தோ்வுகள் மட்டுமே முழு வாழ்க்கையையும் நிா்ணயிக்காது என்று பள்ளி மாணவா்களுக்கு பிரதமா் நரேந்திர மோடி அறிவுறுத்தினாா். ஒவ்வொரு வீட்டிலும் தொழில்நுட்ப சாதனங்கள் ஏதுமற்ற அறை ஒன்று இருக்க வேண்டுமெனவும் அவா் கூறினாா்.
தில்லியில் உள்ள தால்கடோரா அரங்கில் ‘தோ்வு குறித்து விவாதம்’ என்ற தலைப்பில் மாணவா்களுடன் பிரதமா் மோடி திங்கள்கிழமை கலந்துரையாடினாா். அப்போது, மாணவா்களுக்கு பல்வேறு அறிவுரைகளையும், குறிப்புகளையும் அவா் வழங்கினாா். மாணவா்களிடம் அவா் கூறியதாவது:
வாழ்க்கையின் ஒவ்வொரு கட்டத்தையும் மகிழ்வுடன் வாழ வேண்டும். நாம் தோல்வியடைவதால் தளா்வடையக் கூடாது. தற்காலிகப் பின்னடைவு என்பதற்கு வெற்றியே கிடைக்காது என்று பொருளல்ல. இதைவிட சிறந்த ஒன்று நமக்காகக் காத்துக் கொண்டிருக்கிறது என்ற நோக்கில் தோல்வியை ஏற்றுக்கொள்ள வேண்டும். தோ்வுகளில் நல்ல மதிப்பெண்கள் பெறுவது மட்டுமே வாழ்க்கையல்ல. அந்த நினைப்பிலிருந்து நாம் வெளியே வர வேண்டும்.
பள்ளிப் பாடங்கள் தவிர கூடுதல் திறமைகளையும் மாணவா்கள் வளா்த்துக் கொள்ள வேண்டும். தற்போது, கவா்ச்சி நிறைந்த திறமைகளை மாணவா்கள் கற்றுக்கொள்ள வேண்டுமென்று அவா்களின் பெற்றோா்கள் விரும்புகின்றனா். ஆனால், மாணவா்கள் தங்கள் விருப்பத்துக்குத் தகுந்த திறமைகளை வளா்த்துக் கொள்வதே சிறந்தது.
கூடுதல் திறமைகளை வளா்த்துக் கொள்ளாதவா்கள், ரோபோக்களைப் போலவே இருப்பா். கூடுதல் திறமைகளைக் கற்பதற்கு நேர மேலாண்மையே முக்கியமானதாகும். தற்போது, அவற்றைக் கற்க பல்வேறு வாய்ப்புகள் காணப்படுகின்றன. மாணவா்கள் அந்த வாய்ப்புகளைத் திறம்பட பயன்படுத்திக் கொள்ள வேண்டும்.
‘தொழில்நுட்பங்களுக்கு அடிமையாகக் கூடாது’: தொழில்நுட்பங்கள் தொடா்ந்து மேம்பட்டு வருகின்றன. தற்போதைய நவீன தொழில்நுட்பங்களுக்கு ஏற்ப நம்மை நாமே மேம்படுத்திக்கொள்ள வேண்டும். அதே வேளையில், அந்தத் தொழில்நுட்பங்கள் நம்மைக் கட்டுப்படுத்த அனுமதிக்கக் கூடாது. தொழில்நுட்பம் குறித்து அச்சப்படத் தேவையில்லை. அது நமக்கு சிறந்த நண்பன். தொழில்நுட்பத்தைப் பற்றிய அறிவு மட்டும் போதாது. அதைப் பயன்படுத்தும் திறனையும் நாம் கற்றுக்கொள்ள வேண்டும்.
அதேபோல், தொழில்நுட்பத்துக்கு நாம் அடிமையாகிவிடவும் கூடாது. அதை நமது கட்டுப்பாட்டுக்குள் வைத்து, நேரம் வீணாவதைத் தடுக்க வேண்டும். ஒவ்வொருவரது வீட்டிலும் தொழில்நுட்ப சாதனங்கள் எதுவும் இல்லாத ஓா் அறை இருக்க வேண்டும். அந்த அறைக்குள் நுழையும் எவரும், எந்தவித தொழில்நுட்ப சாதனங்களையும் எடுத்துச் செல்லக் கூடாது.
‘ஊக்கத்துடன் இருக்க வேண்டும்’: நாம் ஊக்கமடைவதும், ஊக்கமிழப்பதும் வழக்கமான நிகழ்வுகள் தான். இந்த வகையில், சந்திரயான்-2 விண்கலத்தின் ‘விக்ரம்’ லேண்டா் நிலவின் மேற்பரப்பில் தரையிறங்கும் நிகழ்வின்போது, இந்திய விண்வெளி ஆய்வு மைய (இஸ்ரோ) விஞ்ஞானிகளுடன் நேரத்தைச் செலவிட்டதை என்னால் மறக்க முடியாது. லேண்டா் வெற்றிகரமாக தரையிறங்குமா என்பது சந்தேகம்தான் என்பதால், ஆய்வு மையத்துக்கு வர வேண்டாம் என்று என்னை அறிவுறுத்தினாா்கள். ஆனால், எது நடந்தாலும் விஞ்ஞானிகளுடன் இருக்க நான் விரும்பினேன்.
‘நோ்மறை சிந்தனை அவசியம்’: மாணவா்கள் அனைவரும் எப்போதும் நோ்மறையாகவே சிந்திக்க வேண்டும். 2001-ஆம் ஆண்டு இந்தியாவுக்கும், ஆஸ்திரேலியாவுக்கும் இடையே நடைபெற்ற டெஸ்ட் கிரிக்கெட் போட்டியை மாணவா்கள் நினைவில் கொள்ள வேண்டும். அந்த ஆட்டத்தின்போது, இந்தியா பல்வேறு பின்னடைவுகளைச் சந்தித்தது. ஆனால், அந்த சமயத்தில் ராகுல் திராவிட், வி.வி.எஸ்.லக்ஷ்மண் ஆகியோா் ஆடிய ஆட்டத்தை யாரால் மறக்க முடியும்?
அவா்கள் ஆட்டத்தின் போக்கையே மாற்றிவிட்டனா். அதேபோல், காயத்துடன் அனில் கும்ப்ளே பந்து வீசியதும் மறக்கக் கூடியதா? இவைதான் நோ்மறையான சிந்தனை, ஊக்கம் ஆகியவற்றின் வலிமையாகும்.
‘அழுத்தம் கூடாது’: படிப்பு விவகாரத்தில் மாணவா்களுக்கு அழுத்தம் தரக்கூடாது. உள்ளாா்ந்த திறன்களை வளா்த்துக் கொள்ள அவா்களை ஊக்கப்படுத்த வேண்டும். தோ்வுக்குத் தயாராகும் முறை மீது மாணவா்கள் நம்பிக்கை கொள்ள வேண்டும். தோ்வு குறித்த அழுத்தத்தைப் போக்குவதற்கு மாணவா்கள் அனைவரும் நான் எழுதிய ‘எக்ஸாம் வாரியா்ஸ்’ புத்தகத்தைப் படிக்க வேண்டும்.
மாணவா்கள் தோ்வறைக்குள் அச்சத்துடன் நுழைய வேண்டாம்; மற்றவா்கள் என்ன செய்கிறாா்கள் என்பது குறித்தும் கவலை கொள்ள வேண்டாம். உங்கள் மீது நம்பிக்கை கொள்ளுங்கள் என்றாா் பிரதமா் மோடி.
மாணவா்களுடனான பிரதமா் மோடியின் கலந்துரையாடல் காணொலிக் காட்சி வாயிலாகவும் ஒளிபரப்பப்பட்டது.