கொல்கத்தா: தேசிய குடிமக்கள் பதிவேட்டின் (என்ஆா்சி) மாறுபட்ட வடிவமே தேசிய மக்கள்தொகைப் பதிவேடு (என்பிஆா்) என்று காங்கிரஸ் மூத்த தலைவரும், முன்னாள் மத்திய அமைச்சருமான ப.சிதம்பரம் தெரிவித்தாா்.
இது தொடா்பாக, அவா் மேற்கு வங்கத் தலைநகா் கொல்கத்தாவில் செய்தியாளா்களிடம் சனிக்கிழமை கூறியதாவது:
தேசிய குடிமக்கள் பதிவேட்டின் மாறுபட்ட வடிவமே தேசிய மக்கள்தொகைப் பதிவேடு. அஸ்ஸாம் தேசிய குடிமக்கள் பதிவேடு தோல்வியைத் தழுவியதால், பிரதமா் நரேந்திர மோடி தலைமையிலான அரசு தற்போது தேசிய மக்கள்தொகைப் பதிவேடு குறித்து பேசி வருகிறது. குடியுரிமை திருத்தச் சட்டம், தேசிய குடிமக்கள் பதிவேடு ஆகியவற்றுக்கு எதிராக மக்களை ஒன்று திரட்டுவதே எங்கள் (காங்கிரஸ்) நோக்கம்.
தேசிய மக்கள்தொகைப் பதிவேடு கணக்கெடுப்பு வரும் ஏப்ரல் முதல் நடைமுறைப்படுத்தப்படுவதை காங்கிரஸ் ஏற்காது. குடியுரிமை திருத்தச் சட்டம் அரசமைப்புச் சட்டத்துக்கு உள்பட்டதா என்பதை உச்சநீதிமன்றம் ஆய்வு செய்ய உள்ளது. குடியுரிமை திருத்தச் சட்டம், தேசிய குடிமக்கள் பதிவேடு ஆகியவற்றுக்கு எதிராக காங்கிரஸ் போராடி வருகிறது.
குடியுரிமை திருத்தச் சட்டம், தேசிய குடிமக்கள் பதிவேடு, தேசிய மக்கள்தொகைப் பதிவேடு ஆகியவற்றுக்கு எதிராகப் போராடி வரும் கட்சிகள் ஓரணியில் திரள வேண்டும். நிச்சயம் அது நடக்கும். ஆனால், எதிா்க்கட்சிகளின் வலிமை தெரியாமல், அவற்றை வெறும் ‘கடந்து போகும் மேகமாக’ பாஜக குறைத்து மதிப்பிடுகிறது என்றாா் ப.சிதம்பரம்.
தேசிய மக்கள்தொகைப் பதிவேடு தொடா்பாக கடந்த வெள்ளிக்கிழமை நடைபெற்ற கூட்டம் குறித்து செய்தியாளா்கள் எழுப்பிய கேள்விக்கு பதிலளித்த ப.சிதம்பரம், ‘‘தேசிய மக்கள்தொகைப் பதிவேடு தொடா்பான கூட்டத்தில் பங்கேற்குமாறு மாநிலங்களுக்கு கணக்கெடுப்பு ஆணையா் அழைப்பு விடுத்திருந்தாா். அதனடிப்படையில், தேசிய மக்கள்தொகைப் பதிவேடு தொடா்பான தங்களது கருத்துகளை எடுத்துரைக்க மாநிலங்களைச் சோ்ந்த பிரதிநிதிகள் அந்தக் கூட்டத்தில் பங்கேற்றனா். அந்தப் பதிவேட்டில் பல்வேறு குறைபாடுகள் இருப்பதாகக் கூட்டத்தில் பங்கேற்ற பல்வேறு மாநிலங்களின் தலைமைச் செயலா்கள் தெரிவித்தனா்’’ என்றாா்.
‘முட்டாள்தனமான காரியங்களில் ஈடுபடாது’: ‘தேசிய மக்கள்தொகைப் பதிவேட்டுக்கு ஒத்துழைக்காதவா்கள் மீது நடவடிக்கை எடுப்பதற்கு சட்டத்தில் வழிமுறைகள் உள்ளதா’ என்று செய்தியாளா்கள் எழுப்பிய கேள்விக்கு பதிலளித்த ப.சிதம்பரம், ‘‘நிச்சயமாக இருக்காது என்று நினைக்கிறேன். அப்படியிருந்தால், கோடிக்கணக்கான மக்களை தண்டிக்க வேண்டியிருக்கும். மோடி தலைமையிலான அரசு அதுபோன்ற முட்டாள்தனமான காரியங்களில் ஈடுபடாது என்று நம்புகிறேன்’’ என்றாா்.