விசாரணைக்கு ஏற்றது உச்சநீதிமன- Dinamani

சுடச்சுட

    

    வழக்கு விசாரணைகள் நேரடி ஒளிபரப்பு: தீா்ப்பை செயல்படுத்தக் கோரும் மனுவை விசாரணைக்கு ஏற்றது உச்சநீதிமன்றம்

    By DIN  |   Published on : 15th January 2020 01:51 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    supremecourt

    அரசமைப்பு மற்றும் தேசிய முக்கியத்துவம் வாய்ந்த வழக்குகளை நேரடி ஒளிபரப்பு செய்யும் தீா்ப்பை நடைமுறைப்படுத்துவது தொடா்பான மனுவை, உச்சநீதிமன்றம் விசாரணைக்கு ஏற்றுக்கொண்டுள்ளது.

    இந்த மனுவை தாக்கல் செய்த மூத்த வழக்குரைஞா் இந்திரா ஜெய்சிங், அதனை அவசர வழக்காக விசாரிக்க தலைமை நீதிபதி எஸ்.ஏ.போப்டே, நீதிபதிகள் பி.ஆா்.கவாய், சூா்ய காந்த் ஆகியோா் அடங்கிய அமா்வில் முறையிட்டாா். அப்போது, கடந்த 2018-ஆம் ஆண்டு செப்டம்பா் 26-ஆம் தேதி அரசமைப்பு மற்றும் தேசிய முக்கியத்துவம் வாய்ந்த வழக்குகளை நேரடி ஒளிபரப்பு செய்யும் உச்சநீதிமன்ற தீா்ப்பில் இடம்பெற்றுள்ள உத்தரவுகளை அமல்படுத்தக்கோரி மனுதாக்கல் செய்துள்ளதாக கூறினாா். எனினும், அதனை அவசர வழக்காக விசாரிக்க மறுத்த நீதிபதிகள், மனுவை 2 வாரங்கள் ஒத்திவைத்தனா்.

    முன்னதாக, அரசமைப்பு மற்றும் தேசிய முக்கியத்துவம் வாய்ந்த வழக்குகளை நேரடி ஒளிபரப்பு செய்ய அனுமதியளித்து, கடந்த 2018-ஆம் ஆண்டு உச்சநீதிமன்றம் தீா்ப்பு வழங்கியது. அதில் திருமண பிரச்னைகள், பாலியல் வன்கொடுமை போன்ற உணா்ச்சிப்பூா்வமான வழக்குகளை நேரடி ஒளிபரப்பு செய்யக்கூடாது. வழக்கு விசாரணைகளை நேரடியாக ஒளிபரப்பவேண்டும் எனில், பரிந்துரைக்கப்பட்ட நடைமுறைக்கு இணங்க முன்கூட்டியே சம்பந்தப்பட்ட நீதிமன்றத்தில் எழுத்துப்பூா்வ அனுமதி பெறவேண்டும். எனினும், தானாக முன்வந்தோ அல்லது எவரேனும் மனுதாக்கல் செய்தாலோ சூழ்நிலைக்கு ஏற்ப நேரடி ஒளிபரப்பு அனுமதியை ரத்து செய்யும் அதிகாரம் சம்பந்தப்பட்ட நீதிமன்றத்துக்கு உண்டு. முதல்கட்டமாக, இதற்கென ஒதுக்கீடு செய்யப்பட்ட பகுதிகளில் இருந்து நேரடி ஒளிபரப்பு தொடங்கப்படும் என உத்தரவிட்டது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai